Certámenes
A Banda de Música O Landro, de Viveiro, convoca o IV Concurso de Marchas Procesionais Blas García Liz, no que colaboran o Concello de Viveiro e a Xunta de Cofradías da Semana Santa de Viveiro. A data límite de entrega é o día 9 de xaneiro do ano 2026 ás 23:59 horas.
“Este concurso non só é unha oportunidade para que compositores e músicos mostren o seu talento, senón que tamén para que tod@s desfrutemos da beleza e solemnidade que as marchas procesionais aportan ás nosas festividades. Sentímonos emocionados de recibir obras que reflexan a devoción e a arte que caracteriza a nosa...
leer más
O Concello de Burela presenta o Concurso de Postais e o Certame de Poesía Infantil Nadal 2025, dúas iniciativas para a cativada impulsadas pola Biblioteca Municipal.
O Concurso de Postais está aberto a nenos e nenas en idade escolar e o prazo de inscrición remata o 12 de decembro ás 20:00 horas. As postais estarán expostas na Casa da Cultura do 26 de decembro de 2025 ao 30 de xaneiro de 2026.
O Certame de Poesía Infantil estará aberto ata o 19 de decembro e está dirixido a cativada e mocidade ata os dezaseis anos. Os traballos premiados nesta fase local, participarán na fase provincial do Certame, convocado pola Biblioteca Pública de Lugo, co patrocinio da Consellería de Cultura, Lingua e Xuventude.
Máis información e as bases están na Biblioteca Pública Municipal e na web do Concello de...
leer más
Fallado o XI Concurso de Fotografía de Medio Ambiente Xove, a súa costa e o seu mar. A entrega de premios será este venres, día 31 de outubro, ás 20:00 horas no salón de plenos municipal.
O Concello de Xove anuncia os gañadores desta nova edición, que “contou coa maior participación ata o momento. Grazas a todos e todas por compartir o voso talento e amor pola natureza e o noso mar. Os premiados son: 1º, Miguel Ángel Díaz Gallego, coa foto Luces (120 euros); 2º, Alberto Rapa Martínez, coa foto Remanso Nocturno (100 euros); 3º, Germán Paleo Navarro, coa foto Rastro de Luz (90 euros); 4º, David Pablo Salgueiro, coa foto Mirador (75 euros); e 5º, Mónica Vila Ferreirós, coa foto Papel (65 euros). Noraboa aos gañadores e o noso sincero agradecemento a todos os participantes. Grazas tamén ao xurado, formado...
leer más
O Concello de Mondoñedo, a través da Concellería de Cultura, convoca o X Concurso de Fotografía O Mellor Recuncho de Mondoñedo, baixo o lema Elixe o lugar de Mondoñedo que máis che gusta, que ten por finalidade a elaboración dun calendario para o vindeiro ano 2026 coas mellores fotografías de recunchos da localidade. Abriuse o prazo de presentación de orixinais que rematará o venres día 28 de novembro.
As fotos deben presentarse en soporte dixital no seguinte enderezo de correo electrónico: recunchosdemondonedo@gmail.com e deberase indicar no asunto “Concurso Fotografía 2025”. No corpo do correo incluirase o nome do/da participante e un número de teléfono de contacto. Pode presentarse unha foto por participante.
O Concello de Mondoñedo explica...
leer más
A asociación xuvenil La Moderna, creada recentemente en Ribadeo, convoca un concurso de relatos de Samaín para o cal o prazo de entrega dos traballos remata o día 20 de outubro, luns.
Hai tres categorías: ata 12 anos de idade, de 12 a 18 e maiores de 18 anos. Os relatos deberán ser en galego, con extensión libre e pódense entregar na biblioteca municipal El Viejo Pancho, onde será a entrega de premios o 25 de outubro.
O salón de plenos do Concello de Mondoñedo acolleu a presentación da segunda edición do Premio Álvaro Cunqueiro de Novela, promovido polo propio Concello en colaboración coa Casa Museo Álvaro Cunqueiro e coa Consellería de Cultura, Lingua e Xuventude. Esta convocatoria pretende honrar a memoria e a obra do escritor mindoniense, ao mesmo tempo que procura incentivar a creación literaria en galego e contribuír á súa visibilidade. O premio está dotado con 5.000 euros, que se concederán integramente á obra que resulte gañadora. As persoas aspirantes deberán entregar seis copias impresas do orixinal, en formato de letra Arial 12, a espazo e medio, numeradas e encadernadas en rizo. A documentación terá que presentarse antes do 31 de outubro de 2025 no Rexistro do Concello de Mondoñedo (Praza do Concello, 1, 27740 Mondoñedo, Lugo).
O Concello de...
leer más
O Concello de Xove, a través da súa Concellería de Medio Ambiente, convoca unha nova edición do Concurso de Fotografía Medioambiental. Nesta ocasión, o certame ten como protagonista a riqueza natural da costa e do mar de Xove.
O prazo de presentación das fotografías estará aberto ata o 30 de setembro deste 2025. Os traballos poderán entregarse no Rexistro de Entrada de Documentos do Concello ou enviarse por correo postal, facendo constar a data de presentación na oficina de Correos.
As bases completas e a convocatoria están dispoñibles na páxina web oficial do Concello: www.xove.es . Para quen precise máis información, tamén se pode chamar ao teléfono 982 592 001 (Departamento de Medio Ambiente).
Nesta edición establécese unha categoría única con premios...
leer más
O artista mariñán David Catá resultou gañador do concurso MoldeArte, convocado polo Concello de Burela, co obxectivo de seleccionar unha intervención artística para o molde do faro, no marco do proxecto Burela Alumea - O Espello do Faro. A decisión foi tomada polo xurado reunido o pasado 18 de xullo na Casa do Concello.
O Concello de Burela explica que “a proposta seleccionada, titulada La piel del mar, articula unha intervención que combina memoria, corpo, música, pintura e fotografía, coa intención de crear un espazo simbólico que conecte a comunidade co seu entorno mariñeiro desde unha perspectiva artística e contemporánea. O concurso enmárcase dentro da aposta estratéxica do Concello pola valorización do patrimonio marítimo pesqueiro local, coa intención de converter o molde do faro de Burela nun novo punto de...
leer más
O Concello de O Vicedo pon en marcha a oitava edición do Concurso de Fotografía Turística, unha cita xa imprescindible para todos os amantes da paisaxe e de fotografiala. O certame busca captar, a través de imaxes únicas, a esencia, a beleza e a diversidade deste recuncho mariñeiro.
Nesta ocasión, a temática é libre, sempre que as fotografías teñan como protagonista o municipio de O Vicedo. Quedarán automaticamente fóra do concurso aquelas imaxes que non amosen lugares ou elementos propios da localidade.
A participación está aberta tanto a profesionais como a afeccionados/as, sen límite de idade. Cada persoa poderá presentar ata tres fotografías, que deberán ser orixinais, inéditas e non premiadas noutros certames. Admitiranse imaxes en cor ou en branco e negro, cun tamaño mínimo de 30x45 cm e máximo de 40x60 cm,...
leer más
A asociación Más Debate abriu a convocatoria do I Certame de Pintura Rápida de Ribadeo, que “ten o dobre obxectivo de dinamizar as rúas e comercios ribadenses e de supoñer unha fonte de exposición para novos talentos artísticos”. Será o día 5 de xullo, sábado.
“Os participantes rexistrados, que deberán atoparse nun rango de idade entre os 16 e 35 anos, competirán por crear o mellor cadro en apenas dez horas e apostados nas rúas da vila. Ao termo da xornada o xurado avaliará as obras e o concello entregará un cheque de 500 euros ao artista gañador. O resto dos cadros serán postos á venda en comercios adheridos ou vinculados á Asociación Comerciantes Industriais Servizos e Autónomos de Ribadeo (ACISA) por un prezo máximo de 500 euros. As temáticas, estilos e técnicas utilizadas nos cadros non están restrinxidas e correrá a elección de cada...
leer más