Mostra

Etiquetas:
02/07/2023

As concelleiras de Cultura, Turismo e Benestar Social, Begoña Sanjurjo, Marta Saiz e Elena Sierra, e a presidenta de Acisa, Carmen Cruzado, asistiron á apertura da exposición de arte cubano contemporáneo Bitácora Incompleta, de Ricardo Miguel Hernández e Yunior Aguiar Perdomo, que se pode visitar ata o 9 de xullo en horario de 19:30 a 21 horas na casa indiana de Don Gonzalo Bedoya, no nº 12 da rúa San Roque. 

Foron moitas as ribadenses e os ribadenses que se achegaron ata alí para gozar da beleza desa casa indiana e da mostra que alberga. E tiveron a oportunidade de departir cos seus protagonistas e con Ernesto Cruzado Estévez, o curador. 

Bitácora Incompleta enmárcase na programación do Ribadeo Indiano 2023. 

 

30/06/2023

Esta exposición, composta por oito pezas decoradas por ambas caras -co cal suman 16 creacións nas que aparecen representados os faros da Costa da Morte- estará instalada durante todo o ano no paseo do Torno, en San Ciprián para desfrute de veciños e visitantes.
Chega agora a Cervo tras pasar por diferentes localidades como Fisterra, Sanxenxo ou a cidade da Coruña.

Esta exposición pertence á penúltima edición do certame, a oitava, do "Concurso de Murales de Azulejo Lar", dirixido a estudiantes da ESO e que desde o primeiro momento tivo moita aceptación por parte dos centros, profesorado e alumnado.

 

Etiquetas:
14/06/2023

Afundación presentou esta mañá en Xove a súa nova aposta pola divulgación das coleccións ABANCA e Afundación, «Viaxando. Coleccións de arte Afundación e ABANCA», unha mostra de rúa que se presenta grazas á colaboración entre Afundación, ABANCA e o Concello da localidade.Ao acto de inauguración, que tivo lugar esta mañá,asistiron o alcalde do Concello de Xove, José Demetrio Salgueiro; o coordinador institucional de ABANCA en Lugo, Óscar Rodríguez; o director de oficina de ABANCA en Xove, Fabián Rodríguez; e a coordinadora institucional de Afundación en Ourense e Lugo, Beatriz Fernández-Anguiano. Esta exposición de rúa poderase visitar ata o vindeiro 9 de xullo na praza anexa ao Centro Cívico de Xove.

A EXPOSICIÓN «VIAXANDO. COLECCIÓNS DE ARTE AFUNDACIÓN E ABANCA»
Co obxectivo de amosar as coleccións de arte de ABANCA e Afundación fóra...

leer más
Etiquetas:
20/05/2023

O vindeiro xoves, 25 de maio, ás 20:00 horas será inaugurada na Biblioteca Pública Municipal a exposición "Burela a través dos libros das festas" onde se poderán visualizar exemplares que datan desde o ano 1950 ata o 1999.

A mostra permanecerá aberta ata o 12 de xuño e poderá ser visitada de luns a venres de 9:00 a 13:00 e de 17:00 a 20:00 horas.

Xa o venres, día 26, ás 21:00 horas será a misa na honra da Virxe do Carme e a procesión desde a igrexa da Vila do Medio ata parroquial, que estará acompañada da Banda de Gaitas Dambara.

O sábado, día 27, terá lugar o pregón a cargo de Albano González Cancio na Casa da Cultura, e actuación da Escola de Música de Burela. Ao seu remate está prevista a actuación tamén do dúo Manopuesta.

E o domingo 28 será o día infantil con inchables na praza do Concello ao longo da tarde. Esa xornada celebrarase tamén unha nova...

leer más
Etiquetas:
08/05/2023

A sala multiusos do Concello de Viveiro acolle, do 8 ao 11 deste mes de maio, a exposición “EscribirARTE na Mariña” organizada pola Microrrede A Mariña, coa colaboración do Concello de Viveiro.

A Microrrede A Mariña é un proxecto colaborativo das bibliotecas escolares da Mariña que nesta edición inclúe 16 cadros, un por cada biblioteca da Microrrede, e un conto artístico. As obras plasman a alma dos proxectos dos centros, mesturando estilos tanto narrativos como artísticos cunha gran creatividade.

“As actividades da Microrrede serven de espello do enorme talento artístico que existe entre a mocidade da nosa vila”, subliña a alcaldesa María Loureiro. 

O acto inaugural da exposición será este luns día 8 ás 18:30 horas e contará coa presenza de Primitivo Marcos Ferreiro, artista viveirense,...

leer más
Etiquetas:
12/04/2023

A exposición ‘Chicas nuevas 24 horas’, que poderá visitarse en Barreiros desde o día 12 ao 25 de abril no centro sociocultural de San Cosme, engloba tamén a proxección do mesmo documental de MabelLozano para o día 23 de abril ás 18:30h.

Este proxecto está impulsado pola Consellería de Promoción do Emprego e Igualdade da Xunta de Galicia e se enmarca no conxunto de accións promovidas pola Rede de entidades locais contra a violencia de xénero en colaboración coa Federación Galega de Municipios e Provincias no que se visibiliza a problemática da trata de persoas con fins de explotación sexual, un tema moi relevante na sociedade actual. 

A proposta está integrada por diferentes fotografías e a proxección do documental Chicas nuevas 24 horas. Durante a mesma, daranse a coñecer testemuñas de mulleres e nenas de España,...

leer más
Etiquetas:
01/04/2023

Ata o 30 de abril pode visitarse na sala de exposicións do Centro Cívico de Xove a exposición “Retratando sentimentos”, de Inma Purriños en colaboración coa asociación Somos Unidos por el Cáncer.

A mostra pode verse en horario de 17 a 20 horas. O acto de inauguración contou coa intervención de Rosana Roca, nativa na urbanización de Palmeiro, que falou da positividade ante o cancro de mama. 

 

Etiquetas:
12/03/2023

O salón multiusos do Concello de Viveiro acolleu a presentación da exposición fotográfica “Eu Muller, ti cómplice, elas loitadoras” organizada por Aspanane e enmarcada dentro do programa das celebración por mor do #DíaInternacionaldaMuller. 

A exposición itinerante pretende concienciar e sensibilizar á poboación sobre a reivindicación de dereitos que realizan no seu día a día as mulleres con discapacidade intelectual e/ou do desenvolvemento para lograr participar e incluírse na sociedade, ao tempo que conseguen que máis persoas sexan cómplices nesta procura da plena igualdade e cidadanía. 

O acto inaugural, dirixido por usuarias do Centro Ocupacional de Aspanane, contou coa presenza da alcaldesa de #Viveiro, María Loureiro, xunto á secretaria xeral da Consellería de Igualdade da Xunta, Susana López Abella. 

... leer más
Etiquetas:
15/02/2023

O venres 3 de marzo ás 19:30 horas terá lugar na Casa da Cultura a inauguración da exposición de Pinturas Mariñas do Paseo Marítimo de Burela, de Jesús San José Arranz. 

A mostra poderá ser visitada ata o 24 de marzo en horario de 11:00 a 13:00 horas e de 18:00 a 21:00 horas de luns a venres e de 18:00 a 21:00 horas os sábados.

 

Etiquetas:
14/12/2022

Ata o 5 de xaneiro pódese visitar na Oficina de Turismo a exposición Ría de Ribadeo, que foi organizada polo obradoiro de emprego Vilas Coidadoras dentro da especialidade de Dinamización, Programación e Desenvolvemento de Accións Culturais.

A mostra está composta por trece planos e cartas náuticas da ría de Ribadeo, que van desde o ano 1662 ao 1932. Tamén se poden atopar aparellos de navegación cedidos polo mariñeiro xubilado Adolfo Conrado Álvarez Márquez, reproducións de instrumentos de cartografía antiga así como maquetas de barcos de época realizadas por Alfredo Sánchez. 

Ao acto de inauguración da exposición asistiron o alcalde, Fernando Suárez, e os concelleiros de Cultura e Turismo, Pilar Otero e Pablo Vizoso. O rexedor felicitou ao obradoiro de emprego polo traballo realizado. Desde o Concello animan a...

leer más