Eventos
A Asociación Cultural Osorio Gutiérrez, coa colaboración do Concello de Lourenzá, organiza unha nova edición da súa Mostra Folclórica, que terá lugar este sábado, 30 de agosto, a partir das 18:30 horas no Claustro do Mosteiro de San Salvador.
Nesta cita participarán agrupacións de gran tradición, que achegarán música e bailes populares galegos: o Grupo Folclórico Mistura (Lieiro) e A.C Osorio Gutiérrez (Lourenzá).
O evento busca poñer en valor a nosa danza e música nunha tarde chea de cor e tradición.
Este sábado, 30 de agosto, celébrase en As Anzas (Ribadeo) a XII edición da Malla do Trigo, unha cita que combina tradición, gastronomía e música popular, recuperando un dos labores máis emblemáticos da cultura agraria galega.
A xornada arrincará ás 10:00 horas co asentamento da maquinaria e dos primeiros mollos. Ás 11:00 horas dará comezo a malla, que estará amenizada polo Cuarteto Tradicional Illa Pancha e o Grupo Lume.
Ás 12:30 horas terá lugar o reparto de pan, sardiñas e viño. Ao finalizar a malla, celebrarase unha sesión vermú a cargo do Grupo Lume, seguida da tradicional comida popular.
O menú incluirá paella mixta, costela de porco asada, tarta milfollas, bebidas, pan, café e licores. O prezo será de 25 euros, excepto para os menores de 12 anos que non terán que pagar.
... leer más
A parroquia de Adelán, no concello de Alfoz, celebra as festas na honra a San Ramón esta fin de semana, sábado 30 e domingo 31 de agosto.
As actividades comezarán o sábado desde as 21:00 horas con churrascada e chourizada, amenizada polo trío Puzzle
E o domingo haberá misa solemne ás 13:00 horas seguida de procesión. Na sesión vermú e na verbena actuará o grupo Montreal.
A vila de Ribadeo acollerá do 29 de agosto ao 8 de setembro as súas Festas Patronais 2025, once días cheos de música, tradición, deporte e actividades para todas as idades.
O venres 29 de agosto abrirase o programa ás 20:30 horas co pregón a cargo de Pepe Rodil, presentado por Daniel Gayoso, acompañado polo pasarrúas da Sorcha Showband unha hora antes. Xa pola noite, o público poderá gozar dunha festa musical con DJ Manu Méndez, TheSound Project e Litainer a partir das 23:30horas.
O sábado 30 será a quenda do Mercadillo na Praza de Abastos de 12:00 a 18:00 horas e da 3ª edición do Xara Fest, no porto deportivo, con artistas como C. Marí, Lua de Santana, L’Haíne, 9Louro, Betty Bunny, Wachu e Baby Romeo. A apertura de portas será ás 20:00 horas.
O domingo 31 celebrarase o tradicional Día da...
leer más
Este 28 de agosto Ribadeo énchese de música, xogos e descontos co último Xoves Aberto de Acisa. Haberá música na rúa San Francisco e na zona vella, a ruleta da sorte tamén na rúa San Francisco, propostas refrescantes na hostalería local, descontos en tendas e o deslizador xigante de Acisa.
A presidenta de Acisa, Carmen Cruzado, manifestou: “como xa se puido comprobar os pasados xoves, esta iniciativa enche as rúas da vila de música en vivo e permite a veciños e visitantes gozar de descontos e promocións especiais nos comercios adheridos, que contan con horario especial de peche, presentando o multipase da campaña. A actividade forma parte da programación especial O noso comercio é vida, vive Ribadeo. Ademais contaremos tamén con propostas moi refrescantes na hostalería local. Dende Acisa queremos pechar estes Xoves Abertos por todo o alto...
leer más
Mondoñedo prepárase para vivir as súas festas patronais na honra da Nosa Señora dos Remedios, que se celebrarán do venres 12 ao luns 15 de setembro, combinando tradición relixiosa, música, cultura, deporte e actividades para todas as idades.
O Concello de Mondoñedo anuncia que “o programa inclúe catro xornadas cheas de eventos que unen o sentimento relixioso coa oferta lúdica e cultural. A Novena dos Remedios, a Misa de Ofrenda e a solemne procesión do domingo ou a Misa de Cofrades do luns festivo marcarán os momentos máis destacados no plano relixioso. No eido musical e festivo, destacan as actuacións da Mekanika Rolling Band (venres), a orquestra Principal e o concerto de Natalia, concursante da primeira edición de Operación Triunfo (sábado), a verbena coa orquestra Combo Dominicano (domingo), e a música de D-Kris na sesión vermú do luns...
leer más
Un ano máis os Plans con corazón volven á Mariña Lucense para dar a coñecer entre a poboación, tanto autóctona como visitante, a riqueza dos 16 concellos que compoñen o xeodestino. Entre o 5 de setembro e o 12 de outubro terán lugar as 16 rutas e visitas guiadas polos 16 concellos, cunha variedade de propostas e percorridos que abranguen desde contornas urbanas ata espazos rurais, desde o litoral ata a Serra do Xistral, nunha iniciativa coa que coñecer o territorio e desfrutar actividades de lecer singulares.
Neste programa de actividades, promovido pola Mancomunidade de Concellos da Mariña en colaboración coa Xunta de Galicia e a Deputación de Lugo, poden participar todas as persoas que o desexen reservando a súa praza a través do enlace:https://amarinalucense.gal/gl/a-...
leer más
O Concello de Cervo vén de presentar o Festival de Narración Oral De Cobo a Xunco, que se celebrará ao longo do mes de setembro, cada venres, en distintas parroquias e lugares do municipio. Na presentación participaron a alcaldesa, Dolores García Caramés, e Carmen Conde e de Diego Gallego, en representación da compañía Tarabela Creativa, de quen partiu a idea orixinal da proposta.
O Concello de Cervo explica que “De Cobo a Xunco toma o nome dos dous ríos cervenses, o Cobo e o Xunco, que percorren o municipio ata atoparse co mar, simbolizando o camiño compartido das historias que unen ás persoas e á cultura local. Este festival pretende programar a grandes profesionais da narración oral galega para o publico infantil e adulto, e crear unha competición sa entre ambos ríos nunha gala final que se celebrará no auditorio da...
leer más
Vilanova de Lourenzá celebra as festas do Conde Santo con diversas actividades desde este xoves, día 28 de agosto, ata o luns 1 de setembro.
Os actos comezarán o xoves 28 ás 19:00 horas coa representación teatral titulada Punto en boca: entre fíos anda o lío, por Raquel Crespo no Multiusos Ponte de Cuñas, onde ás 20:30 horas terá lugar o pregón a cargo de Isidro Rodríguez Loredo, coñecido como O Core.
O venres 29 desde as 17:00 horas haberá o Día da Bicicleta. E a partir das 21:30 horas celebrarase a cea baile Lenda do Conde no mosteiro de San Salvador, onde ás 23:30 horas actuará La Penúltima Sabinera (grupo tributo a Joaquín Sabina), con entrada gratuíta.
O sábado 30 ás 11:30 horas sairán os Cocos; ás 13:00 celebrarase misa solemne; ás 14:00 horas empezará a sesión vermú co...
leer más
O vindeiro martes, 26 de agosto, ás 12 horas, o centro sociocultural de San Cosme de Barreiros acollerá unha actuación familiar a cargo de Pakolas e a debuxante Laura Romero. O espectáculo, titulado Ecoralia, canta, conta e debuxa, preséntase como un show de gran interacción coas nenas e nenos, no que a música de Pakolas acompañada por contos, historias e as cores dos debuxos en directo de Laura Romero son o principal atractivo para o público.
O Concello de Barreiros anuncia que “esta proposta multidisciplinar crea así unha escena na que non só se pode gozar da música senón tamén do debuxo e as cores que a rodean. Un espectáculo para todos os sentidos”.
Esta actuación enmárcase no programa Cultura no Camiño da Xunta de Galicia e no Plan de Cooperación cos Concellos da Deputación de Lugo.
... leer más