Eventos
O luns 23 de xuño en Foz o San Xoán celebrase da man da asociación Pé do Molete, coa colaboración do Concello de Foz e da Vicepresidencia da Deputación de Lugo. O barrio das Corporacións, coma cada ano, terá a súa fogueira e haberá animación durante todo o día. O pregón darao Juan Prendes Menéndez, máis coñecido en Foz como Juanry, ás 13:30 horas. Logo haberá paella e á noite churrasco, chourizos e queimada coa tradicional fogueira. A xornada estará amenizada pola batukada Kombarullo, O Feitizo, Dj da casa e Festicultores.
“Dende o Concello de Foz queremos agradecer a boa disposición das asociacións coma Pé do Molete que continúan coas tradicións dos barrios do pobo”, explica a concelleira de Cultura, Inés López Couto.
O alcalde de Foz, Fran Cajoto, indica que “a de San Xoán é unha noite máxica que dá inicio ao...
leer más
O Concello de Cervo pon en marcha unha campaña intensiva en xuño baixo o lema “Coida Cervo” como motivo do Mes do Medio Ambiente, cun amplo programa de actividades centradas na sensibilización e na protección do entorno natural.
Entre as iniciativas destacan as xornadas de limpeza de praias e ríos en colaboración con diferentes asociacións e entidades do municipio. A primeira delas tivo lugar este xoves 5 de xuño, coincidindo co Día Mundial do Medio Ambiente, na Praia de Cubelas, coa participación da alcaldesa Dolores García Caramés, a edil de Medio Ambiente, Mali Méndez, e as asociacións Breoñáns, A Rebolaxe e Mistura, como entidades colaboradoras.
A próxima acción será o luns 9 de xuño ás 17:00 horas na Praia do Torno, coa colaboración das ANPAS do CEIP Península da Paz e do IES Marqués de Sargadelos.
... leer más
No Concello está aberto ata o 16 de xuño o prazo para presentar solicitudes de participación no Mercadiño de Ultramar que se celebrará o 12 de xullo, no marco do X Ribadeo Indiano.
A concelleira de Promoción Económica e Turismo, Marta Saiz, explicou que “o Mercadiño de Ultramar terá lugar na Rúa San Roque durante o día 12 de xullo en horario continuo de 11:00 a mañá ata a finalización do Festival de Habaneras que será aproximadamente sobre as 22:00 horas. Poderán participar preferentemente as persoas físicas ou xurídicas que desenvolvan algunha actividade relacionada coa cultura indiana ou da época (finais do S.XIX e principios do S.XX)”.
A edil ribadense contou que “para a garantir a diversidade de produtos no mercado a organización asegurará a maior diversificación dentro de cada categoría de produtos...
leer más
San Miguel de Reinante, en Barreiros, acollerá o vindeiro 29 de xuño a xornada lúdica e deportiva DiversiPrix, organizada pola asociación Guillem Veiga Iglesias coa colaboración da Vicepresidencia da Deputación de Lugo e do Concello de Barreiros.
Baixo o lema Como enredarnos como iguais, a asociación programa unha xornada lúdica con diferentes actividades (probas de puntería, obstáculos, un futbolín humano, xogos coperativos, de habilidade e lóxica ou xogos de mesa xigantes) pensadas para a participación de rapazas e rapaces con diferentes capacidades, creando equipos diversos que favorezan a convivencia.
Os grupos, formados por persoas con e sen diversidade funcional, realizarán un percorrido de cinco probas, distribuíndo as tarefas e colaborando para desenvolvelas de forma colectiva.
... leer más
A parroquia de Landrove, no concello de Viveiro, celebra as festas de San Martín Castelo os días 6, 7 e 15 de xuño
Este venres é o Día do Comuneiro e a partir das 23:00 horas haberá verna co dúo Epo-K.
O sábado 7 ás 13:00 horas celebrarase misa cantada polo Coro Parroquial de Landrove y a continuación sesión vermú con Cabaret, que tamén amenizará a verbena xunto a Talismán.
E o 15 de xuño, domingo, ás 11:00 horas será a saída da igrexa de Landrove cara á ermida pola ruta do Viacrucis. E ás 13:30 celebrarase misa e a continuación actuará o dúo Sonir.
Estes festexos están organizados pola Comunidade de Montes San Martín Castelo e Fraga Moura. Anuncia que o campo da festa está cuberto con carpa.
O norte da provincia de Lugo converterase esta fin de semana nun escenario gastronómico e de transmisión de coñecemento. O sábado 7 e o domingo 8 de xuño poñerase en marcha a primeira experiencia piloto de Saberes do Monte, unha marca creada ao abeiro do proxecto RURALtXA!, centrada na conservación da biodiversidade a través da bioeconomía.
O sábado 7 e o domingo 8 cinco restaurantes dos concellos de Abadín (Casa Goás), Barreiros (Hotel Rías Altas), O Valadouro (restaurante Asturias), Foz (Hotel Oca) e Mondoñedo (A Taberna da Galiana), servirán tapas e pratos especiais elaborados con carne de tenreira, poldro e mel producidos na Serra do Xistral.
O evento dará inicio o sábado 7 pola mañá (11:30 horas) no restaurante Asturias, en Ferreira do Valadouro, coa presentación oficial da marca Saberes do Monte (11:45-12:00 horas) e un...
leer más
Esta fin de semana, sábado 7 e domingo 8 de xuño, celébrase a romaría de Santo Estevo de Pagá en San Miguel de Reinante (Barreiros).
As actividades comezarán o sábado ás 13:00 horas con misa solemne e despois haberá procesión e sesión vermú amenizada polo dúo Belinda e con chourizos e empanada gratis. Ás 18:00 horas actuará o grupo folclórico O Arco da Vella e ás 22:00 horas empezará a verbena co dúo Belinda e Disco Móvil The Sound Project.
O domingo ás 13:00 horas celebrarase misa solemne e procesión. Despois haberá degustación de chourizos e empanada gratis e sesión vermú longa a cargo do dúo Cover.
Esta fin de semana será intensamente cultural en Foz, con actividades como teatro e encontro de corais.
“Achégase o verán ao concello de Foz, e con el as ganas de máis actividades. Esta fin de semana está chea de cousas das que desfrutar e esperamos que a xente se anime a saír e vir por Foz a acompañarnos. As asociacións realizan un traballo enorme para organizar todos estes eventos”, anima a concelleira de Cultura, Inés López Couto.
A edil anuncia que “o venres 6 ás 20.30 horas na Casa da Cultura dará comezo o IV Certame de teatro afeccionado, coa obra Sen frores nin coroas. O sábado 7 chega unha nova edición do Auto Clásicos de Foz; fronte á praia da Rapadoira poderanse ver diferentes modelos de coches clásicos así como a comida que se celebrará despois, organizada por Auto Clásicos Foz. Continúa o certame de...
leer más
O Concello de Trabada anuncia que colabora co recentemente creado Motoclube A Cadeira na organización da I Concentración Motera que terá lugar os días 21 e 22 de xuño, sábado e domingo, na Praza do Concello e noutras localizacións do municipio.
“Este evento prevé reunir a numerosos afeccionados ao mundo das dúas rodas chegados de toda Galicia e doutras comunidades, cun amplo programa de actividades para todos os públicos: exhibicións de pilotaxe, simuladores de MotoGP, sesións vermú con música en directo e DJ, ceas populares, rutas turísticas en moto, sorteos con premios e moito máis. Entre os momentos máis destacados da fin de semana está a exhibición acrobática do piloto profesional Emilio Zamora. O encontro tamén contará cunha zona de acampada interior e exterior, servizo de taxi, foodtrucks, churrería, postos de merchandising e a...
leer más
A asociación Os Sendeiros, de Foz, participará o domingo 15 de xuño na Travesía Costa Naviega, en Asturias. A saída desde Foz será ás 07:30 horas e ás 07:45 horas desde Ferreira do Valadouro.
Os prezos desta actividade, incluído o xantar, son: 25 euros para socios federados, 30 euros para socios non federados e 35 euros para socios temporais.
O prazo para anotarse remata este sábado, día 7 de xuño, e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.