Programación
A Xunta de Galicia impulsa unha variada oferta cultural en 10 concellos da Mariña a través do programa CulturON 2024. O delegado territorial, Javier Arias, presentou hoxe na Delegación Territorial os detalles da programación, ques se prolongará ata setembro e abrangue espectáculos de teatro, música ou maxia pensados para todos os públicos.
Arias destacou a aposta pola descentralización deste programa da Consellería de Cultura, Lingua e Xuventude, con iniciativas en boa parte dos municipios da provincia e moi especialmente nas zonas rurais, en liña cos obxectivos da futura Rede Adival e da Lei de Cultura inclusiva e accesible de Galicia. Ademais, brinda ás industrias culturais galegas a oportunidade de amosar o seu traballo ao público en todo o territorio.
Inclúe proxectos propios da Administración autonómica ou...
leer más
O Concello de Cervo, en colaboración con diferentes asociacións, programa unha serie de actividades culturais para conmemorar o Día das Letras Galegas, que este ano están dedicadas á escritora Luísa Villalta.
O programa foi presentado pola rexedora, Dolores García Caramés, e por representantes de Airiños do Xunco, Cordenaia, As Espalladoras e a asociación de veciños de San Román, que organizan varias das actividades previstas, coa colaboración da Administración local.
A primeira das citas terá lugar o xoves, 16 de maio na Casa da Cultura. Será unha actuación infantil a cargo de Cristina Collazo baixo o título “Procúrase Pepa a Loba”. Na Casa da Cultura, ás 19:30 horas.
Xa o propio Día das Letras Galega, o venres, 17 de maio, ás 12:00 horas, na Praza do Souto, terá lugar unha particular...
leer más
O Concello de Burela presenta a súa programación de Entroido. Serán un total de seis días con numerosas actividades, dende o venres día 9 de febreiro ata o mércores 14, día do Enterro da Sardiña.
“Chega o entroido e con el as ganas de divertirse, de disfrazarse e de manter o espírito participativo para continuar con este dinamismo que move Burela”, sinalou a alcaldesa do municipio, Carmela López.
"Tanto o Concello como as entidades que se suman á celebración organizando bailes e concursos estamos a traballar arreo para darlle auxe ó entroido", afirmou pola súa banda Patricia Eijo Palmeiro, concelleira de Festas e Festexos.
Dentro da programación destacan as actividades que se realizarán na carpa da praza da Mariña. A primeira delas será a Festa Xuvenil, que inaugurará a programación...
leer más
A concelleira de Cultura, Inés López Couto, anuncia que despois da emocionante tarde de acendido das luces de Nadal, a comezos deste mes, agora chegan as vacacións invernais dos máis pequen@s da casa e os días con máis actividades en Foz.
Inés López especifica que “esta fin de semana Papá Noel estará esperando a visita de tod@s os que queiran estar un ratiño con el na súa casiña situada na praza do concello. O domingo 24 a partir das 12 da mañá todos os que queiran poderán achegarse a visitar a Papá Noel e pedirlle que cumpra os desexos de última hora, xa que esa noite terá moito traballo para chegar a todas as casas. Non estará so porque os nenos do coro da Escola de Música percorrerán as rúas animando con panxoliñas. Pero antes os elfos de Papa Noel estarán polas rúas: poderás atopalos se te achegas a ver o espectáculo de teatro infantil...
leer más
O Concello de Foz presentou hoxe, xoves, a súa programación cultural para os meses de setembro, outubro e novembro. A concelleira de Cultura, Inés López Couto, anuncia que “este outono chega cargado de novidades teatrais, musicais e de cine”.
A edil de Cultura explica que “a primeira novidade son as sesións de cine, que se ofrecerán todos os venres de setembro, con películas galegas premiadas nos Goya. Serán na Casa da Cultura ás 20.30 horas. A pesares de que Foz carece de cine, queremos que continúe tendo ese servizo, xa que en Galicia contamos cun cine da mellor das calidades”.
Inés López Couto engade que “outubro comeza con Entroido, xa que o día 14 realizarase na Sala Bahía o acto de elección da raíña ou rei desta festa, que por fin conseguiu que se recoñecera que é espectacular e que atrae a moitos visitantes...
leer más
O Concello de Viveiro organiza no Teatro Pastor Díaz unha ampla programación de espectáculos para o último trimestre deste 2023. Nos meses de outubro, novembro e decembro o teatro acollerá un total de 12 eventos entre representacións teatrais, concertos e incluso un espectáculo de maxia.
Lara Fernández Fernández-Noriega, concelleira de Cultura, destaca que os eventos programados “inclúen como sempre grandes pezas teatrais a nivel galego, e tamén, como en anos anteriores, a nivel nacional”. “Neste caso teremos unha peza que chega dende o País Vasco e outra dende Madrid”, engade.
A concelleira sinala que o obxectivo principal desta programación é “facer da nosa cultura unha cultura plural, diversa, que abranga tanto o feito no noso país como o feito no panorama nacional”.
“É sempre un...
leer más
A Casa da Cultura do Vicedo presentou recentemente a programación para este mes de agosto con diferentes actividades. Dende música ata deporte e pasando incluso por gastronomía.
Seguen os Mércores de natureza: serán o 16 de agosto coa xeoruta por Area Grande e Xilloi, o 23 de agosto cunha ruta nocturna entre as praias de San Román e a de Abrela e por último o 30 de agosto terá lugar unha subida do Río Sor en kayaks. Para máis información ou mesmo inscribirse, pódese contactar con 982-59-01-95 ou no correo electrónico omix@concellodovicedo.org.
O 11 de agosto ás 16.30 terá lugar o concurso de figuras de area na praia de Abrela. O 16 de agosto poderase gozar dunha degustación de produtos das rías galegas grazas á campaña de difusión dos mesmos. Será na praia de Xilloi...
leer más
A Delegación de Cultura do Concello de Foz organiza durante este mes de abril nunha programación especial dedicada ao libro porque o vindeiro día 23 é o Día Mundial do Libro.
A concelleira de Cultura, Inés López Couto, anuncia que “para comezar o venres 8 a compañía Teatro do Atlántico trae a obra Libre coma os páxaros, que está baseada en textos de Rosalía de Castro. Esta obra achéganos a liberdade dunha muller que toma a palabra e non se somete as regras da arte nin acata os mandatos dos seus iguais. É unha obra na que se tenta mostrar o papel dunha muller que foi precursora nas nosas letras e que debe ser exemplo de cambio e liberdade no ámbito dos dereitos femininos”. A Casa da cultura acollerá esta representación ás 20.30 horas. O prezo da entrada será de 5 euros.
O Concello tamén colabora na 7ª Semana das...
leer más
O Concello de Viveiro, a través da súa concellería de Cultura, anuncia o programa cultural para os próximos meses no Teatro Pastor Díaz, que se inclúe dentro da Rede Galega de Teatros e Auditorios, ao que se suman outras propostas culturais puntuais organizadas polo Concello de Viveiro.
O programa inclúe espectáculos para todos os públicos, comezando o próximo sábado 12 de febreiro ás 18:00 con “Sopa de Piedras” de Engruna Teatre dirixido a público infantil dende os 4 anos. Tamén en febreiro, o sábado 19, os nenos e nenas de 4 a 9 anos poderán gozar da obra “Onde Viven os monstros” da compañía Os náufragos.
A programación para adultos comezará o sábado 5 de marzo, coa obra de comedia “As que limpan” de A Panadería Teatro ás 20:30. O calendario propón hasta o mes de maio diferentes espectáculos, tanto para...
leer más
O programa súmase aos concertos e obradoiros xa anunciados, así como ao Belén “Viveiro ante o Berce”
O Concello de Viveiro presenta a súa programación para estas festas de Nadal, ofrecendo opcións para todas as idades. Este programa súmase aos primeiros espectáculos xa anunciados para esta fin de semana, así como aos obradoiros propostos para a infancia.
“Este ano decantámonos por un programa de pequeno formato, que nos permita manter a atención á evolución sanitaria pero sen perder a maxia e a ilusión que caracterizan estas datas”, subliña Lara Fernández Fernández-Noriega, concelleira de Cultura.
A programación de Nadal comezará o próximo martes 21 de decembro, co concerto de Petit Band do Conservatorio Profesional de Música de Viveiro, e estenderase ata o próximo 8 de xaneiro.
... leer más