Deportes
Os días 24 e 25 de maio, sábado e domingo, terá lugar o XIX Torneo Internacional de Fútbol de Veteranos Vila de Ribadeo, que organiza a Asociación de Veteranos do Ribadeo FC. O evento foi presentado este xoves. 66 equipos participarán na categoría de +35 e 16 na de +45. Os clubs que se desprazarán ata Ribadeo proceden de México, Arxentina, Portugal, Irlanda, Francia, Bangladesh, Italia, República Checa e España (9 comunidades autónomas).
Os organizadores estiman que entre todos os equipos desprazarán a Ribadeo a máis de 2.500 persoas, das que arredor de 1.650 son xogadores e o resto acompañantes: “a maioría dos equipos estarán en Ribadeo desde mañá ata o vindeiro luns, pero xa contamos con algún equipo na vila desde o martes, que aproveitan para coñecer os campos de fútbol nos que van xogar e para facer turismo pola zona”.
... leer más
Este sábado, día 24 de maio, desde as 19:00 horas terá lugar no Pavillón Municipal de Lourenzá unha exhibición de patinaxe artística para celebrar a fin de tempada.
Este evento deportivo está organizado polas Escolas Deportivas Lourenzá, que anuncia: “ven a disfrutar dunha tarde cheíña de espectáculo e diversión”.
O Concello de Alfoz amplía a súa programación deportiva cunha nova actividade: un curso de pádel que se desenvolverá entre o 7 de xuño e o 5 de xullo, e que está dirixido a nenos e nenas desde os 6 anos, mocidade e persoas adultas. As inscricións están abertas ata o día 30 de maio.
Esta proposta, que se ofrece por primeira vez no municipio, terá lugar os luns e sábados pola tarde, cunha distribución de horarios por tramos de idade: de 6 a 12 anos, sábado de 16:00 a 17:00 horas (gratuíto); de 13 a 17 anos, luns de 19:00 a 20:00 horas e/ou sábado de 17:00 a 18:00 horas (gratuíto); e maiores de 18 anos: luns de 20:00 a 21:00 horas, sábado de 18:00 a 19:00 ou de 19:00 a 20:00 horas, que deberán pagar 10 euros ao mes por unha sesión semanal ou 15 euros ao mes por dúas sesións semanais. As inscricións poderán formalizarse no Rexistro do Concello...
leer más
Barreiros acollerá un campus de fútbol organizado polo Celta, de Vigo, desde o día 28 de xullo ata o 1 de agosto. É para nenos e nenas de 5 a 16 anos.
“Chega unha nova edición do Campus do Celta en Barreiros. Por quinto ano consecutivo as nenas e nenos poderán disfrutar da diversión e a aprendizaxe co monitorado da Fundación Celta de Vigo”, anuncia o Concello de Barreiros, que engade: “contamos coa colaboración dos clubs locais Celta Barreiros e Iberia, que ceden as súas instalacións para celebrar esta actividade, na que o Concello asume unha parte da matrícula das nenas e nenos empadroados”.
O Pavillón Municipal de Xove acollerá o II Preparatorio ao Campionato Provincial de Show de patinaxe artística este domingo, día 25 de maio, desde as 16:30 horas.
Participarán neste evento deportivo os clubs EDM Chantada, Campelas, ACD Xove, CP Maristas e ED Lourenzá.
Este sábado, día 24 de maio, disputarase en Burela o torneo de touchtennis e tenis 5ª proba do 3º Circuíto entre Escolas de Tenis, un evento deportivo dirixido a nenos e nenas de 6 a 16 anos organizado en colaboración co Club de Tenis Pádel A Marosa.
O Concello de Burela explica que “para a cativada (de 6 a 12 anos) a competición será en modalidade touchtennis, con pistas máis pequenas e pelotas máis lixeiras, ideais para unha experiencia máis divertida e adaptada. A mocidade (infantís e cadetes) xogará en pista completa con bolas estándar. O torneo dividirase en cinco categorías, con trofeos para o 1º e 2º posto e agasallo de participación para o resto. Ademais, os/as participantes gozarán dun petisco a media mañá para repoñer forzas
Será nas instalacións do Club de Tenis Pádel A Marosa de 10:00 a 14:00 horas. A inscrición custa 7 euros e a data límite para inscribirse...
leer más
O concello de Cervo acollerá a terceira edición do Trail A Fume de Carozo o domingo, 8 de xuño, a partir das 10:00 horas.
A cita deportiva foi presentada pola rexedora, Dolores García Caramés, e por unha representación dos membros do club local A Fume de Carozo, na contorna da Praza dos Campos (San Ciprián), onde será a saída e a meta da competición.
Tal e como explicaron desde a organización, haberá unha andaina de 13 quilómetros, un trail de 16 quilómetros e un trail de 25 quilómetros. Nos trails tan só poderán participar as persoas maiores de 18 anos, pero a andaina si que estará aberta para menores coa correspondente autorización do pai, nai ou titor/a.
Toda a información relativa ao evento e a inscrición está dispoñible a través da ligazón:...
leer más
Ata o 20 de maio está aberto o prazo de matrícula nas escolas deportivas de verán do Concello de Ribadeo, que oferta as modalidades de pesca deportiva, piragüismo, skate, surf e vela.
O concelleiro de Deportes, Francisco José Silvent, explicou que “estas escolas están destinadas a nenas e nenos nados entre os anos 2010 e 2017. O prazo de matrícula estará aberto ata o 20 de maio. E o sorteo das prazas terá lugar o día 21”.
O edil ribadense contou que “son 20 as prazas ofertadas en pesca deportiva. Esta escola desenvolverase no mes de xullo. En surf hai 18 prazas. Esta escola tamén será en xullo e haberá dúas xornadas especiais náuticas. No caso do skate son 18 as prazas coas que contaremos. Esta actividade desenvolverase en xullo e en agosto. Para piragüismo contamos con 35 prazas para as rapazas e rapaces nados en...
leer más
O estadio municipal ribadense Pepe Barrera acollerá este sábado, 17 de maio, o 1º Trofeo de Veteranos Illa Pancha de fútbol, que organiza o Rayo de Ribadeo. O conxunto local enfrontarase aos Veteranos das Gándaras (Lugo) a partir das 11:00 horas. A entrada é de balde.
O concelleiro de Deportes ribadense, Francisco José Silvent, manifestou: “o Rayo é o novo equipo de veteranos de Ribadeo, ao que imos apoiar desde o Concello na súa andaina e nos proxectos que vaia levar adiante”. E animou á xente “a coñecer o novo club de fútbol veterano”.
O 1º Trofeo Veteranos Illa Pancha conta coa colaboración do Concello de Ribadeo e da SD Ribadeo.
La Asociación Española Contra el Cáncer organiza rutas saludables en Foz los viernes a las 19:00 horas desde el 16 de mayo hasta el 13 de junio.
Es una actividad gratuita dirigida a toda la población. El recorrido será desde la Avenida da Ribeira, en el muelle, hasta la playa de Llas, ida y vuelta.
Para asistir es necesario inscripción previa, que puede hacerse a través del teléfono 639.262.312 o del correo electrónico lugo@contraelcancer.es.