cea baile
A Asociación de Festexos O Alto do Cruceiro, no municipio de Xove, conmemora o seu 20 aniversario coa organización dunha cea-baile que terá lugar o vindeiro sábado 25 de abril a partir das 22:00 horas no pavillón municipal de deportes do Centro Cívico de Xove. O evento titúlase Reencontro´s Fest.
O Concello de Xove explica que “co obxectivo de revivir vivencias e anécdotas, así como lembrar momentos inesquecibles, a entidade promove este encontro para conectar diferentes xeracións, unindo familias e amizades nun ambiente de alegría e nostalxia. O menú será elaborado pola Pulpería Mario de Viveiro e estará composto por empanada, polbo á feira, carrilleiras de porco ibérico ao mencía, carrot cake, café e chupito, cun prezo de 40 euros por persoa e pódense anotar ata o 20 de abril. A velada estará amenizada pola Disco Móbil Conxuro,...
leer más
A asociación Saúde Mental A Mariña organiza unha cea baile benéfica para o día 25 de abril, sábado. Será ás 21:00 horas na Praza dos Campos, de San Ciprián (Cervo) e estará amenizada por Discomóvil Conxuro.
“Xa podes mercar os tickets para acompañarnos neste gran día de celebración. Toma nota de onde o podes facer ata o 21 de abril: Restaurante O Noso Lar, de San Ciprián; Unidade Residencial A Mariña (Cervo); Residencia Resort Saúde Mental Cervo; e nos CRPL de Burela, Viveiro e Ribadeo”, anuncia a asociación organizadora, que tamén indica: “se non podes asistir ao evento pero queres colaborar podes contribuír mediante a Fila Cero”.
Esta actividade conta coa colaboración do Concello de Cervo.
A Asociación de Veciños O Torques de Marzán, en Foz, celebra a súa XXVI Cea Baile de Irmandade este sábado, día 28 de marzo. Será ás 22:00 no restaurante O Rincón do Mis e estará amenizada polo dúo Epo-K.
“Reunímonos para a nosa tradicional cea de irmandade, que se leva celebrando durante 26 anos”, anuncia o colectivo veciñal de Marzán.
As prazas son limitadas e o último día de venda é este luns, 23 de marzo.
A parroquia de Covas, no municipio de Viveiro, celebrará unha cea baile o día 21 de marzo, sábado. Será ás 22:00 horas e está organizada pola comisión de festas de San Xoán. Para participar hai que retirar os tickets previamente o prazo remata este domingo, 15 de marzo.
A cea baile estará amenizada polo dúo Caramelo e Discomóvil Olympo e celebrarase nunha carpa situada no campo da festa de Covas.
O restaurante El Huerto, que está na parroquia ribadense de Vilaframil, organiza unha cea baile de cocido para o día 7 de febreiro, sábado, ás 21:30 horas.
O menú inclúe: sopa da avoa, cocido de porco completo, tarta de filloas, café, licor e viño Mencía colleiteiro. Estará amenizada polo grupo musical Nuevo Ritmo e o prezo é de 38 euros por persoa.
Para participar hai que reservar previamente, o que pode facerse no propio restaurante El Huerto ou a través dos teléfonos 982.128.409 ou 626.861.838.
Ademais para os participantes na cea baile ofrecen aloxamento en El Pinar a un prezo especial de 35 euros en habitación dobre.
O club Sociedade Deportiva Burela celebrará unha cea baile este sábado, día 22 de novembro, no Hotel Nordés. A música correrá a cargo de DJ Balbi.
“Unha noite especial para celebrar gran familia verde que somos”, anuncia a SD Burela.
A data límite para anotarse é este luns, 17 de novembro.
O día 22 de novembro, sábado, ás 21:30 horas na praza do Concello de San Cosme de Barreiros terá lugar unha cea baile organizada pola comparsa Habelas Hainas.
Será nunha carpa cerrada con calefacción e haberá “comida, música, agasallos e sobre todo moita festa”.
O prazo para reservar as entradas está aberto ata o 17 de novembro.
A comisión das festas de Canedo, no municipio de Lourenzá, de 2026 organiza unha cea baile para recadar fondos destinados aos festexos. Será o 15 de novembro, sábado, no pavillón de Santo Tomé desde as 21:30 horas.
Ademais de cea haberá regalos, sorpresas e actuacións musicais a cargo do dúo Venús e DJ Billy
A data límite para a recollida dos tickets é o martes 11 de novembro.
A asociación cultural Airiños do Xunco, de Cervo, celebrará o seu 50 aniversario cunha cea baile que será o 25 de outubro, sábado, desde as 22:30 horas.
“Se pasaches por Airiños do Xunco, se segues sendo membro a día de hoxe ou se simplemente desfrutaches da vida cultural do pobo agora si que si: a gran celebración do 50 aniversario! Cunha cea baile no Almacén amenizada por DJ Conxuro poñeremos o broche de ouro todos xuntos a este ano tan especial”, anuncia o colectivo cultural cervense.
Os tickets están á venda na Pousada O Almacén ata o día 19 de outubro.
A asociación cultural Amado Lar, do Valadouro, celebra o seu 40 aniversario cunha cea baile, que terá lugar no pavillón municipal o día 22 de novembro, sábado, ás 22:00 horas.
Estará amenizada coa música da discoteca móbil Eventec e a data límite para anotarse é o 16 de novembro.