Mostra

Etiquetas:
12/02/2024

A sala de exposicións da Casa da Cultura de Burela acollerá unha mostra de pinturas do artista Jesús San José Arranz do 23 de febreiro ao 22 de marzo. Titúlase “El traje de luces” e inclúe obras pintadas ao óleo con pasamanería. 

A inauguración desta exposición será o venres 23 de febreiro ás 18:00 horas e poderá visitarse de luns a venres de 11:00 a 13:00 e de 18:00 a 21:00 horas.

 

Etiquetas:
21/01/2024

A Escola de Arroxo-Biblioteca Maravilhas, no municipio de Lourenzá, exporá unha mostra de xilografías de Luís Seoane do 24 ao 31 de xaneiro para conmemorar o nacemento de Maruja Seoane.

A inauguración da exposición está programada para este mércores, día 24, ás 19:00 horas.
Para máis información as persoas interesada poden contactar coa organización desta actividade por WhatsApp co teléfono 638.41.85.45.

 

Etiquetas:
30/12/2023

O centro sociocultural de Barreiros acolle ata o día 9 de xaneiro a exposición fotográfica “Express-Arte”. Trátase dunha mostra que amosa unha perspectiva de diferentes realidades dende a arte, que foi creada no marco do programa de inserción laboral para vítimas de violencia de xénero e impulsada pola Asociación de Xóvenes Emprendedores Lucenses (AXEL).

Esta exposición, que foi cedida pola Secretaría Xeral de Igualdade ao amparo do programa de actividades que oferta aos concellos, pode visitarse de luns a venres en horario de 10 a 15 horas ou durante calquera das actividades que teñen lugar en dito centro sociocultural.

Etiquetas:
30/11/2023

Azores Somerxida é o título da colección composta por 22 instantáneas coidadosamente seleccionadas por este biólogo e fotógrafo, veciño do concello de Cervo.

A inauguración da mostra será o próximo venres, 8 de decembro, cunha charla do propio autor no auditorio da Casa da Cultura a partir das 19:00 horas. 

As persoas asistentes poderán coñecer de preto o trasfondo desta exposición concibida nas illas Azores, froito de moitos meses de traballo no mar, nos que Cao conseguiu ser aceptado por algúns dos maiores animais mariños do mundo, no seu propio medio.

A mostra poderase visitar ata o 8 de xaneiro de 2024. 

Etiquetas:
26/11/2023

Os actos, que xa deron comezo onte, seguirán en xornadas sucesivas coa presentación da biografía inédita na que leva traballando durante 5 anos o autor Antonio M. Chaves.

Tamén se realizarán Talleres Literarios, unha reunión para a creación dun Club de Lectura en RegalXunqueira, que dispón de  22.000 libros na súa biblioteca, unha xornada de recitais sobre Carlos Oroza e  unha viaxe á exposición recentemente inaugurada sobre Carlos Oroza no Museo de Vigo, na que se encontra obra de diversos artista entre as cales, está unha cerámica de Otero Regal.

Nestas mesmas xornadas entregaranse os Premios Os Aventados, que se viñan facendo en San Cibrao durante unha cena e que nesta ocasión se celebrará no  Salón de Actos do Complexo RegalXunqueira.

E tamén terá lugar a inauguración dunha exposición...

leer más
Etiquetas:
15/11/2023

Nesta mostra repásase a historia deste museo, lembrando o fito que supuxo conseguir mercar, restaurar e musealizar esta casa en pleno franquismo grazas á colaboración de milleiros de persoas.

A mostra, cuxa inauguración prevista a principios de novembro tivo que ser adiada pola situación meteorolóxica, está comisariada por Pepe Barro, tamén responsable da museoloxía da Casa-Museo. E está apoiada pola Deputación de Lugo.

A Casa-Museo abriu ao público o 15 de xullo de 1971, grazas á implicación de milleiros de persoas e entidades de todo o país e da emigración. A partir da proposta de José Manuel Rey de Viana organizáronse colectas en moitas vilas e en case todos os centros galegos na diáspora, uníronse máis de 70 concellos, varios bancos, equipos de fútbol e innumerables asociacións de todo o país.

... leer más
Etiquetas:
08/11/2023

A Casa da Cultura burelense acolle unha exposición de castelos tenebrosos realizados polo alumnado e as familias do CEIP Vista Alegre de Burela.

Esta mostra está na sala de exposicións da planta baixa ata o 15 de novembro e pode visitarse de luns a venres de 11:00 a 13:00 e de 18:00 a 20:00 horas.

 

Etiquetas:
25/10/2023

A XX Mostra de Teatro Daniel Cortezón celebrarase do 27 ao 29 de outubro no auditorio municipal de Ribadeo. O evento foi presentado pola concelleira de Cultura, Begoña Sanjurjo, e pola viúva do dramaturgo ribadense, Mati González. 

A edil ribadense contou que “esta fin de semana (venres, sábado e domingo) terá lugar ás 20.00 horas no auditorio municipal a XX edición da Mostra de Teatro afeccionado, que leva o nome do insigne autor teatral ribadense Daniel Cortezón”.

Sanjurjo explicou que “desta vez dous grupos veñen de fóra da Mariña, un de Narón e outro de Pontevedra e o terceiro é veciño noso de Barreiros. Comezamos coa formación pontevedresa Avelaíña Teatro, que pon en escena este venres Almas na Gloria: don Paco, con texto de Manolo Ayán e dirección de Antonio Simón. Esta é unha historia vinculada ao autor...

leer más
Etiquetas:
23/10/2023

A Agrupación Cultural Francisco Lanza, de Ribadeo, organiza unha exposición sobre deportados da Mariña luguesa e do Occidente asturiano a campos de exterminio nazis. Será na Sala de Exposicións da Oficina de Turismo. Comezará este xoves 26 de outubro e prolongarase até o domingo 12 de novembro.
 
Haberá dúas charlas acompañando a exposición. Serán os xoves 26 de outubro e 9 de novembro, impartiranse no Centro Social ribadense e serán ás 20:30 horas. Na primeira falarán Antonio Muñoz Sánchez, José Miguel Suárez Fernández e Miguel Freire. Este último ofrecerá a segunda conferencia.

 

14/10/2023

A Casa da Cultura de San Ciprián acolle ata o 31 de outubro unha mostra pictórica de Xosé López Losada "Xolo", composta por 21 obras seleccionadas polo artista entre máis de 600 creacións que ten na súa colección persoal.

Na inaguración da mostra que se poderá visitar durante todo o mes de outubro, o artista estivo acompañado pola rexedora, Dolores García Caramés, pola tenente alcalde, Mali Méndez, por unha representación do tecido asociativo e social da Mariña, e por moitos dos membros da familia da asociación Saúde Mental A Mariña, da que forma parte Xolo, encabezada pola directora técnica xeral da entidade, María José Nóvoa.

O artista agarda que a veciñanza desfrute moito das súas pinceladas baixo o título "Arte con futuro".