Ourol celebrará as festas na honra á Nosa Señora os días 9, 10 e 15 de agosto.
As actividades comezarán este sábado, día 9 de agosto. De 14:00 a 20:00 horas no Edificio Multiusos poderá visitarse a exposición de cadros titulada Serie casas indianas, de José Manuel Hermida Blanco (Senel), con entrada gratuíta. Ás 14:00 horas haberá sesión vermú con orquestra Supertop e ás 15:00 empezará un xantar popular na carpa situada na Praza do Concello (para participar hai que inscribirse previamente e o prazo para anotarse está aberto ata este mércores, día 6 de agosto, ás 13:00 horas no teléfono 982.55.91.09 ou nas dependencias municipais). A continuación haberá baile de tarde con José Manuel, ex cantante da orquestra Abanico. E ás 22:30 horas comezará a verbena coas orquestras Supertop e Tοkio.
O domingo 10 desde as 14:00 horas haberá sesión vermú prolongada grupo JB Son.
E o venres 15 agosto ás 13:00 horas celebrarase misa solemne e procesión; e a continuación haberá sesión vermú prolongada co trío Blanca doble.