Publicaciones
Xa está na rúa o décimo número de A Gaceta Ribadense, o xornal que edita Faro Norte Comunicación con motivo da celebración do Ribadeo Indiano. Está sendo distribuído nos negocios e institucións participantes, ademais de nos principais puntos de venda de xornais da vila ribadense.
Esta publicación, que conta con 32 páxinas e unha tirada de 4.000 exemplares, é posible grazas ao extraordinario apoio que recibe en cada edición por parte dos anunciantes e dos autores que colaboran cos seus artigos. Neste apartado este número conta con escritos de Juan López Rico, Carlos Álvarez Lebredo, Aida Álvarez e María José Fernández Azpeitia. E recóllense ademais testemuñas e historias, en formato reportaxe ou entrevista, da pregoeira desta edición do Ribadeo Indiano, a xornalista e escritora María Xosé Porteiro; do director da Banda de Música...
leer más
O libro La parroquia de A Devesa, de Antonio Cuervas-Mons García-Braga, preséntase este sábado, día 27 de xuño, ás 19:00 horas no Círculo Habanero da Devesa. O acto será conducido polo profesor Lourenzo Fernández Prieto.
O Concello de Ribadeo anuncia que “a historia, a memoria e a identidade da Devesa reúnense nunha nova publicación que afonda nas raíces desta parroquia ribadense. Co apoio da Xunta de Galicia”.
Este venres, día 26 de xuño, ás 20:30 horas terá lugar na librería Bahía, de Foz, a presentación do libro titulado Mazarelos, escrito por Manuel Portas e editado por Galaxia.
Acompañando ó autor estará o filólogo e escritor Ramón Reimunde.
Este martes, día 19 de maio, terá lugar na Casa da Cultura de Burela a presentación do libro de Paco Rivas titulado Bóreas, da man da Editorial Medulia.
Será ás 19:30 horas e acompañarán ó autor Bernardo Penabade, crítico literario, e Lina Gómez, concelleira de Cultura en Burela.
A sala de exposicións da Biblioteca Municipal de Viveiro acollerá a presentación do libro titulado No me rompí del todo, de María Timiraos Martínez, “un relato autobiográfico que trata a depresión silenciosa, as relacións que desgastan e a reconstrución emocional”.
O acto será este venres, día 8 de maio, ás 19:00 horas.
Este venres, día 8 de maio, ás 20:30 horas na Biblioteca Municipal El Viejo Pancho, de Ribadeo, preséntase o cómic titulado O día de San martiño, de Cristian F. Caruncho.
É unha acto organizado pola Agrupación Cultural Francisco Lanza, que anuncia: “este venres 8 de maio vannos acompañar Cristian F. Caruncho e o noso veciño Xermán Viluba para falarnos do excelente cómic O día de San Martiño. Imos poder escoitalos ás 20:30 horas na Biblioteca Municipal El Viejo Pancho. Xermán Viluba xa fixo unha interesante introdución ao mundo do fanzine cando presentamos o libro Fanzines en Galiza, de Ramón Mariño, establecendo un fecundo nexo entre os anos 90, nos que el era estudante, e nos que protagonizou destacados capítulos no mundo da cultura alternativa na Mariña. Nesta ocasión vai poder mergullarse un chisco máis no...
leer más
O día 17 de maio, Día das Letras Galegas, ás 19:00 horas o Seminario de Estudos do Valadouro (SEVA) presentará o caderno titulado Cancioneiro do Valadouro. Será na Casa da Cultura Manuel Lourenzo.
O SEVA anuncia que será “un encontro único arredor da nosa tradición oral e música popular con recompilación de coplas e pezas recollidas a xentes do Valadouro. Unha cita imprescindible para gozar, lembrar e manter viva a nosa cultura e tradición!”.
“A gastronomía é un elemento singular na identidade dun territorio, polo que recuperala, coñecela e difundila é un exercicio que enriquece e achega recursos propios para medrar de maneira sostible”, destaca a Mancomunidade de Concellos da Mariña Lucense. E neste contexto, foi presentado en Barreiros o Receitario básico da cociña tradicional da Mariña, un libro que recolle unha parte da riqueza gastronómica deste xeodestino a través de diferentes elaboracións culinarias. A publicación foi promovida pola Mancomunidade de Concellos da Mariña Lucense no contexto do proxecto Turismo Slow Norte de Galicia e en colaboración co Colectivo de Gastronomía de Galicia no marco dos convenios anuais de colaboración en turismo coa Deputación de Lugo e a Xunta de Galicia. “O seu obxectivo é poñer en valor as materias primas e as súas elaboracións máis vencelladas ao...
leer más
El periodista y escritor José Luis Enríquez León presentará el día 25 de abril, sábado, en Ribadeo su segunda novela, que acaba de publicar, titulada El silencio del mar de fondo. El acto será en Gráficas Santiago a las 19:00 horas el autor estará acompañado por el profesor Roberto Rodríguez.
Ediciones Camelot anuncia que “después de la buena acogida de su primera novela, José Luis Enríquez León regresa a las librerías con El silencio del mar de fondo. En esta ocasión, los investigadores de la Unidad Central Operativa de la Guardia Civil (UCO), con el capitán Martín García y Elsa Crespo a la cabeza, se desplazan a Formentera para esclarecer el asesinato de un importante empresario y su mujer. El silencio del mar de fondo (Ediciones Camelot) invita al lector a un viaje que comienza a mediados de los años 60 a...
leer más
Este venres, día 17 de abril, ás 20:30 horas na Biblioteca Municipal El Viejo Pancho, de Ribadeo, terá lugar a presentación do libro titulado O imperialismo no século XXI, de Duarte Correa Piñeiro, editado por Tempo Galiza Editora. É un acto organizado pola Agrupación Cultural Francisco Lanza (ACFL) e intervirán Dores Fernández Abel (da ACFL) e o propio autor.
A Agrupación Cultural Francisco Lanza explica: “Duarte Correa xa nos visitou no ano 2022 para darnos unha charla sobre a situación política internacional, nomeadamente sobre a guerra de Ucraína. De novo imos poder gozar da súa capacidade de análise e síntese para ofrecernos unha visión actualizada dun contexto xeopolítico extremadamente cambiante e inestábel”.