Burela
Tin o calcetín e Tina a calcetín achegan á Biblioteca Pública Municipal de Burela da man de Galitoon co obradoiro “Monicreques de calcetín”, unha proposta para nenos e nenas de a partir de 3 anos na que poderán construír e animar o seu propio monicreque.
A actividade desenvolverase o 10 de outubro de 12:00 a 13:00 horas na Casa da Cultura de Burela, e está pensada para que o público infantil poida achegarse ao mundo dos monicreques a través dunha actividade creativa e divertida.
As prazas son limitadas a 40 nenas e nenos e cubriranse por rigorosa orde de inscrición. As familias interesadas xa poden anotarse na Biblioteca Pública Municipal ata o xoves 8 de outubro, en horario de 9:00 a 13:00 e de 17:00 a 20:00 horas. Dende a organización sinalan que o ideal é que cada nena ou neno participe acompañado dos seus...
leer más
O luns 14 de setembro comeza en Burela un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional.
O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
O Concello anuncia que Burela “quenta motores para unha fin de semana na que o surf será o gran protagonista na praia da Marosa. Este sábado ,12 de setembro, dará comezo o Iberdrola Surfing Day Burela 2026, unha cita que durante dous días reunirá deporte, igualdade, participación, formación, sustentabilidade e divulgación arredor do surf. A programación contará con preto de 50 deportistas procedentes de diferentes puntos de España e con nomes de referencia como Melania Suárez, campioa da Liga Pro 2025, e María Martín-Granizo, campioa do mundo de parasurfing. Tamén participarán Nicolás García Andrade, campión de Europa en 2025, e o seu irmán Martín García Andrade, campión do circuíto europeo en 2025”.
A alcaldesa de Burela, Carmela López, destaca “a oportunidade que supón para o municipio acoller esta cita, que chega á provincia de Lugo por...
leer más
O Burela Fútbol Sala anuncia que “o curso xa comezou tamén para a Escola Laranxa. Máis de 160 pequenas xoias entre prebenxamín e xuvenil xa están adestrando dende hai unhas semanas, pero queremos seguir medrando. Por iso abriremos xornadas de portas abertas para a enerxía e ilusión dos Biberóns. Serán entre o luns 14 e o venres 25 de setembro de forma totalmente gratuíta para todos aqueles nenos e nenas nacidos en 2021 que queiran apuntarse a través de CLUBER. Tamén estará dispoñible para @s nad@s en 2022, no caso de que queden prazas libres”.
A presidenta da Deputación de Lugo e alcaldesa de Burela, Carmela López, participou na presentación oficial do Iberdrola Surfing Day Burela 2026, unha iniciativa que “converterá Burela os próximos 12 e 13 de setembro nun punto de encontro arredor do surf, o deporte feminino, a igualdade, a participación, a sustentabilidade e a vinculación coa Mariña lucense. Trátase dun evento que chega á provincia de Lugo por primeira vez, tras celebrase en Nigrán ou Gran Canaria e que reunirá tanto a estrelas do surf como afeccionados a este deporte”.
A presentación tivo lugar na praia de A Marosa, e a mandataria provincial estivo acompañada polo Presidente da Federación Española de Surfing, Román Díez; o representante institucional en Galicia de Iberdrola, Francisco Silva, e o Presidente do Burela Surf Club, Iván Penelo.
...
O Concello de Burela anuncia que o vindeiro día 21 de setembro, luns, comeza unha nova edición de Ximnasia Activa, programa de envellecemento activo dirixido a persoas maiores de 60 anos. As inscricións poderán facerse do 7 ao 16 de setembro na Casa do Concello de 9:00 a 14:00 horas.
“Actividade física, xogos, ximnasia e, sobre todo, unha boa oportunidade para manterse activ@s e compartir bos momentos”, explica o Concello de Burela.
O territorio do GALP A Mariña-Ortegal incorpora PescaTurismo Burela, unha experiencia de turismo mariñeiro desenvolvida no marco de Mar e Rías: Pesca & Turismo, un proxecto de cooperación no que participan os oito Grupos de Acción Local do Sector Pesqueiro (GALP) de Galicia. A proposta, desenvolvida por Miguel Ángel Couto Cilleiro, patrón do Virxen do Rocío, convida a descubrir a pesca artesanal de Burela desde dentro, acompañando ao profesional durante unha saída real de traballo a bordo da súa embarcación.
O GALP A Mariña-Ortegal explica que esta experiencia “permitirá coñecer como se prepara unha xornada de pesca desde o propio porto de Burela, embarcar no Virxen do Rocío e navegar ata a zona de pesca. Ao longo da saída, as persoas participantes poderán observar o traballo coas nasas empregadas para a captura de...
leer más
A Deputación de Lugo anuncia que impulsa o ciclo cultural Pantallas Sonoras, organizado pola Asociación Cultural Plataforma Ultramar, que dá inicio este mércores, 2 de setembro, en Burela á programación vinculada ao Festival Osa do Mar. A institución provincial achega 10.000 euros á entidade para o desenvolvemento desta proposta cultural, que se celebrará ata o 5 de setembro e que combina cinema, música, creación audiovisual galega e participación cidadá.
Pantallas Sonoras celebrará a súa segunda edición con documentais, coloquios, música en directo e a final do seu primeiro concurso de videoclips, que recibiu preto dun centenar de traballos. A iniciativa, desenvolvida en colaboración co Festival Osa do Mar e co apoio do Concello de Burela, busca tender pontes entre o cinema, a música e o audiovisual.
... leer más
O Concello de Burela anuncia que este martes, 1 de setembro, comezou o prazo de matrícula para novo alumnado na Escola Municipal de Música. As inscricións serán ata o día 11 deste mes na Casa da Xuventude, na rúa do Cancelo, ou nos teléfonos 982.879.483 e 982.580.720, en horario de 10:00 a 14:00 horas.
Haberá prazas dispoñibles en música e movemento para cativada a partir de 4 anos, formación instrumental para adultos cos instrumentos dispoñibles na escola, agrupacións musicais de diferentes tipos e outras actividades.
O tenente de alcaldesa Mario Pillado anima á cidadanía e ás familias de Burela a “ser parte deste novo curso na Escola de Música para desfrutar ao máximo desta arte na nosa vila”.
A Deputación de Lugo anuncia que comezou a conta atrás para que A Mariña se converta, os días 12 e 13 de setembro, nun dos epicentros do surf feminino. A praia da Marosa, no concello de Burela, acollerá o Iberdrola Surfing Day Burela, unha cita que “combinará deporte, formación, participación e sensibilización e que conta co apoio da Deputación de Lugo, cunha achega económica de máis de 30.000 euros”.
“Entre as principais actividades da xornada destaca o clínic de surfing feminino, unha sesión formativa que combinará traballo técnico en terra e unha sesión práctica na auga. As persoas participantes poderán compartir espazo con deportistas de referencia, coñecer as súas experiencias e traballar diferentes aspectos relacionados coa práctica do surf”, explica a Deputación de Lugo, que engade: “a programación inclúe tamén...
leer más