Mercado
Acisa organiza unha nova fin de semana do Mercado de Rúa. A cita terá lugar este sábado e domingo, convertendo as rúas de Ribadeo nun gran escaparate comercial aberto a todo o público.
A presidenta de Acisa, Carmen Cruzado, sinalou que “en Acisa Ribadeo organizamos este ano unha nova edición do Mercado de Rúa, unha iniciativa na que os establecementos participantes sacan os seus produtos á rúa para ofrecer aos seus clientes os mellores descontos e promocións especiais, e esta é a última fin de semana. Esta actividade enmarcase dentro da programación de O noso comercio é vida, vive Ribadeo, que forma parte do proxecto da Xunta de Galicia O teu comercio é extraordinario. Esta será unha moi boa ocasión para facerse con artigos de tempada a prezos espectaculares e coas ultimas liquidacións de stock. Tamén será un bo momento para coñecer as...
leer más
Acisa organiza unha nova edición do Mercado de Rúa. A cita terá lugar os días 23, 24, 30 e 31 de agosto, convertendo as rúas de Ribadeo nun gran escaparate comercial aberto a todo o público.
Segundo anunciou a presidenta do colectivo empresarial, Carmen Cruzado: “en Acisa Ribadeo organizamos este ano unha nova edición do Mercado de Rúa, unha iniciativa na que os establecementos participantes sacarán os seus produtos á rúa para ofrecer aos seus clientes os mellores descontos e promocións especiais. Esta actividade enmarcase dentro da programación de O noso comercio é vida, vive Ribadeo, que forma parte do proxecto da Xunta de Galicia O teu comercio é extraordinario. Esta será unha moi boa ocasión para facerse con artigos de tempada a prezos espectaculares”.
O xerente de Acisa, Jesús Pérez, indicou que “a piques...
leer más
O Concello de Viveiro informa que, durante este mes de agosto, o mercado semanal que se celebra todos os xoves na Praza Maior trasladarase provisionalmente aos Xardíns Noriega Varela.
Ademais, con motivo da celebración das Festas de San Roque, o mercado correspondente ao xoves 14 de agosto adiántase ao mércores 13.
O delegado territorial da Xunta de Galicia en Lugo, Javier Arias, participou na presentación do Mercado Medieval de Mondoñedo, que se celebrará entre os días 7 e 10 de agosto. Está organizado polo Concello e pola asociación Amigos do Mercado Medieval e conta coa colaboración do Goberno galego.
A Xunta de Galicia anuncia que “o evento cumpre a súa trixésimo terceira edición cun completo programa que inclúe 70 actividades para todos os públicos e introduce como novidade unha cea o venres que terá lugar na igrexa da Alcántara, no Centro de Interpretación do Camiño Norte. O sábado ás 12.00 horas pronunciará o pregón Valentín Insua, campaneiro da Catedral. Numerosos colectivos de recreación histórica ambientarán esta cita, ofrecendo espectáculos na rúa como o bautismo de cabaleiros, torneos ou unha voda polo rito mozárabe. No apartado musical...
leer más
Alfoz retrocede no tempo para celebrar o XXV Mercado Medieval, que terá lugar os días 18 e 19 de xullo ao redor do Castelo de Castrodouro.
O venres 18 ás 21:00 horas chegará o Mariscal e descubrirá a Lousa da Lembranza para conmemorar as 25 edicións deste mercado.
O sábado 19 ás 11:00 horas comezará a visita guiada Dende a ponte ao Castrodouro da man da guía Ana Pena.
Durante a fin de semana haberá obradoiros, xogos tradicionais, exhibicións de cetrería, ceas medievais e espectáculos teatrais e musicais para todas as idades.
"Artesanía, tradición, historia e moita festa nun ambiente que nos transporta ao século XV", anuncia o Concello de Alfoz.
Do 29 de xuño ao 12 de outubro terá lugar unha nova edición do Mercado dos Domingos en Ribadeo.
A concelleira de Comercio e Promoción Económica, Marta Saiz, explicou que “como cada tempada, coa chegada do verán, retomamos o Mercado dos Domingos, que dará comezo o próximo día 29 na contorna da Praza de Abastos. Trátase dun mercado no que atoparemos produtos da nosa horta, poñendo en valor a economía máis próxima e potenciando o consumo dos produtos de tempada”.
O alcalde, Dani Vega, aludiu á importancia de atopar relevo xeracional na agricultura: “todas as administracións debemos xuntarnos para que moita mocidade observe que ser agricultor tamén pode ser un medio de vida”. O rexedor subliñou que “o Mercado dos Domingos é un axente dinamizador, que axuda e impulsa a economía local e tamén o comercio da vila”....
leer más
A décimo oitava edición do Mercado Renacentista de Viveiro celebrarase do 4 ao 6 de xullo.
O Concello de Viveiro anuncia que “a actividade converterá de novo o centro histórico da vila nun escenario de época. A iniciativa, xa consolidada como unha das citas culturais e turísticas do verán na Mariña lucense, contará con animación de rúa, artesanía, espectáculos itinerantes e o Gran Desembarco de Carlos V. Na súa decimo oitava edición o Mercado Renacentista recuperará a esencia das antigas feiras, cun mercado ambientado no século XVI que encherá as rúas de Viveiro de postos de produtos tradicionais, representacións teatrais e exhibicións de oficios da época. A programación incluirá pasarrúas, espectáculos nocturnos con lume, acrobacias e recreacións históricas. Ademais, ofrecerá un amplo abano de actividades para todos os públicos”.
... leer más
O Concello de Mondoñedo ven de recibir oficialmente a entrada do Mercado Medieval de Mondoñedo na Asociación Española de Fiestas y Recreaciones Históricas, así como tamén na Asociación Europea.
“Neste mes de maio, coa colaboración da Asociación O Pasatempo de Mondoñedo, o Mercado Medieval, que se celebra na localidade episcopal na segunda fin de semana de agosto, entrou por dereito propio como unha das festas de referencia en Galicia. Esta entrada coincide nun momento no que xa se está a traballar a pleno rendemento para a celebración da presente edición do Mercado Medieval que chegará á súa, trixésimo terceira edición”, anuncia o Concello de Mondoñedo.
A asociación cultural O Atrio, da parroquia focega de Vilaronte, organiza o IV Mercado Aos Pés de Cornería. Será este domingo, día 4 de maio, a partir das 10:00h ata a tardiña no atrio da igrexa de Vilaronte.
O programa de actividades inclúe: unha charla titulada Experiencia en agricultura ecolóxica. Horta ecolóxica no Valadouro, a cargo de produtor Edmundo Maseda ás 11:00 horas; ás 12.00 horas a Charanga Bicoia actuará pola rúa do mercado; ás 14.00 horas haberá unha sesión vermú a cargo do grupo Pantera Rosa; ás 16.30 horas Manuel Contacontos ofrecerá O Grúfalo e a natureza; e ás 18:00 horas terá lugar un concerto de A Pedreira.
Durante toda a mañá haberá unha demostración de cestería a cargo de María Otero Folgueira e “para os máis peques contaremos con un posto de trenzas gratis”,...
leer más
O Concello de Viveiro anuncia que esta semana o mercado que habitualmente se celebra os xoves na Praza Maior terá lugar de maneira excepcional este mércores, día 16 de abril, debido a celebración da Semana Santa.
O Concello convida a veciños e visitantes achegarse ao mercado e agradece a colaboración de vendedores e cidadanía.