Eventos
Despois de meses de traballo e planificación, xa faltan pouco máis de sete semanas para a gran cita bienal da Fundación Expomar: a súa feira monográfica náutico pesqueira, que volverá converter Burela na capital do mundo do mar durante catro días e aspira a superar os récords de superficie de exposición e participantes da anterior edición, ocupando máis de 5.000 metros cadrados de exposición e con 400 marcas de diferentes países representadas na feira.
O Comité Executivo da Feira Expomar 2025 reuniuse este venres para seguir pechando os últimos detalles da vixésima edición do evento, tanto do salón de exposición, que presentará grandes novidades con respecto a anos anteriores, como das Xornadas Técnicas e o Encontro Empresarial de Organizacións Pesqueiras, que cumprirán as súas 32ª e 26ª edicións, respectivamente, e que reúnen cada ano aos...
leer más
A deputada de Economía, Recadación, Facenda e Especial de Contas, Carmela López Moreno, participou este sábado na presentación do cartel e do Programa de difusión Cultural e Relixiosa (Ciclo Adral), organizado pola Xunta de Confrarías da Semana Santa de Viveiro como antesala á celebración desta festividade. Durante o acto, López Moreno subliñou que este ano a Deputación reforza “o seu compromiso aumentando a achega económica para a Semana Santa de Viveiro de 25.000€ e 30.000€ euros, unha aposta clara polo seu crecemento e consolidación”.
"É unha honra para a Deputación formar parte, unha vez máis, da celebración da Semana Santa de Viveiro, unha festividade que transcende as fronteiras locais para converterse nun referente cultural e espiritual recoñecido internacionalmente”, declarou a Deputada durante a súa intervención na Sala Multiusos...
leer más
O pub Ribanzo acollerá o vindeiro 22 de marzo o II Torneo de Mus da Mariña Vila de Ribadeo, que reunirá a 40 parellas desde as 10 da mañá.
O evento foi presentado no Concello con asistencia do alcalde, Dani Vega, o delegado da Asociación Española de Mus en Lugo, Atxa, e Jesús Santos, gran apoio neste torneo de Ribadeo, tal e como explican desde a organización.
Xa hai 39 parellas inscritas das 40 posibles participantes. O prazo segue aberto ata o xoves, día 20. O sistema será Torneos A, B e C preclasificatorio e eliminatorias. A primeira rolda dará comezo ás 10 da mañá e a quinta está prevista para as 16:30 horas.
Os premios para os gañadores do Torneo A consistirán en invitación para o Máster Nacional 2025, que se celebrará en novembro en Marbella/Estepona (con hotel e media pensión) e 3...
leer más
A asociación veciñal O Torques, de Marzán (Foz), celebrará a vixésimo quinta edición da súa cea baile de irmandade o día 22 de marzo, sábado, a partir das 21:30 horas no restaurante O Rincón do Mis. Haberá música en directo, a cargo do dúo Epo-K e sorteo de agasallos.
As prazas son limitadas e o último día de venda de tarxetas será o luns 17 de marzo.
Volven as audicións da Escola Municipal de Música e Danza de Ribadeo. En marzo serán os días 19 e 25
A Escola Municipal de Música e Danza (EMMeD) de Ribadeo impulsa cada curso escolar unha serie de audicións das diferentes disciplinas que ofrece o centro e nas que participa boa parte do alumnado. Neste 2025 terán lugar entre os meses de marzo e xuño.
O responsable do centro, Hugo García, dixo que “tanto para o alumnado como para as familias cremos que é un momento especial, de poñer en valor o traballo feito dentro da aula e, ao tempo, unha ocasión para achegar máis aló das catro parades da Escola, toda canta actividade leva a cabo o centro”.
Dende a vindeira semana e ata o mes de xuño a EMMeD de Ribadeo ten programadas un total de once audicións, dirixidas a toda a cidadanía. A audición do alumnado de oboe e saxofón será o próximo mércores, 19 de marzo, no Salón de Actos. Seguirán a audición do alumnado de...
leer más
A parroquia ribadense da Devesa celebrará unha comida veciñal o día 13 de abril, domingo, na explanada do Círculo Habanero.
As actividades comezarán ás 13:30 horas cunha sesión vermú amenizada pola cantante Verónica Cambón. Ás 14:30 horas empezará a comida e seguidamente haberá sorteos e baile a cargo de Verónica Cambón.
Este evento está organizado pola Asociación de Veciños de A Devesa, coa colaboración da Xunta de Galicia e do Concello de Ribadeo.
O mércores 19 de marzo ás 14:30 horas celebrarase unha comida de Entroido en Riotorto, organizada polo Concello.
O menú é: sopa, cocido completo, postre, café e bebidas. Estará amenizada coa actuación do dúo musical Ángel América.
O prezo é 30 euros por persoa e para participar hai que apuntarse nos Centros Veciñais ou no Concello antes do 16 de marzo.
A décimo novena edición do Mercado de Primavera do Valadouro celebrarase o día 22 de marzo, sábado.
Será pregoado por Pepe Otero e os postos do mercado estarán abertos desde as 10:00 e ata as 19:00 horas.
Haberá música de rúa con Dambara, Amado Lar, Charanga Noroeste, Os Caliqueños, Los Támega e Festicultores. E concertos na Praza de Santa María, a cargo de Abóbriga e Nimbos
Tamén están programadas actividades familiares, de tarde, na praza: títeres con Mircromina Teatro, maxia co mago David Méndez e teatro infantil con Inventi. E tamén pola tarde no aparcadoiro municipal, a carón da piscina, haberá xogos tradicionais con Xotramu e paseos en poni.
A programación do evento inclúe ademais ruta de tapeo polos locais hostaleiros, demostración de oficios tradicionais, fotoenxebre, desfile de zocas e...
leer más
A terceira edición das Xornadas Etnográficas da Mariña celebrarase en Barreiros desde o 30 de maio ata o 1 de xuño.
Haberá encontros, monográficos, exposicións, mostra etnográfica, concertos, foliada e moito máis.
Estas xornadas están organizadas por Tecedeira, que é un é un proxecto de investigación, compilación e divulgación das músicas de tradición oral. E conta co apoio da Área de Mocidade da Vicepresidencia da Deputación de Lugo.
A asociación veciñal da parroquia ribadense de Vilaframil organiza a súa primeira Festa do Entroido este domingo, día 16 de marzo, a partir das 17:00 horas.
Será na Escola de Vilaframil e estará amenizada pola charanga Aturuxo, de Ribadeo.
“Se ves co teu disfrace participas no sorteo de lotes de produtos e poderás sacar unha foto no photocall”, anuncia a organización.
Haberá merenda de balde para os socios do colectivo organizador e as persoas que non forman parte da asociación deberán pagar 5 euros.