Burela
O vindeiro domingo, 17 de agosto, a Praza da Mariña converterase nun punto de encontro para a gastronomía e a música coa celebración da Churrascanta, organizada pola Coral Polifónica de Burela.
A xornada comezará ás 11:00 horas con xogos tradicionais e música en directo a cargo de Arume Burela. Ás 14:00 horas serviranse as racións de churrasco con sardiñas, pan, sobremesa e bebida, que se poderán degustar na propia praza ou levar para comer onde cadaquén prefira.
O prezo da ración é de 15 euros e os tíckets poden mercarse o día da churrascada ou por adiantado en Foto Mariló, Terra Animal, O Bazar de Tere e Peluquería A Tu Estilo- Vanesa Míguez.
A Churrascanta conta coa colaboración do Concello de Burela, Arume, Os Asadores Burela e a Sociedade Cultural Recreativa Ledicia. Promete ser...
leer más
O Cuarteto Casals actuará o vindeiro 20 de agosto ás 20:30 horas no Auditorio Casa da Cultura de Burela dentro da programación do XII Festival Bal y Gay.
Esta agrupación está formada por Vera Martínez-Mehner e Abel Tomás co violín, Cristina Cordero á viola e Arnau Tomàs co violonchelo. Fundada en 1997 na Escola Superior de Música Reina Sofía, realizou actuacións en escenarios como o Carnegie Hall de Nova York, o Musikverein de Viena, a Philharmonie de Berlín e o Concertgebouw de Ámsterdam.
Conta ademais cunha ampla discografía, principalmente no selo Harmonia Mundi, e foi galardoada con distincións como o Premio Nacional de Música e o Borletti-Buitoni Trust Award.
Neste concerto interpretarán pezas clásicas como o Cuarteto de corda en re maior, Hob. III:79” de Haydn, o Cuarteto de...
leer más
Os días 18 e 19 de agosto, luns e martes, celebrarase na Praza da Mariña o torneo de fútbol 3x3 Concello de Burela. Os partidos xogaranse a partir das 20:00 horas.
As inscricións faranse na Casa da Xuventude ata o 18 de agosto, de 8 a 13horas, anuncia o Concello de Burela, que explica: “por motivos do seguro de accidentes non se admitirán inscricións fóra de prazo. Se a climatoloxía non acompañara a actividade trasladarase ao Pavillón de Os Castros”.
Para máis información as persoas interesadas poden chamar ao teléfono 982.581.141.
Este venres, día 15 de agosto, ás 22:30 horas haberá noite de cine ao aire libre na Praza das Casas Baratas, de Burela, coa proxección da película titulada Chicken Run: O Amencer dos Nuggets.
É unha actividade organizada polo Concello de Burela, que explica que é “unha comedia de animación para toda a familia, chea de aventuras e humor”.
O artista mariñán David Catá resultou gañador do concurso MoldeArte, convocado polo Concello de Burela, co obxectivo de seleccionar unha intervención artística para o molde do faro, no marco do proxecto Burela Alumea - O Espello do Faro. A decisión foi tomada polo xurado reunido o pasado 18 de xullo na Casa do Concello.
O Concello de Burela explica que “a proposta seleccionada, titulada La piel del mar, articula unha intervención que combina memoria, corpo, música, pintura e fotografía, coa intención de crear un espazo simbólico que conecte a comunidade co seu entorno mariñeiro desde unha perspectiva artística e contemporánea. O concurso enmárcase dentro da aposta estratéxica do Concello pola valorización do patrimonio marítimo pesqueiro local, coa intención de converter o molde do faro de Burela nun novo punto de...
leer más
O Concello de Burela organiza este venres, día 8 de agosto, a súa primeira Festa Acuática, que se celebrará na praia do Portelo, na zona lateral situada xunto ao Cabaliño, sempre que as condicións do mar o permitan. En caso de que non sexa posible por motivos de seguridade, a actividade trasladarase á praia do Cabaliño.
O horario da festa será de 16:30 a 19:30 horas e “incluirá xogos acuáticos e inchables como Nemo, Pluto, o pulpo, a rampa Mundo Marino, un rulo e o Wipeout, ofrecendo unha tarde lúdica e refrescante para todas as persoas que se acheguen á praia. Para poder participar nas actividades será necesario saber nadar, levar flotador ou estar acompañado/a por unha persoa adulta responsable”, anuncia o Concello de Burela.
A alcaldesa de Burela, Carmela López, valorou positivamente esta nova proposta de...
leer más
Os días 12 e 13 de agosto, martes e mércores, celebrarase na praia urbana de Burela o primeiro torneo de volei praia Concello de Burela.
Está aberto a todas as idades e contará con dúas categorías: júnior (menores de 18 anos) e sénior (maiores de 18). Poderán participar tanto equipos masculinos como femininos, e os partidos xogaranse en formato 4x4.
A inscrición é de balde e pode facerse a través do número de teléfono 637.562.348.
O festival Osa da Mar, que organiza a asociación Fanto Fantini, celebrarase en Burela do 5 ao 7 de setembro.
O delegado territorial da Xunta en Lugo, Javier Arias, participou na presentación do festival, que conta co apoio do Goberno galego.
A Xunta de Galicia anuncia que “o festival programa unha vintena de actuacións de diferentes estilos musicais, mesturando grupos consolidados con outros emerxentes da escena galega e nacional. Están confirmados artistas como Baiuca, Viva Suecia, Siloé, Marlena ou Grande Osso, entre outros”.
Arias felicitou á asociación cultural Fanto Fantini por “presentar un ano máis un gran cartel, que vén a completar a oferta cultural e turística da comarca da Mariña e contribúe a consolidar a provincia como un dos territorios con máis e mellores festivais de...
leer más
No Estadio da Marosa, de Burela, disputarase os días 1 e 2 de agosto, venres e sábado, o VII Torneo Fútbol 11 Veteranos Feira do Bonito.
Ademais do club organizador, Veteranos da SD Burela, participarán estes equipos: CD San Ciprián, UD Folgueiro, CD Foz, Mondoñedo FC e Real Tapia.
Os partidos empezarán o venres ás 20:00 horas e a final será o sábado ás 13:00 horas.
A Feira do Bonito de Burela será a imaxe do cupón da ONCE correspondente ao sorteo do sábado 2 de agosto. A presentación oficial tivo lugar onte no Barco Museo Boniteiro, situado na explanada portuaria da localidade.
No acto participaron o delegado da ONCE en Galicia, Manuel Martínez, e a alcaldesa de Burela, Carmela López, acompañados polo director da ONCE en Lugo, Francisco Javier Farnés; o concelleiro de Turismo e Mar, Ramiro Fernández; e a presidenta de Ledicia, entidade organizadora da feira, Rocío Rivera. Tamén asistiron membros do equipo de goberno e da Corporación Municipal, así como representantes da Asociación de Mariñeiros Xubilados A Moncloa, ACIA, Fundación Expomar, ABSA e a Confraría de Pescadores.
Durante a presentación, a alcaldesa Carmela López sinalou que este cupón “axuda a dar visibilidade á...
leer más