Deportes
A Asociación de Sendeirismo Terras de Lourenzá organiza unha ruta por Río de Porcos, en Negueira de Muñiz, para o 24 de febreiro, sábado. A distancia a percorrer son 12 quilómetros e a dificultade é baixa. Ao rematar a camiñada os participantes xantarán un cocido tradicional nun restaurante da zona. As prazas están limitadas polo aforo do local.
A saída será ás 07:30 horas desde o Cantón de Vilanova de Lourenzá e as inscricións deben facerse antes das 14:00 horas do 20 febreiro, chamando aos teléfonos 619.82.87.84 (Pura) ou 647.06.70.54 (Javier). O prezo é de 45 euros para os socios do colectivo organizador e de 50 euros para os que non o son.
O colectivo organizador explica: “a ruta de febreiro levaranos por primeira vez ata Negueira de Muñiz. Trátase dunha ruta por asfalto, polo que non son precisas botas de...
leer más
Ribadeo acollerá a semifinal da Copa Galicia de Fútbol Sala Feminino, que disputarán o Pescados Rubén FS e o Poio Pescamar FS. Será o vindeiro mércores, 14 de febreiro, ás 20.30 horas no pavillón municipal.
O Pescados Rubén Burela foi elixido en xaneiro de 2021 e 2022 como o mellor club do mundo nos Futsal Planet Awards.
As burelesas veñen de proclamarse campioas da supercopa de España en Torremolinos contra o Poio Pescamar FS.
O concelleiro de Deportes, Francisco José Silvent, anima a presenciar este encontro "de fútbol sala feminino de primeiro nivel, que se vai disputar por primeira vez en Ribadeo. Estamos encantados de acoller este partido e agardamos poder repetir esta experiencia noutras ocasións".
O 17 de marzo, domingo, celebrarase o Trofeo Máster de ciclismo Vila de Ribadeo. As probas empezarán ás 11:00 horas no parque de San Francisco, onde tamén estará a chegada.
Anunciouno o Club Ciclista Eo, que explica: “logo dun tempo volve o ciclismo a Ribadeo. Será o domingo 17 de Marzo co Trofeo Máster Vila de Ribadeo, proba puntuable para a Copa Galicia Máster de Estrada 2024 e abrirá o calendario nesta modalidade. Contará coas catro categorías Máster: M30, M40, M50 e M60, tanto masculinas como femininas”.
A asociación Os Sendeiros, de Foz, fará o 25 de febreiro, domingo, unha ruta desde Cadavedo a Querúas, no municipio de Valdés (Asturias). Servirá para retomar o irmandamento do colectivo focego co grupo de montaña MIES, de Oviedo. A saída desde Foz será ás 07:30 horas e ás 07:45 horas desde Ferreira do Valadouro.
Os prezos desta actividade, incluído o xantar, son: 35 euros para socios federados, 40 euros para socios non federados e 45 euros para socios temporais.
O prazo para anotarse remata o 20 de febreiro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade baixa, a organización recomenda levar equipo de sendeirismo.
... leer más
Será no pavillón polideportivo. O evento, que foi presentado hoxe, está organizado polo Club de Remo de Ribadeo, a Federación Galega de Remo e o Concello de Ribadeo e colabora a Área de Mocidade da Deputación de Lugo.
O concelleiro de Deportes, Francisco José Silvent, explicou que “no pavillón vanse instalar arredor de 40 ergómetros para este campionato galego no que participarán unhas 600 persoas. Ao tratarse dun campionato galego aquí estarán os campións destas fins de semanas atrás”.
O edil ribadense engadiu: “para nós é un orgullo seguir acollendo a celebración de eventos deportivos deste calibre polo que supón para a promoción de Ribadeo e para a dinamización da hostalería local”.
E tivo palabras de agradecemento para “o Club de Remo de Ribadeo pola organización deste evento, no que...
leer más
O Raid de Orientación é unha competición multidisciplinar destinada a probar a capacidade de orientación e resistencia dos equipos, sen axuda externa. Os equipos en moitas ocasións deben ser mixtos, e mulleres e homes compiten en igualdade de condicións, polo que se trata, segundo os organizadores, dun dos deportes máis inclusivos do mundo.
O deporte dos Raids de Orientación consiste en realizar un percorrido, preestablecido pola organización, marcado no terreo mediante balizas e sinalado no mapa específico de ese terreo que se entregará a cada participante. Os participantes, coa axuda dun compás, realizarán o percorrido elixindo o itinerario a seguir entre os puntos de control.
Cada equipo, en función da súa propia estratexia, decide que distancia percorre, que puntos de control visita, e que probas especiais...
leer más
A asociación Pasada das Cabras, de Burela, fará a Ruta Río Eo-Pena Millares, en Ribeira de Piquín o domingo 4 de febreiro. O prezo é de 30 euros para os socios do colectivo organizador e de 40 euros para os que non o son. Inclúe autobús, comida e seguro. A saída será ás 08:30 horas desde a estación de autobuses de Burela.
É unha ruta de dificultade moderada, con 10 quilómetros de percorrido. A organización recomenda levar bastón e calzado apropiado.
O Concello de Cervo vén de subscribir un convenio de colaboración co Burela Fútbol Sala co obxectivo de promocionar as instalacións municipais e de fomentar a práctica deste deporte e os hábitos de vida saudables entre a mocidade do municipio.
No sinatura participaron a rexedora, Dolores García Caramés, acompañada polos concelleiros Adrián Arias e Alfredo Fernández, e o presidente do Burela FS, Manuel Blanco.
O documento contempla a visita dos membros do primeiro equipo do Burela FS masculino e feminino aos centros escolares do municipio, que participarán ao longo do curso, e sempre que os seus compromisos de competición llo permitan, en diferentes charlas e seminarios co fin de compartir cos nenos e nenas as súas experiencias como profesionais da elite neste deporte, e súa realidade diaria, fomentando tamén unha...
leer más
A Delegación de Deportes do Concello do Valadouro anuncia a reapertura do ximnasio municipal para o luns 5 de febreiro.
Esta instalación deportiva estará aberta os luns, mércores e venres de 10:00 a 13:00 horas e de 18:00 a 22:00 horas, mentres que os martes e xoves estará operativa só de 18:00 a 22:00 horas.
O vindeiro luns, 22 de xaneiro, dan comezo as xornadas de promoción do deporte no Concello de Trabada en colaboración ca Deputación Provincial de Lugo, dentro do programa Xunt@s.
Realizaranse todos os luns ata o 8 de abril en horario de 16:00 a 17:00 horas no pavillón municipal.
Estas xornadas están dedicadas para tódolos veciños e veciñas maiores de 18 anos. Non é necesaria inscrición previa.