Burela
O Concello de Burela inaugurou na Casa da Cultura unha exposición que recolle máis dunha década de traballo da veciñanza arredor do Día Internacional contra a Discriminación Racial. A mostra forma parte da programación municipal vinculada ao 21 de marzo e permanecerá aberta ao público até o 10 de abril. A mostra poderá visitarse de 11:00 a 13:00 e de 18:00 a 20:00 horas.
A exposición reúne obras realizadas por persoas de distintas idades e procedencias, que participaron ao longo dos anos nos concursos organizados con motivo desta conmemoración. O percorrido estrutúrase de maneira cronolóxica dende 2014 ata 2025, con excepción do ano 2020, no que non se levou a cabo a actividade debido á pandemia.
Durante o acto inaugural, o primeiro tenente de alcaldesa, Mario Pillado, destacou o valor das achegas realizadas pola...
leer más
O Concello de Burela presenta a súa programación de actividades culturais e turísticas con motivo da Semana Santa deste ano que inclúe rutas xeolóxicas e visitas guiadas ao patrimonio histórico e natural do municipio.
Os días 2, 3 e 4 de abril concentrarán o maior número de propostas. “Como novidade este ano, o venres 3 de abril ás 16:30 horas terá lugar unha visita guiada gratuíta ao Molde do Faro. Durante a actividade, as persoas asistentes poderán coñecer a historia da baliza de Pena Burela e acceder ao interior do molde para contemplar a obra artística realizada por David Catá. Para asistir é necesario facer unha reserva previa na oficina de turismo”, anuncia o Concello de Burela, que engade: “as rutas xeolóxicas, xa consolidadas na programación turística do municipio, volverán ofrecer dúas propostas guiadas e interpretadas por unha...
leer más
O delegado territorial da Xunta en Lugo, Javier Arias, mantivo unha xuntanza con Diego Campo -presidente da asociación cultural Fanto Fantini, que organiza o festival Osa do Mar- para “avanzar nas vías de colaboración de cara á próxima edición. A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa”.
O Goberno galego vén cooperando cos organizadores do festival, que “alcanza a súa duodécima edición consolidado como un motor de dinamización económica y cultural para a localidade”, afirmou Arias.
O Observatorio da Mariña pola Igualdade (OMI) organiza a xornada titulada A voz do mar: mulleres traballadoras no sector pesqueiro. Será este sábado, día 21 de marzo, ás 19:00 horas no Salón de Conferencias de Burela. Interveñen no evento Sandra Amezaga (coordinadora xeral de Mulleres Salgadas); Susana Riveira (ex traballadora do sector da conserva); Begoña Pernas, (presidenta da cooperativa de estibadoras O Cantiño); e a Presidenta da Asociación de Redeiras de Burela, María del Mar Febrero.
Colabora co OMI o Concello de Burela, “para dar visibilidade á situación laboral das mulleres que traballan no sector pesqueiro e onde, a través das súas voces e das súas experiencias, poderemos mergullarnos na realidade que viven a cotío nos seus postos de traballo. A realidade do mar e das mulleres que o traballan é precaria e invisible en moitas ocasións, por iso é prioritario...
leer más
Este luns presentouse a terceira edición de Burela En Marcha Contra o Cancro, unha actividade lúdico-deportiva para todas as idades que se celebrará este domingo, 22 de marzo, con saída dende a Praza da Mariña ata a praia A Marosa, ida e volta, anuncia a Asociación Española Contra o Cancro, que agradece o apoio do Concello de Burela; empresas patrocinadoras, Garsán e Solán de Cabras; e empresas colaboradoras, Eroski Center, Ambulancias Burela, Sixto Eijo SL e o Cluster Galego do Deporte.
As inscricións para participar poden facerse a través da web...
leer más
O auditorio da Casa da Cultura de Burela acollerá este domingo, día 15 de marzo, ás 18:00 horas un festival infantil de baile e música tradicional. Está organizado pola Sociedade Cultural Recreativa Ledicia, que “no último domingo do inverno anima a asistir a un Festival Infantil de Baile e Música Tradicional onde a xente miúda das agrupacións participantes nos ofrecerá o resultado do traballo deste longo inverno. Participarán as seccións infantil e xuvenís de Os do 21, de O Vicedo, e SCR Ledicia, de Burela. É unha actividade aberta, polo que convidamos a participar a toda a veciñanza.
Ademais a SCR Ledicia anuncia que está traballando na celebración da XL Feira do Bonito, “sobre a que teremos novidades en breve e para a que se convoca xa concurso de carteis. Nesta ocasión as datas de referencia son o 1 e 2 de agosto e a cita será nos...
leer más
A Casa da Cultura de Burela acollerá o día 11 de abril, sábado, a I Gala Solidaria Síndrome de Tourette Galicia, unha iniciativa impulsada pola asociación Tourette Galicia co obxectivo de dar visibilidade a esta condición neurolóxica e apoiar ás persoas afectadas e ás súas familias, anuncia o Concello de Burela, que engade: “baixo o lema Xuntos visualizamos o Tourette, o evento ofrecerá unha programación cultural e solidaria aberta a toda a cidadanía, na que se combinarán actuacións musicais, sorteos e outras propostas pensadas para todos os públicos.”
A gala conta coa colaboración do Concello de Burela, ACIA Burela e ABSA, así como coa participación de diversos grupos e colectivos que actuarán de forma altruísta. Entre os participantes confirmados atópanse ACM Arume, o alumnado do CEIP Os Castros, Grupo de Cordas, Sen Límites,...
leer más
O ilusionista Marcos Waldemar, campión de España de Maxia 2025 e semifinalista da décima tempada de Got Talent, presentará o seu espectáculo Inherente o sábado 21 de marzo ás 20:00 horas no Auditorio Municipal de Burela.
O Concello de Burela explica que “Inherente trátase dun espectáculo de maxia unipersoal no que o artista percorre o seu propio camiño dentro do ilusionismo e introduce elementos relacionados coa historia e a figura do Conde de Waldemar, un dos grandes magos do século pasado do que Marcos é herdeiro. A función incluirá diferentes disciplinas da maxia, entre elas cartomaxia, mentalismo e ilusións participativas. Un espectáculo dirixido a público familiar que combina recursos de maxia, humor e teatro para contar unha historia única e emocionante. As entradas anticipadas con desconto xa están...
leer más
O Concello de Burela, a través da Área de Inmigración, organiza varias actividades arredor do 21 de marzo, Día Internacional contra a Discriminación Racial, co obxectivo de promover a reflexión sobre a diversidade e a convivencia intercultural no municipio. Dentro desta programación o venres 20 de marzo ás 18:00 horas inaugurarase na Casa da Cultura unha exposición composta por traballos presentados nas últimas edicións do concurso que se viña celebrando arredor desta conmemoración. “A mostra recolle creacións moi diversas realizadas por veciñas e veciños de Burela, con participación de persoas de distintas idades e procedencias”, anuncia o Concello de Burela, que engade: “entre as obras expostas atópanse pezas de autores e autoras que participaron de maneira habitual nestas iniciativas. Un dos exemplos é o da artista de orixe indonesia Shiva, cuxo traballo xa fora...
leer más
O Concello de Burela conmemora o 8 de marzo, Día Internacional da Muller, cun programa de actividades “aberto á veciñanza e dirixido a diferentes idades, que combina actos institucionais, propostas culturais e accións educativas ao longo do mes”. Serán os días 8, 12 e 13 de marzo
O acto central terá lugar o domingo 8 de marzo ás 17:30 horas no Parque Rosalía, onde se fará a lectura do Manifesto Institucional. A continuación, desenvolverase a actividade participativa Sementando Igualdade, que segundo explicou a concelleira de Igualdade, Sandra Fernández, “consistirá na plantación de flores lilas como xesto simbólico no parque onde xogan as nosas crianzas, unha maneira de lembrar que o futuro tamén se constrúe educando en igualdade dende os primeiros anos”.
A programación incluirá dúas proxeccións abertas...
leer más