Eventos

22/08/2025

O colectivo artístico ribadense As Vacas Fracas organiza o evento Cedofestiña o día 30 de agosto, sábado, no pazo da parroquia de Cedofeita (Ribadeo).

Desde as 12:00 horas haberá obradoiros, visitas guiadas ao pazo, xantar campestre e actuacións musicais.

“A Cedofestiña é o noso evento insignia: unha xornada para celebrar a arte nun espazo tan especial como o Pazo de Cedofeita. Cada edición xira arredor dunha disciplina artística distinta... e este ano tocáronlle ás artes escénicas, danza e movemento. As persoas encargadas de traer esta disciplina ao Pazo serán Lucía Álvarez e a compañía asturiana Merakicía. Este ano arrincamos un chisco antes, a hora do vermú, cunha programación pensada para toda a familia: obradoiros para nenxs e maiores, foliada con Gaiteiros do Clan, visitas guiadas ao pazo (en dobre pase!),...

leer más
Etiquetas:
21/08/2025

Aldeguer (A Pontenova) prepárase para vivir unha intensa fin de semana con motivo das festas na honra a San Ramón Nonato, que se celebrarán os días  29 e 30 de agosto.

O programa comeza o venres 29 ás 22:00 horas cunha gran churrascada veciñal, que dará paso á música coa actuación de DJ Bombardero, garantindo unha noite chea de ritmo e diversión.

O sábado 30 abrirá coa misa solemne ás 13:00 horas, seguida da sesión vermú. Xa pola noite, a partir das 23:30 horas, terá lugar a verbena, que contará co talento de JJ Compota (ex compoñente da orquestra París de Noia) e María García Caamaño (ex vocalista da orquestra Filadelfia).

A festa desenvolverase nun campo cuberto con carpa, asegurando o bo ambiente independentemente do tempo, e ademais haberá colchoneta gratis para nenos e nenas durante...

leer más
Etiquetas:
21/08/2025

O Concello de Burela presentou a súa tradicional Festa Fin de Verán, unha programación lúdica que se celebrará na Praza do Concello entre os días 23 e 26 de agosto. A iniciativa incluirá inchables e atraccións acuáticas, dirixidas ao público infantil e xuvenil con acceso gratuíto.

As actividades comezarán o sábado 23 de agosto, en horario de 16:00 a 19:30 horas. Os días 24, 25 e 26 de agosto a programación ampliarase con sesións de mañá e tarde, que terán lugar de 11:30 a 14:00 horas e de 16:00 a 19:30 horas.

O Concello de Burela explica que o obxectivo do evento é “ofrecer un espazo de ocio familiar e pechar a tempada estival cunha proposta aberta a toda a veciñanza e visitantes”.  

Etiquetas:
20/08/2025

A tradición e a festa únense de novo na IX Festa da Malla da Pontenova, que se celebrará o 23 de agosto.

A xornada arrincará ás 12:00 horas co comezo da malla tradicional, unha recreación que permite revivir un dos labores máis característicos do rural galego.

Ás 13:30 horas, celebrarase a sesión vermú, amenizada por JJ Compota (ex compoñente da orquestra París de Noia) e María García Caamaño (ex vocalista da orquestra Filadelfia). Seguidamente, ás 14:30 horas, terá lugar a gran comida popular, co menú composto por empanada, xamón cocido, churrasco, chourizos criollos e roxos, bebida, sobremesa e café. O prezo para os adultos é de 20 euros e para os nenos de ata 12 anos só custará 12 euros. Os tíckets poden recollerse ata o 22 de agosto en Zapatería Orli, Librería Eugenia e Pada.

Pola...

leer más
Etiquetas:
20/08/2025

Segundo Xoves Aberto este 21 de agosto, organizado por Acisa Ribadeo con música na zona vella, a ruleta da sorte nas Catro Rúas e propostas refrescantes na hostalería local. 

A presidenta de Acisa, Carmen Cruzado, manifesta: “como xa se puido comprobar o pasado xoves, esta iniciativa enche as rúas da vila de música en vivo e permite a veciños e visitantes gozar de descontos e promocións especiais nos comercios adheridos presentando o multipase da campaña. A actividade forma parte da programación especial O noso comercio é vida, vive Ribadeo. Ademais contaremos tamén con propostas moi refrescantes na hostalería local. O xoves pasado deixounos moi bo sabor de boca e agardamos repetir mañá”.

O xerente de Acisa, Jesús Pérez, sinalou que “os Xoves Abertos son unha oportunidade para vivir Ribadeo dunha maneira diferente...

leer más
Etiquetas:
20/08/2025

A parroquia da Cazolga (Lourenzá) celebrará os días 22, 23 e 24 de agosto as súas tradicionais festas na honra a San Pedro Fiz.

O venres 22 de agosto, a partir das 21.00 horas, veciños e visitantes poderán gozar dunha gran pulpada e churrascada servida polo Bar Rochela, de Vilalba. A partir das 23:00 horas, a festa continuará cunha animada verbena a cargo da orquestra Marbella e o DJ The Sound Project.

O sábado 23, ás 13:00 horas, terá lugar a misa solemne con procesión, seguida dunha sesión vermú co Grupo La Tremenda. Xa pola noite, ás 22:30 horas, repetirase a verbena con La Tremenda e DJ The Sound Project.

O domingo 24, ás 13:30 horas, celebrarase a misa e procesión, tras a que actuará no vermú o Dúo Belinda, poñendo o broche final ás festas.

A reserva dos...

leer más
Etiquetas:
20/08/2025

A tradicional Romaría do Bo Xantar, declarada de interese turístico galego, celebrará unha nova edición entre os días 22 e 27 de agosto cun programa do máis completo.

O venres 22 de agosto será o esperado día do polbo, que estará amenizado por unha charanga.

O sábado 23 ás 13:30 horas terá lugar a misa na capela do campo da festa e a procesión, seguida dunha sesión vermú de 14:30 a 16:00 horas. Pola noite, ás 23:00 horas, a verbena correrá a cargo de Elebe e Pasión.

O domingo 24 a misa das 13:30 horas será cantada pola Coral Polifónica Alborada, de Viveiro, seguida da procesión. De novo haberá vermú e verbena ás 23:00 horas con Supertop e Los Alcántara.

O luns 25, música todo o día con Salsarena e Arizona, tanto na sesión vermú como na verbena da noite. 

... leer más
20/08/2025

O Concello de Trabada pon en marcha unha nova edición do programa Viaxa co Concello que terá lugar os días 19, 20 e 21 de setembro cunha excursión a Cantabria, visitando lugares como a Cueva El Soplao, Comillas, Santillana del Mar, Torrelavega, Santander ou Cangas de Onís.

O prezo da viaxe é de 195 euros por persoa e inclúe seguro, aloxamento de dúas noites en habitación dobre nun hotel spa de 4 estrelas, visitas culturais, entradas, comidas e ceas programadas en diferentes localidades, así como transporte en autobús.

Entre as actividades previstas destacan a visita á Cueva El Soplao, ao Capricho de Gaudí en Comillas ou ao Museo da Tortura en Santillana del Mar, ademais de comidas e ceas en localidades como Cabezón de la Sal, Santillana ou Cangas de Onís.

O alcalde de Trabada,...

leer más
19/08/2025

Barreiros celebrará os días 21, 22, 23 e 24 de agosto as súas tradicionais festas de San Bartolo cun amplo programa.

O xoves 21 de agosto a partir das 19:00 horas arrincará a programación cunha sardiñada popular (5 euros a ración), seguida da festa musical con DJ D.F.M.

O venres 22 desde as 21:00 horas terá lugar unha gran verbena amenizada por DJ D.F.M e a coñecida orquestra Los Satélites.

O sábado 23 ás 13:30 horas celebrarase a sesión vermú co Dúo Belinda, que tamén será protagonista na verbena da noite, compartindo escenario con Los Coleguitas. O remate da xornada correrá a cargo de DJ D.F.M.

O domingo 24, día de San Bartolo, a festa comezará ás 13:00 horas coa misa solemne e procesión, seguida de sesión vermú co Grupo Elebe. Pola noite, a verbena final...

leer más
Etiquetas:
19/08/2025

O Pereiro (Alfoz) prepárase para tres días de festa e tradición coa celebración das súas festas na honra de Santa María, que se desenvolverán os días 22, 23 e 24 de agosto.

O venres 22, pola noite, actuará o Dúo Belinda e celebrarase a tradicional cea popular con churrasco, chourizo, empanada, viño, gaseosa, sobremesa, auga e café. Os prezos son de 10 euros para nenos/as (de 4 a 10 anos) e de 20 euros para os adultos. A cea será ás 21:30 horas e é necesario anotarse antes do 19 de agosto nos teléfonos 652 079 890 (Fátima) e 699 024 637 (Miguel). 

O sábado 23 haberá misa e procesión ás 13:30 horas, seguida de sesión vermú. Pola noite, a verbena contará coa música do Grupo Lume e a actuación especial da solista Claudia.

O domingo 24 a festa rematará cunha misa ás 13:30 horas, vermú longo e...

leer más