Vilaframil celebrará os días 8, 9 e 10 de agosto a tradicional festa na honra a San Lourenzo 2025, cun programa que combina gastronomía, relixión e música.
A cita comezará o venres 8 ás 21:00 horas cunha gran churrascada popular servida polo cátering Sarredo da Pontenova, cun menú completo por 25 euros para adultos e 15 euros para nenos entre 3 e 10 anos. Ás 22:00 horas dará comezo a verbena coa orquestra El Combo Dominicano e DJ Alejandro Martínez, poñendo ritmo á primeira noite de festa.
O sábado 9 haberá misa solemne con procesión ás 13:00 horas, seguida dunha sesión vermú coa orquestra Escaparate, que tamén animará a verbena da noite xunto con DJ Conxuro a partir das 22:30 horas.
E o domingo 10 haberá tamén misa con procesión ao mediodía, e a festa pecharase cunha nova sesión vermú, esta vez a cargo do grupo Los Adrianos ás 14:00 horas.