Ciclo
O Concello de Barreiros, a través da súa área de Igualdade e no marco do programa +Igualdade Barreiros, suma a súa voz por segundo ano consecutivo á celebración do Ciclo de Cine e Mulleres Rurais, unha iniciativa promovida polo Ministerio de Agricultura, Pesca e Alimentación para “visibilizar o papel fundamental da muller no medio rural”.
Nesta segunda edición, o ciclo contará coa proxección de tres filmes que “poñen a muller no centro da narrativa, abordando cuestións como o sacrificio, o amor, a resiliencia e, con frecuencia, a invisibilidade que historicamente sufriron as mulleres no ámbito rural”, explica o Concello de Barreiros, que engade “todas as citas terán lugar no Centro Social de San Cosme ás 18:00 horas. O 25 de outubro, La buena suerte, de Gracia Querejeta; o 8 de novembro, La buena letra, de Celia...
leer más
O auditorio da Casa da Cultura Manuel María de Foz acolle un ciclo de teatro amador os días 11, 18, 19 e 25 deste mes de setembro. Todas as representacións serán ás 20:30 horas e o prezo da entrada é de 3 euros.
Este venres, 11 de setembro, Max Teatro ofrecerá a obra titulada Así vai a construción. O día 18 de a Asociación Cultural de Teatro Pedroso representará O mundo ao revés. Ao día seguinte a Asociación Dramatúrxica Pico do Castro de Foz escenificará Trato a Cegas. E o 25 de setembro Teatro Pesadelo ofrecerá a obra Xa é hora.
O Concello de Burela participará no ciclo de conversas titulado Arredor do té, unha iniciativa impulsada polo Fondo Galego de Cooperación e Solidariedade para sensibilizar arredor da situación do pobo saharauí e das condicións de vida nos campamentos de persoas refuxiadas de Tinduf, en Alxeria. A actividade celebrarase o venres 19 de xuño, ás 19:00 horas, na Casa da Xuventude de Burela, no marco da conmemoración do Día Mundial das Persoas Refuxiadas, que Nacións Unidas celebra o 20 de xuño baixo o lema Ata que todo o mundo estea a salvo.
O Concello de Burela anuncia que “as charlas serán impartidas por activistas saharauís, que ofrecerán un testemuño directo sobre a realidade do Sáhara Occidental e sobre as dificultades ás que se enfrontan as persoas refuxiadas nos campamentos de Tinduf. A proposta toma como referencia o...
leer más
A compañía Nova Escena Teatro representará a obra titulada E.L. · Expectativa Lonxana este sábado, día 22 de novembro, ás 21:00 horas na Cada da Cultura de Trabada.
“Despois de ter que aprazar a función prevista para o pasado sábado día 1 por motivos de saúde dun dos membros do grupo, retomamos con ilusión os Ciclos Teatrais 2025/26! Este sábado 22 de novembro a Casa da Cultura acollerá a obra E.L. · Expectativa Lonxana, unha produción de Nova Escena Teatro, dirixida por María Márquez e escrita por Xoan C. Laxe. Unha oportunidade perfecta para gozar do teatro, apoiar ás compañías locais e compartir unha noite especial en comunidade”, anuncia o Concello de Trabada.
O Concello de Alfoz organiza un ciclo de teatro afeccionado que inclúe representacións todos os sábados deste mes de novembro na Casa da Cultura.
Comezará este sábado, día 8 de novembro, ás 20:00 horas coa comedia titulada O Randiña vai ó médico, do grupo O Torques, de Burela.”Unha divertida historia chea de humor e enredos, perfecta para gozar en familia”, anuncia o Concello de Alfoz. Ten unha duración de 60 minutos e está destinada a todos os públicos. Con entrada libre ata completar aforo.
O sábado 15 representarase a obra Aire fresco, a cargo de Ardora (Cervo); o día 22 Metátese Teatro (Palas de Rei) ofrecerá O xuízo; e o 29 rematará o ciclo coa obra titulada Estes vellos saben moito… ou non, de Os Pícaros de Lagoa (Alfoz).
A concelleira de Sanidade en Foz, Kathy Navarro, presenta un novo ciclo de charlas sobre saúde. Serán os xoves días 6, 13 e 20 de novembro as 20:00 horas na Casa da Cultura do Concello de Foz.
Kathy Navarro anuncia que “a primeira charla será o xoves día 6 e impártea unha focega de Santa Cilla, Lorena Legaspi Rodríguez, neurologopeda no Hospital Ribera Polusa, e vennos falar de A logopedia no dano cerebral adquirido. Continúa Nélida Fernández Fernández, xeriatra no Hospital Público da Mariña, falando da Prevención de caídas: Unha ferramenta para manter a independencia o xoves 13. Finaliza o ciclo de charlas o día 20 co interesante tema Transtornos do sono, a cargo de Gonzalo Gutiérrez Vázquez, psiquiatra na Unidade de Saúde Mental de Burela”.
“Con estas charlas achegamos información dos...
leer más
Esta fin de semana, sábado 4 e domingo 5 de outubro, dá comezo o ciclo Mestre Mateo en Foz que achegará ata o día 16 de novembro os títulos finalistas deste certame que premia o mellor audiovisual galego.
O Concello de Foz organiza grazas a colaboración da Vicepresidencia da Deputación de Lugo e da Academia Galega do Audiovisual este ciclo, no que nas vindeiras semanas se poderá gozar de curtas, películas e documentais de calidade excepcional. Este sábado comezará coa primeira selección de curtas, A nai, Véxote e Pura, desde as 18.30 horas na Casa da Cultura e o domingo a partir das 12.00 horas será a quenda de Avetimología, Noites de prata, Eu vou comigo e Platónico, platónica. A duración da primeira sesión é duns 60 minutos e a segunda duns 30 minutos.
A continuación as...
leer más
O Concello de Trabada, en colaboración coa Deputación de Lugo, pon en marcha unha nova edición dos Ciclos Teatrais, unha programación cultural que se celebrará na Casa da Cultura de Trabada o primeiro sábado de cada mes, dende novembro ata xuño. O ciclo dará comezo o 1 de novembro coa obra Expectativa Lonxana, do grupo Nova Escena, e continuará con diferentes compañías teatrais da comarca e da provincia, como 57 Palabras, A Adala de Fazouro, Lume Escénico, Trípode, Pico do Castro, O Centiño e San Tirso del Eo. As representacións, de xénero principalmente cómico, serán ás 21:00 horas.
O alcalde de Trabada, Rubén García, destacou: “un ano máis seguimos apostando pola cultura como ferramenta de dinamización e encontro veciñal. Queremos ofrecer unha programación estable e variada, cun ciclo que xa conta cunha grande acollida e que...
leer más
O Concello de Viveiro organiza un ciclo de contos que se desenvolverá os días 2, 4, 9 e 11 de setembro. Todos serán ás 19:00 horas no Atrio de San María.
“Este setembro chega a Ruada de Contos 2025, un ciclo cheo de maxia, historias e moita imaxinación para desfrutar en familia. Será ás 19:00 horas no Atrio de Santa María (en caso de choiva trasladarase á Sala Multiusos do Concello)”, anuncia o Concello de Viveiro.
O martes 2 Alba de Vales ofrecerá Contos arredor do lume; o xoves 4 actuará Rendos pequenos, con Charlatán Rodríguez; o martes 9 Dani García representará Tin; e o xoves 11 Fran Rei ofrecerá Superheroe.
O ciclo Maraxes da Osa continúa a desvelar a súa programación coa confirmación da segunda actuación desta edición. A cantante e compositora Mercedes Cañas subirá ao escenario o vindeiro sábado 10 de maio ás 21:00h na Casa da Cultura do Concello de Burela. As portas abrirán media hora antes, ás 20:30h.
As entradas xa están á venda a través da plataforma Wegow e na web oficial do ciclo. Os prezos varían segundo o tipo de público: 15 euros máis gastos de xestión en venda anticipada, 10 euros para persoas de 16 e 17 anos (introducindo o código MENOR16|17), entrada gratuíta para menores de 16 anos (coa reserva previa mediante o código MENOR-16) e 18 euros na billeteira o día do evento.
Mercedes Cañas, unha das voces máis prometedoras da nova escena musical estatal, comezou a súa carreira en 2019 co sinxelo Tirando a...
leer más- 1
- 2
- 3
- 4
- siguiente ›
- última »