Eventos
A festa do Carme celebrase na zona portuaria de Ribadeo esta fin de semana, sábado 19 e domingo 20 de xullo.
O sábado ás 13:45horas haberá sesión vermú co grupo Las Vegas Galicia, que tamén actuará na verbena. E ás doce da noite haberá un concerto de La Penúltima Sabinera, grupo tributo ao cantautor Joaquín Sabina.
E o domingo ás 12:00 horas celebrarase misa solemne na igrexa da Atalaia. Ao remate farase a procesión coa imaxe da Virxe do Carme desde a Atalaia ata o porto de Porcillán, para realizar a procesión marítima, que irá acompañada polo cuarteto Illa Pancha. De volta ao porto a Coral Polifónica de Ribadeo cantará unhas pezas, entre elas a Salve Mariñeira. Ás 14:00h haberá sesión vermú a cargo da orquestra Channel, que tamén actuará na verbena, xunto ao grupo Eureka.
O día 31 de xullo, xoves, terá lugar a sétima comida anual dos veciños da Regueira, en Ribadeo.
Os actuais residentes e aquelas persoas que nalgún momento viviron nas rúas Deputación e San Lázaro, na zona ribadense coñecida popularmente como A Regueira, están organizando a súa sétima comida anual, que terá lugar o día 31 de xullo, xoves, no restaurante Araucaria (rúa Carlos III) ás 14:30 horas.
O prezo da comida é de 35 euros e as tarxetas para participar neste encontro veciñal poden adquirirse na tenda de Sargadelos, de Ribadeo, que está situada na rúa Reinante, ata o 28 de xullo.
As persoas interesadas en obter máis información poden dirixirse a Mª Carmen Pillado (600.277.791), Paco Roibás (639.136.601) e Manolo Álvarez (649.979.036).
A parroquia de Xudán, no concello da Pontenova, celebrará as festas na honra a Santa María Magdalena esta fin de semana, desde o venres 18 ata o domingo 20 de xullo.
As actividades comezarán o venres 18 a partir das 22:00 horas cunha churrascada popular e seguidamente haberá verbena a cargo do dúo Dilema e DJ Bombardero.
O sábado ás 13:30 horas celebrarase misa solemne e despois procesión e sesión vermú co trío Karma, que tamén actuará na verbena.
E o domingo ás 14:00 horas haberá misa solemne, procesión e sesión vermú amenizada polo grupo de música tradicional A Chocolateira, da Pontenova.
O cartel das festas de San Roque, en Viveiro, foi presentado este luns e inclúe actividades do 14 ao 17 de agosto. Entre elas está un concerto do popular dúo formado polas irmáns Encarna e Toñi Salazar, actuación programada para o venres 15 de agosto.
A comisión Viveiro en Festas anuncia: “teremos o pracer de contar con De Ninghures, Azúcar Moreno e Dasoul na Praza Maior os días 14, 15 e 16 de agosto. Ademais nos Xardíns Noriega Varela contaremos co Dúo Vivarium, Suavecito, Súper Top e Escaparate. E, para rematar, a Sardiñada Popular nas Nogueiras”.
A parroquia de San Martiño, no concello de Foz, celebrará as festas do Carme desde este venres, 18 de xullo, ata o domingo 20.
As actividades comezarán o venres as 20:30 horas cunha actuación de Batucada Kombarullo; ás 21:00 horas haberá pancetada e ás 22:30 horas empezará a verbena, que amenizarán o grupo Fénix e a orquestra New York.
O sábado celebrarase misa ás 13:30 horas e despois haberá procesión e sesión vermú, co grupo JB SON, que tamén amenizará a verbena xunto ao Grupo Beatriz.
E o domingo celebrarase misa ás 13:30 horas e a continuación haberá procesión e sesión vermú co grupo Toxo Guayaba.
Alfoz retrocede no tempo para celebrar o XXV Mercado Medieval, que terá lugar os días 18 e 19 de xullo ao redor do Castelo de Castrodouro.
O venres 18 ás 21:00 horas chegará o Mariscal e descubrirá a Lousa da Lembranza para conmemorar as 25 edicións deste mercado.
O sábado 19 ás 11:00 horas comezará a visita guiada Dende a ponte ao Castrodouro da man da guía Ana Pena.
Durante a fin de semana haberá obradoiros, xogos tradicionais, exhibicións de cetrería, ceas medievais e espectáculos teatrais e musicais para todas as idades.
"Artesanía, tradición, historia e moita festa nun ambiente que nos transporta ao século XV", anuncia o Concello de Alfoz.
A Xunta de Galicia renova un ano máis a súa colaboración coa Feira do Bonito de Burela, que celebra a súa 39ª edición os días 2 e 3 de agosto. A cita, organizada pola Sociedade Cultural e Recreativa Ledicia, está declarada de Interese Turístico Nacional.
O delegado territorial da Xunta en Lugo, Javier Arias, participou no acto no que se deu a coñecer o programa, que incluirá un concerto do cantante e compositor asturiano Enol, patrocinado en exclusiva polo Goberno galego. A actuación será o sábado 2 ás 23,00 horas na explanada portuaria. O artista recalará en Burela no marco da xira de presentación do seu novo traballo, Una casa con jardín, coa que está a percorrer escenarios de toda España.
A programación deste ano inclúe o V Tapeo Bonito polos establecementos de hostalería participantes, do 17 ao 19 de...
leer más
La parroquia de Sante, en el municipio de Trabada, celebra la Fiesta de la Espuma este domingo, día 13 de julio, a partir de las 17:00 horas.
Está organizada por la Asociación de Vecinos San Julián de Sante, que anuncia que se trata de un evento para todos los públicos y además explica: “debes tener entrada (precio 5 euros) para acceder al recinto; disponemos de vestuarios para que puedas cambiarte de ropa; todo menor de 8 años debe ir acompañado de un adulto; acuérdate de traer ropa para cambiarte tras la actividad”.
A organización destaca que “habrá hinchables, cañón de espuma y más sorpresas, además de servicio de bar y chocolatada popular”.
A parroquia de Mor, en Alfoz, celebra as festas do Carme os días 13 e 16 de xullo, domingo e mércores.
A asociación veciña de Mor anuncia: “o próximo domingo, 13 de xullo, tedes unha cita no atrio de Mor: misa ás 13 horas; sesión vermú amenizada polo grupo Lume; en sesión de tarde baile amenizado polo Grupo Lume. Tamén contaremos con actividades gratuítas para os máis pequenos da casa”.
E o día do Carme, 16 de xullo, haberá misa ás 10 horas e ás 13:00, procesión e de seguido sesión vermú a cargo da banda de gaitas da Agrupación Cultural e Musical Dambara.
A parroquia de Muxueira, no concello de Riotorto, celebrará as festas do Carme os días 11 e 12 de xullo, venres e sábado.
As actividades comezarán o venres a partir das 21:00 horas cunha churrascada popular na que actuará o grupo D’Cano e DJ Bombardero.
E o sábado ás 13:30 horas celebrarase misa, seguida de sesión vermú a cargo do dúo Belinda.