Teatro
O Concello de Viveiro presenta a programación cultural do Teatro Pastor Díaz ata o mes de maio, con espectáculos con opcións para público adulto, adolescente e infantil.
“Un ano máis, a nosa prioridade como goberno local é propoñer á cidadanía unha oferta cultural de calidade para todas as idades”, subliña María Loureiro, alcaldesa de Viveiro.
“Unha boa escolla e de alto nivel, a prezos moi razoables e apostando pola cultura feita no noso país nun espazo único como o Teatro Pastor Díaz”, subliña Lara Fernández Fernández-Noriega, concelleira de Cultura.
A primeira función deste programa será o sábado 16 de febreiro con ‘Asamblea Xeral’, de Sarabela Teatro para publico infantil de 7 a 11 anos, mentres que o 24 de febreiro chegará a Viveiro ‘Unha inimiga do pobo’, de Talía Teatro e para...
leer más
A Escola Municipal de Teatro da Pontenova presentará na Casa da Cultura da localidade a obra titulada “Pontenova Fassion Wii” o sábado 27 de xaneiro ás 21:00 horas.
Trátase dunha comedia para todos os públicos escrita por Guillermo Cancelo e a sinopse é: “A deseñadora Carme Fouzas, natural da Pontenova, recibe o Premio Nacional de Deseño de Moda, ocasión que aproveita a alcaldesa dese Concello para organizar un desfile e, dese xeito, desviar a opinión pública local da maraña de corrupción urbanística na que se atopa. O traballo da deseñadora chama a atención do mesmísimo Benancio Hortera, o cal fará todo o que faga falta para que eses deseños formen parte da súa nova colección”.
O 27 de xaneiro arrincan en Vilela os Seráns de Teatro do Concello de RIbadeo, que se enmarcan no programa Preto de Ti.
A concelleira de Benestar Social, Elena Sierra, subliñou que “desde la Concejalía de Bienestar Social seguimos apostando por dinamizar nuestro ayuntamiento. Así dentro del programa Preto de Ti comenzamos una nueva andadura con los Seráns de Teatro”.
A edil ribadense explicou que “el grupo de teatro Adala, de Fazouro, comenzará el sábado, 27 de enero, a las 19 horas en la escuela de Vilela con su obra Marina Club”.
Sierra dixo que “esta actividad continuará todas las semanas en una parroquia diferente. Animo a todos los vecinos y vecinas a participar, a juntarse y a disfrutar de un rato de entretenimiento y risas, que compartiremos todos juntos”.
... leer más
O grupo de teatro O Bordelo, de Cervo, representará a comedia titulada “O Covid do Mariñán” no salón de actos do Concello cervense este sábado, 13 de xaneiro, ás 20:30 horas.
A entrada para asistir a esta actividade cultural do Concello de Cervo é libre.
A Sala Bahía, de Foz, acollerá este domingo, 14 de xaneiro, unha representación teatral para bebés -de 6 meses a 4 anos- en dous pases: ás 11:30 e ás 12:30 horas. Correrá a cargo da compañía Trémola Teatro, que ofrecerá o espectáculo titulado “Que animaliño é?”.
É unha obra para bebés que lles fará gozar, coñecer e recoñecer as cousas que ven ao seu redor. A través de diferentes elementos sensoriais (bolas de la, burbullas de xabón, confeti, instrumentos, sons, …) os máis pequenos da casa gozarán desta emocionante aventura.
Os prezos das entradas son: xeral, 3 euros; e infantil, 2 euros.
É unha actividade incluída na programación cultural do Concello de Foz.
Touriñán e Perdomo chegarán á Casa da Cultura, de Burela, o 3 de febreiro en dobre función: ás 20:00 horas e ás 20:30 horas. As entradas xa están á venda en corentena.gal
Durante os meses de confinamento en 2020, David Perdomo e Xosé A. Touriñán comezaron a conversar en directo a través de Instagram. Naquelas noites, improvisaban diferentes personaxes e interactuaban cos espectadores que se conectaban a estes vídeos en directo.
Agora, e baixo o título de Corentena, dan o salto aos escenarios nun formato no que Touriñán e Perdomo pretenden pasalo tan ben ou mellor que o público trasladando aos teatros a frescura daquelas noites de comedia.
En Corentena os dous cómicos rescatan algúns dos personaxes recorrentes daqueles directos, recreando de xeito artesanal os efectos e filtros cos que se...
leer más
O Concello de Burela anuncia que os veciños e veciñas de Burela poderán ver de balde este venres o musical La Sirenita.
A compañía organizadora informou recentemente ao Concello de que o ritmo de venda das entradas non era o esperado, e ambas partes chegaron a un acordo para que o musical siga adiante, gratuíto e baixo a organización do propio Concello.
A empresa poñerase en contacto para devolverlles os cartos ás persoas que compraron a entrada.
A Casa da Cultura de Burela acolle esta representación o venres, 29 de decembro, ás 18:30 horas.
O espectáculo repasa as mellores cancións do coñecido clásico da animación, da man dun equipo de profesionais do teatro musical. Será unha ocasión perfecta para gozar con toda a familia na época do Nadal.
A Casa da Cultura do Vicedo acollerá o espectáculo Astrolabios, a cargo da produtora teatral Tarabela Creativa, o venres 29 de decembro. Será ás 18 horas na Casa da Cultura con entrada gratuíta.
Está organizada polo Concello do Vicedo, que anuncia: “trátase dunha actividade moi divertida de ciencia para nenos e nenas”.
O Teatro Pastor Díaz, de Viveiro, acollerá unha gala de maxia o 28 de decembro, xoves, ás 20.30 horas. Actuarán os magos Rafa, Dani Polo, Nano Arranz e Josua Kenneth.
Mago Rafa é un ilusionista nado en Lugo que leva máis de 25 anos traballando con dous obxectivos comúns: divertir e sorprender.
Dani Polo é o mago máis premiado de Galicia internacionalmente. Destaca pola maxia das grandes ilusións: caixas de aparición, desaparicións e levitacións de persoas.
Nano Arranz é un mago de Valladolid que combina o humor e a maxia. Apto para todos os públicos. Humor orixinal, sutil, e irónico, baseado na palabra e en efectos de son e xogos vistosos e asombrosos para todas as idades.
Josua Kenneth é un mago que creou un precioso número que non para de recibir premios alá...
leer más
O mago Paco ofrecerá este domingo, 17 de decembro, un espectáculo de maxia infantil cheo de risas, cores e de moitas sorpresas: Hocus Pocus.
Unha proposta diferente cun espectáculo moi participativo, cheo de complicidade entre o mago e o seu público e de momentos ilusionantes, divertidos, tolos, emotivos e abrigo inesquecibles.
O espectáculo, para maiores de 3 anos de idade, dará comezo ás 12 do mediodía na Casa da Cultura.