Mercado

Etiquetas:
02/01/2021

O vindeiro mércores, 6 de xaneiro, non haberá mercado semanal en Ribadeo ao tratarse dunha xornada festiva de carácter estatal. 

O concelleiro de Desenvolvemento Local e Comercio, Pablo Vizoso, explicou que “de todos é ben sabido que o vindeiro mércores, 6 de xaneiro, se celebra a festividade de Reis. Por este motivo, por ser unha xornada festiva de ámbito estatal e un día moi especial para as familias e a súa xente miúda, non teremos o mercado semanal dos mércores”.

O primeiro mercado semanal de 2021 será o 13 de xaneiro. Vizoso Galdo aproveita a ocasión para desexarlles ás e aos ribadenses “un feliz aninovo, no que todos xuntos poidamos ir vendo a claridade ao final do túnel que supuxo a chegada do covid ás nosas vidas”. 

 

Etiquetas:
18/12/2020

A Área de Desenvolvemento Local do Concello de Ribadeo organiza o Mercadiño de Nadal que dará comezo mañá, 19 de decembro, na contorna da praza de abastos. Conta con 14 postos nos que se poderán atopar produtos de alimentación, artesanía, decoración de Nadal ou cerámica, entre outros. Estará aberto ata o 5 de xaneiro e haberá un amplo programa de actuacións musicais, teatrais e de maxia durante estas datas.

O concelleiro de Desenvolvemento Local, Pablo Vizoso, contou que “o Concello de Ribadeo, a través da Área de Economía, Desenvolvemento Local e Turismo, desenvolverá este ano por primeira vez o Mercadiño do Nadal facéndoo cadrar coas datas propias desta época. Nesta ocasión, e dadas as circunstancias sanitarias, optamos por celebrar un Mercadiño do Nadal máis reducido, aínda que máis estendido no tempo, dende o 19 de decembro ata o 5 de...

leer más
Etiquetas:
23/11/2020

O Concello de Ribadeo, a través da Área de Economía, Desenvolvemento Local e Turismo desenvolverá este ano por vez primeira o Mercadiño de Nadal, coincidindo coas datas propias do Nadal. Terá lugar entre o 19 de decembro ao 5 de xaneiro, estará destinado a persoas artesáns, creadoras e produtoras  e as casetas estarán situadas nun espazo céntrico da vila.

O concelleiro de Desenvolvemento Local, Pablo Vizoso, explicou que “o Concello de Ribadeo este ano, dadas as circunstancias sanitarias,  opta por celebrar este Mercadiño de Nadal, que será mais reducido aínda que máis estendido no tempo coincidindo co Nadal, en lugar do xa tradicional Mercado de Nadal que tiña lugar na ponte de decembro”. 

Vizoso Galdo dixo que “a convocatoria está  dirixida a persoas artesáns, produtoras  con capacidade para exhibir e vender...

leer más
Etiquetas:
09/10/2020

Este domingo, 11 de outubro, conclúe a décimo novena edición do Mercado dos Domingos, que se veu celebrando desde o pasado 5 de xullo na contorna da praza de abastos. A xornada estará amenizada a partir das doce do mediodía por Souto Xímaro, de Mondoñedo. 

O concelleiro de Desenvolvemento Local, Pablo Vizoso, indica que “este ano, debido á pandemia da Covid-19, non celebraremos a tradicional Feira da Horta, que era o colofón ao Mercado dos Domingos. Contaremos con animación musical desde media mañá”.

O Mercado dos Domingos ten lugar de 9 a 14 horas e está organizado polo Concello e pola asociación A Sucadoira. Con el búscase promocionar o consumo de local e de proximidade e apoiar a creación de canles de comercialización máis curtas coa clientela e axudar a unha mellora da sostibilidade e  da economía local. ...

leer más
Etiquetas:
02/07/2020

A décimo novena edición do Mercado dos Domingos terá lugar do 5 de xullo ao 11 de outubro os domingos na contorna da praza de abastos en horario de 9 a 14 horas. Serán 14 os produtores que acudirán a esta cita coa que se potencia o consumo local. O evento, que está organizado polo Concello e pola asociación A Sucadoira, foi presentado esta mañá.

O concelleiro de Desenvolvemento Local e Comercio, Pablo Vizoso, explicou que “como cada tempada nesta época de verán  volve o Mercado dos Domingos, que dará comezo o vindeiro 5 de xullo. Este é un mercado organizado polo Concello de Ribadeo en colaboración coa Asociación de produtores e produtoras da horta  A Sucadoira”.
O edil ribadense contou que “o Mercado dos Domingos é un mercado sostible que sirve de plataforma de venda de produtos ecolóxicos e de proximidade e que terá lugar cada...

leer más
Etiquetas:
08/06/2020

O alcalde, Fernando Suárez, anunciou que o mercado semanal dos mércores contará esta semana coa totalidade dos postos que había na súa ubicación anterior. Para o rexedor isto suporá un novo impulso para o mercado ribadense, onde seguirá habendo estritas medidas de protección e de hixiene e onde se deberán manter as distancias de seguridade entre vendedores e compradores. Os postos estarán colocados no aparcamento municipal e na rúa Daniel Cortezón.

Fernando Suárez contou que “logo de ir aumentando o número de postos nestas últimas semanas, desde que cambiamos o mercado semanal dos mércores para a nova ubicación no aparcamento público detrás da Avenida de Galicia, este mércores contamos con celebralo coa totalidade dos postos que había tanto no ámbito agroalimentario como noutro tipo de sectores como o téxtil, etc…”.

... leer más
Etiquetas:
03/06/2020

O Concello de Alfoz decidiu cancelar o Mercado Medieval 2020, festa de recreación histórica prevista para o terceiro fin de semana do mes de xullo, co obxectivo de garantir o cumprimento dos protocolos de prevención de contaxio da Covid-19. 

Nestes protocolos recoméndanse medidas de limitación de aforo e distanciamento social que nun evento das características do Mercado Medieval de Alfoz, cita na que se xuntan artesáns, gastronomía, representacións… e que achega a un gran número de persoas cada ano, fai difícil respectar o cumprimento de todas as recomendacións e garantir así a saúde pública de veciños e visitantes.

Dende as Concellerías de Cultura e Igualdade estase a traballar para reforzar a programación cultural a partir do mes de xullo e ofrecer actividades musicais, teatro, obradoiros… cumprindo as normas...

leer más
Etiquetas:
28/05/2020

Mañá, venres, terá lugar a terceira edición do mercado semanal de Burela na súa nova locación en Torrentes. O alcalde, Alfredo Llano, subliña que participarán máis dun cento de postos. Aos de alimentación súmanse agora os de roupa, calzado, apeiros, etc. Para o rexedor mañá será unha xornada de mercado importante en Burela.

Llano lembrou que “temos xa a terceira edición do mercado que se vai facer en Burela. Houbo a primeira onde se tratou de dar unha oportunidade a todo o mundo, tanto para os que traen os seus produtos para vender como para que a xente de Burela puidera desprazarse e participar nos mercados para ir dinamizando e ir tirando para adiante”.

O alcalde burelés dixo que “o Concello de Burela o que ten é a pretensión de facilitar a labor de todo aquel que queira dalgunha maneira ter unha oportunidade de...

leer más
26/05/2020

O Concello de Cervo recupera este xoves o mercado semanal de San Ciprián ao completo, autorizando a instalación de todos os postos habituais, uns corenta en total.

A feira xa se celebrou de xeito incompleto, e dadas as circunstancias excepcionais, os días 14 e 21, coa presenza tan só dos postos da rama agroalimentaria.

No día de hoxe, e xa na fase 2 da desescalada, desde o Concello contactaron con todos os comerciantes dos sectores non alimentarios para informalos da recuperación integral do mercado e das medidas que se tomaron para salvagardar a seguridade. De tal xeito que, de xeito provisional, e para garantir as medidas de distanciamento fixadas, procedeuse a ampliar a superficie do mesmo, que abranguerá a Praza dos Campos e a Rúa do Torno; e reestruturáronse os espazos prefixados, para dar cumprimento á...

leer más
Etiquetas:
26/05/2020

Mañá, mércores, terá lugar unha nova edición do mercadiño semanal de Ribadeo na súa nova localización no aparcadoiro municipal. Aos postos agroalimentarios uniranse mañá outros de ferraxería, antigüidades, bixutería, calzado e bolsos. Tal e como veu acontecendo nas dúas últimas semanas o mercado cumprirá con todas as medidas de hixiene e seguridade para facer fronte ao Covid-19: “hai unha serie de medidas de obrigado cumprimento para as persoas vendedoras, que estarán suxeitas a unha serie de normas protocolarias de sanidade como levar máscara, garantir dous metros de distancia entre eles e a clientela, desinfectar e limpar frecuentemente a maquinaria empregada ou poñer a disposición da clientela luvas e líquido hidroxel, entre outros. Pero tamén as persoas usuarias destes mercados deberán garantir a separación entre eles, en todo momento, de dous metros de...

leer más