Trail
Este luns presentouse a IX edición do Trail Monte Comado, que se celebrará en Barreiros este sábado, día 11 de outubro. Ao acto acudiron a alcaldesa de Barreiros, Ana Ermida; o concelleiro de Deportes e deputado provincial, Dani García; o xefe provincial de Deportes da Xunta de Galicia, Manolo Cadramón; e membros da entidade organizadora, Asociación Praias de Comado.
Ermida quixo poñer en valor o esforzo das asociacións: “nestes anos, nos que vimos traballando en dinamizar Barreiros, desestacionalizar o turismo e promover o deporte, debemos agradecer moito o traballo que fan as asociacións que organizan este tipo de eventos. Neste caso estamos a presentar unha proba que vai pola súa IX edición e que está máis que consolidada no calendario das carreiras de montaña, o que fai que sexa todo un orgullo para Barreiros”.
... leer más
Este domingo, día 5 de outubro, disputarase o I Trail de Ribadeo. Co evento, organizado polo Concello, colabora a Secretaría Xeral para o Deporte da Xunta de Galicia.
A proba contará con tres modalidades: trail longo (24 quilómetros), trail curto (12 quilómetros) e andaina popular (12 quilómetros). As inscricións, que permanecen abertas ata este mércores, 1 de outubro, poden realizarse a través da web oficial www.trailderibadeo.com. Ata o momento son preto de 200 as persoas inscritas.
A organización ofrecerá seguro de accidentes, avituallamentos, asistencia sanitaria, bolsa do corredor, así como...
leer más
Ata o 1 de outubro está aberto o prazo de inscrición para participar no I Trail de Ribadeo, que se celebrará o día 5 do vindeiro mes. Co evento, organizado polo Concello, colabora a Secretaría Xeral para o Deporte da Xunta de Galicia.
A proba contará con tres modalidades: trail longo (24 km), trail curto (12 km) e andaina popular (12 km). As inscricións, que permanecerán abertas ata o 1 de outubro, poden realizarse a través da web oficial www.trailderibadeo.com
O número de prazas está limitado a 150 no trail longo, 250 no trail curto e 200 na andaina. A organización ofrecerá seguro de accidentes, avituallamentos, asistencia sanitaria, bolsa do corredor, así como unha camiseta conmemorativa e un vaso pregable para todas as persoas participantes.
... leer más
Ata o 1 de outubro está aberto o prazo de inscrición para participar no primeiro Trail de Ribadeo. Está organizado polo Concello e terá lugar o 5 de outubro.
O obxectivo deste evento é fomentar a práctica do deporte ao aire libre, promover o respecto polo medio natural e dar a coñecer o patrimonio paisaxístico e cultural da zona.
O concelleiro de Deportes, Francisco José Silvent, explicou que “haberá tres modalidades: trail longo (24 quilómetros), trail curto (12 quilómetros) e andaina popular (12 quilómetros). Para participar nos trails será preciso ter cumpridos os 18 anos e para a andaina a partir de 12 anos (menores acompañados dun adulto responsable)”.
As persoas interesadas en participar poden inscribirse en...
leer más
O Concello de Cervo anuncia que “o Conxunto Histórico‑Artístico de Sargadelos acollerá unha carreira de montaña no marco das tradicionais Festas de Sargadelos. O Trail Sargadelos 2025, organizado polo Concello de Cervo e a asociación Amigos da Troula, celebrarase no incomparable marco do Conxunto Histórico‑Artístico de Sargadelos como parte da programación oficial das Festas de Sargadelos 2025. A cita deportiva combinará natureza, historia e esforzo físico nun circuíto que atravesará lugares emblemáticos desta contorna espectacular”.
As modalidades e horarios das probas son as seguintes: andaina, saída ás 9:30 horas; carreiras infantís nas diferentes categorías, a partir das 9:35 horas; e trail absoluto, saída ás 10:15 horas. A recollida de dorsais realizarase de 8:45 a 10:00 h o día da proba. As inscricións están abertas ata o 25 de xullo...
leer más
O concello de Cervo acollerá a terceira edición do Trail A Fume de Carozo o domingo, 8 de xuño, a partir das 10:00 horas.
A cita deportiva foi presentada pola rexedora, Dolores García Caramés, e por unha representación dos membros do club local A Fume de Carozo, na contorna da Praza dos Campos (San Ciprián), onde será a saída e a meta da competición.
Tal e como explicaron desde a organización, haberá unha andaina de 13 quilómetros, un trail de 16 quilómetros e un trail de 25 quilómetros. Nos trails tan só poderán participar as persoas maiores de 18 anos, pero a andaina si que estará aberta para menores coa correspondente autorización do pai, nai ou titor/a.
Toda a información relativa ao evento e a inscrición está dispoñible a través da ligazón:...
leer más
O Toxiza Gran Trail é un evento organizado polo Toxiza Clube de Montaña en Mondoñedo, co que se pretende “dar a coñecer a beleza dos montes que o rodean, a gastronomía e produtos típicos do municipio”. Terá lugar este sábado, día 5 de abril de 2025, e consta de catro carreiras de montaña e unha andaina: Ultra, de 60 quilómetros; Maratón, de 40 quilómetros; Trail, de 22 quilómetros; Minitrail, de 14 quilómetros; e Andaina, de 16 quilómetros.
A entrega de dorsais e bolsas do corredor farase o venres 4 de 18:00 a 21:00 horas e o sábado a partir das 7:00 no local da organización, na Praza da Catedral, lugar desde onde comezarán todas as probas: ás 8:00 horas, saídas de Maratón e Ultra; ás 09:00, saída da Andaina; e ás 10:30, saída Trail e Minitrail.
A organización tamén explica que ás 15:00 horas será o peche de meta...
leer más
A cuarta edición do Trail As Minas celebrarase na Pontenova este domingo, día 30 de marzo, desde as 10:30 horas. A saída e a meta estará na Praza dos Fornos.
Este evento deportivo está organizado pola Asociación Cultural e Deportiva As Minas, da Pontenova, que anuncia que haberá: carreira, andaina, música, pinchos e sorteos.
Os deportistas que participen no trail percorrerán unha distancia aproximada de 18 quilómetros e a andaina será duns 5 quilómetros. Irán por camiños de terra e pistas, que estarán pechados a todos os vehículos excepto os autorizados pola organización. A saída das carreiras será ás 10:30 horas e andaina empezará ás 10:45 horas.
A inscrición faise a través da páxina web https://ccnorte.com/. O prazo remata este xoves, 27 de marzo, as...
leer más
A sexta edición da carreira Xove Costa Trail celebrarase esta fin de semana, sábado 22 e domingo 23 de marzo, e foi presentada este xoves na Praza do Concello, nun acto que contou coa participación do alcalde de Xove, Demetrio Salgueiro.
Este evento deportivo está organizado pola Asociación Cultural Deportiva Xove, que explica: “Xove Costa Trail é unha carreira de montaña e costeira que na maior parte do seu percorrido transcorre pola Senda Costeira de Xove e polo Camiño Natural do Cantábrico, o seu paso pola costa do concello de Xove, dende a praia de Portonovo, nos limites co Concello de Viveiro, ata a Praia de Lago, para logo adentrarse cara á parte interior do Concello de Xove por sendeiros e pistas forestais de uso público, para finalizar na Praza do Concello, no Centro Cívico de Xove. A carreira XCT 27 Km ten un desnivel acumulado de...
leer más
A asociación Praias de Comado organiza conxuntamente co Concello de Barreiros unha nova edición do Trail Monte Comado que volverá contar, na mañá do domingo 13 de outubro, con dúas distancias: 12 e 26 kms.
Dende o Concello de Barreiros, organizador do Circuíto +Kms Barreiros no que se inclúe esta proba, destacan “a importante aposta a nivel económico e de traballo organizativo cara ás probas que integran o circuíto, xa que é unha forma tamén de apostar polo turismo deportivo e desestacionalizalo; así como de colaborar coas asociacións do Concello”, manifestou a alcaldesa, Ana Ermida.
A rexedora sinalou o “empuxe dado ás carreiras populares desde o Concello nos últimos anos, organizando un circuíto que inclúe todas as carreiras que se celebran no municipio e converténdoas nunha cita non só deportiva, senón tamén...
leer más- 1
- 2
- 3
- 4
- siguiente ›
- última »