Celta de Vigo

Barreiros acollerá un campus de fútbol organizado polo Celta, de Vigo, desde o día 28 de xullo ata o 1 de agosto. É para nenos e nenas de 5 a 16 anos.

“Chega unha nova edición do Campus do Celta en Barreiros. Por quinto ano consecutivo as nenas e nenos poderán disfrutar da diversión e a aprendizaxe co monitorado da Fundación Celta de Vigo”, anuncia o Concello de Barreiros, que engade: “contamos coa colaboración dos clubs locais Celta Barreiros e Iberia, que ceden as súas instalacións para celebrar esta actividade, na que o Concello asume unha parte da matrícula das nenas e nenos empadroados”.