Charlas
A parroquia de Xudán, no municipio da Pontenova, acollerá unha charla sobre estas telefónicas este sábado, día 18 de abril. Será ás 17:00 horas na Escola de Xudán con entrada libre.
É unha actividade organizada pola asociación A Magdalena, de Xudán, que explica que a charla é para “aprender a detectar y evitar fraudes con la Guardia Civil”.
A matrona María González ofrecerá unha charla sobre a puberdade este martes, 14 de abril, en Viveiro
Este martes, día 14 de abril, ás 19:00 horas o salón de plenos do Concello de Viveiro acollerá unha nova sesión do programa formativo dirixido ás familias. Nesta ocasión, a charla titulada Acompañando á puberdade. Cambios e desafíos será impartida por María González, matrona, quen “abordará esta etapa clave dende unha perspectiva práctica e próxima”, anuncia o Concello de Viveiro, que engade: “un espazo para informarse, reflexionar e adquirir ferramentas útiles arredor dunha etapa fundamental do desenvolvemento persoal”.
A entrada para asistir á charla é libre e gratuíta ata completar aforo.
A Área de Benestar Social, Saúde e Familia do Concello de Ribadeo pon en marcha durante os meses de abril, maio e xuño un proxecto de sensibilización e apoio dirixido ás persoas coidadoras de dependentes, con especial atención ao alzheimer e a outros tipos de demencias.
O programa titulado Coidando ao Coidador incluirá charlas e obradoiros que serán impartidos por María Roel, enfermeira da Área de Benestar Social, Saúde e Familia. Estas actividades desenvolveranse durante os meses de abril e maio nas distintas parroquias de Ribadeo, cuxas datas concretas serán anunciadas proximamente.
Ademais, crearase un grupo de apoio mutuo en colaboración coa Asociación Cuiden Maiores e Coidadores. A concelleira Elena Sierra explica que se trata dun “proxecto piloto cunha duración inicial de tres meses, tras o cal se realizará...
leer más
O Concello de Xove convoca a todas as persoas que habitualmente alimentan gatos na rúa en Xove Pobo e Palmeiro a unha reunión informativa, coa finalidade de dar a coñecer a nova ordenanza municipal en materia de xestión de colonias felinas. Será este venres, día 10 de abril, ás 20:00 horas na Aula de Formación do Concello de Xove.
O Concello de Xove explica que “esta normativa foi elaborada conforme a Lei, 4/2017 de Protección e Benestar dos animais de Galicia, e ten como obxectivo garantir unha convivencia adecuada, así como o benestar dos animais e a correcta xestión das colonias felinas no municipio. Durante a reunión explicaranse os principais aspectos do programa, así como os requisitos e procedementos para a obtención do carné de
coidador/a de colonias felinas. Así mesmo infórmase de que unha vez celebrada esta reunión non...
A Aula de Formación do Concello de Xove acollerá un faladoiro sobre o uso das tecnoloxías o día 8 de abril, mércores, ás 19:00 horas.
O Concello de Xove explica que é un faladoiro en corresponsabilidade sobre o uso das tecnoloxías e límites conscientes no que se analizará o uso excesivo das tecnoloxías “non como o problema senón como síntoma de necesidades emocionais, relacionais ou de autorregulación non atendidas e estratexias para acompañar no uso dos dispositivos desde a corresponsabilidade”. Ademais anuncia: “pechamos o ciclo de Faladoiros en Corresponsabilidade! Tras o éxito das dúas sesións anteriores, chega a última cita deste ciclo tan enriquecedor. O vindeiro mércores 8 de abril celebraremos a terceira charla, na que seguiremos aprendendo ferramentas prácticas para mellorar as dinámicas familiares e educativas. Falaremos de...
leer más
A Casa da Cultura de Foz acollerá unha charla sobre o cancro colorrectal este xoves, día 26 de marzo, ás 19:00 horas. Para asistir non é necesaria inscrición.
Está organizada pola Asociación Española Contra o Cancro en Lugo, que anuncia que na charla falarase “da importancia dos cribados, tratamentos e supervivencia”. Será impartida por Borja González Gómez (oncólogo da Área Sanitaria de Lugo, A Mariña e Monforte de Lemos) e María Eugenia Rodríguez Barreiro (xefa de enfermería de cirurxía da Área Sanitaria de Lugo, A Mariña e Monforte de Lemos.
“Desde a Asociación Española Contra o Cancro traballamos para impulsar a investigación en cancro de colon, e para garantir o dereito de todos a coidarnos colaborando na detección precoz do cancro. Actividade subvencionada pola Xunta de Galicia e X Solidaria”, rematan os...
leer más
O día 26 de marzo, xoves, na Casa do Viejo Pancho, de Ribadeo, ás oito da tarde, impulsada pola Plataforma pola Defensa das Nosas Árbores, terá lugar unha charla sobre seguridade. Coordinada por Evaristo Lombardero, abranguerá diversos temas relacionados coa seguridade polos que se ve afectado Ribadeo, anuncia a organización.
O colectivo ribadense Plataforma pola Defensa das Nosas Árbores explica que “coa charla trátase de entender que a seguridade non é só evitar as agresións físicas, senón tamén moitas outras cousas que se achegan mesmo á seguridade alimenticia ou sanitaria, ou que non implica só á figura de policía, senón que é algo que trata das normas e o seu respecto, abondo...
leer más
O Cenima de Foz acollerá o día 2 de abril, xoves, desde as 10:00 horas unha xornada para conmemorar o Día Mundial de Concienciación sobre o Autismo.
Esta actividade está organizada por dúas nais focenses, Eva Fernández Rivas e Eva Rubiños López, que queren dar visibilidade a dita condición e explican: “formamos parte dunha sociedade cada vez máis plural, onde todos somos importantes e válidos e buscamos darlle visibilidade a unha parte da poboación que se esforza cada día por encaixar. Como non hai nada máis valioso que o coñecemento e a información veraz e coa finalidade de facer accesible a todo o mundo as estratexias necesarias para abordar, axudar e entender esta neurodiverxencia, nace esta iniciativa que se desenvolverá o xoves día 2 de abril as 10:00 da mañá no salón de actos do edificio do Cenima e que terá as 12:30 horas unha...
leer más
O Observatorio da Mariña pola Igualdade (OMI) organiza a xornada titulada A voz do mar: mulleres traballadoras no sector pesqueiro. Será este sábado, día 21 de marzo, ás 19:00 horas no Salón de Conferencias de Burela. Interveñen no evento Sandra Amezaga (coordinadora xeral de Mulleres Salgadas); Susana Riveira (ex traballadora do sector da conserva); Begoña Pernas, (presidenta da cooperativa de estibadoras O Cantiño); e a Presidenta da Asociación de Redeiras de Burela, María del Mar Febrero.
Colabora co OMI o Concello de Burela, “para dar visibilidade á situación laboral das mulleres que traballan no sector pesqueiro e onde, a través das súas voces e das súas experiencias, poderemos mergullarnos na realidade que viven a cotío nos seus postos de traballo. A realidade do mar e das mulleres que o traballan é precaria e invisible en moitas ocasións, por iso é prioritario...
leer más