Eventos
O Concello do Valadouro organiza un acto dedicado ás cantareiras e á tradición oral para celebrar as Letras Galegas. Será o venres 16 de maio no salón de actos da Casa da Cultura ás 20:30 horas.
“Será moderado por Lionel Rexes, que facilitará o paso entre as actuacións realizando breves reseñas sobre a xornada e a tradición oral e as cantigas. Trémola Teatro ofrecerá os seus contos da avoa, que cando era nova xuntábase coas amigas para contar e cantar contos e cantigas. Historia popular feita música. E a asociación cultural Amado Lar estará representado polas cantareiras que ofrecerán varias pezas froito das recolleitas populares polas vilas e aldeas de Galicia”, anuncia o Concello do Valadouro, que engade: “nesta edición o Día das Letras Galegas 2025 está dedicado ás cantareiras, mulleres galegas fundamentais na preservación e transmisión...
leer más
O X Ribadeo Indiano, que se celebrará do 11 ao 13 de xullo, estará dedicado á figura do filántropo Ramón González e actuará a famosa orquestra cubana Los Van Van. Concello e Acisa presentaron o cartel desta nova edición do evento.
O alcalde, Dani Vega, declarou: “os días 11, 12 e 13 de xullo vamos celebrar o Ribadeo Indiano. Dez anos de historia, de poñer en valor toda unha cultura arquitectónica, social, unha reivindicación de cómo somos. Eses dez anos de historia queremos dedicarllos á filantropía, queremos dedicarllos a un dos indianos máis coñecidos e recoñecidos en Ribadeo, que é Ramón González. Naceu en Ribadeo, estudou Náutica e Comercio e despois marchou para a Arxentina, onde traballou como empregado e tamén foi quen de participar en moitas sociedades e crea a súa propia empresa. Con todo o esforzo fai unha grande fortuna. Despois...
leer más
A Rede Museística Provincial desenvolverá ao do 12 ao 18 de maio unha ampla axenda de actividades para conmemorar o Día Internacional dos Museo, que se celebra Internacionalmente baixo o lema O futuro dos museos en comunidades en constante cambio. Os catro museos da rede (Museo Provincial de Lugo, Museo do Mar de San Cibrao, Pazo de Tor e Fortaleza de San Paio de Narla) acollerán mais dunha ducia iniciativas que, partindo das coleccións e dos valores patrimoniais dos diferentes museos, poñen en valor a diversidade, a creatividade e o diálogo intercultural.
A programación pon o foco na mocidade, público obxectivo da maioría das protagonista e protagonista tanto no deseño e coordinación de propostas como as I Xornadas de rol e xogos de mesa -o 10 e 11 de maio na Fortaleza de San Paio de Narla- , o obradoiro Robótica e arte moza, con Enrique Peñalver...
leer más
O Concello de Viveiro vén de presentar o programa de actividades das Letras Galegas. Baixo o lema As cantareiras e a poesía popular, inclúen iniciativas de teatro, música e lectura. Serán os días 10, 16, 17 e 23 deste mes.
A primeira delas, a representación da obra Fala fala falangueira, terá lugar este sábado, ás seis da tarde, no Teatro Pastor Díaz. A entrada é de balde ata completar o aforo. Fala fala falangueira será representada por Matrioska Teatro. Será dirixida por Gena Baamonde e contará coa interpretación de Chelo do Rejo e Anabell Gago, dúas das fundadoras da compañía.
O venres 16 terá lugar Das pandeireteiras de Mens ás Tanxugueiras. Ler conta moito na Biblioteca Municipal. Será ás seis da tarde, dirixida a público familiar, e a entrada será de balde ata completar o...
leer más
A Asociación de Sendeirismo Terras de Lourenzá organiza unha fin de semana de rutas en Sobrefoz, no municipio de Ponga (Asturias) do 16 ao 18 de maio.
O colectivo explica: “voltamos a Sobrefoz, un pequeno pobo asturiano que nos ten conquistado polo seu encanto e o acolledoras que son as súas xentes. No prezo entra desprazamento ida e volta a Lourenzá; cea do venres; pernoita de venres e sábado; almorzo e cea do sábado; pernoita de sábado e domingo ; almorzo e xantar de mediodía do domingo. O xantar de mediodía do sábado será en ruta, cada un levará o seu (non hai opción de mercar alí, polo que hai que levalo o venres)”.
A saída será o venres 16 ás 16:30 horas desde o Cantón de Vilanova de Lourenzá e as inscricións deben facerse antes das 14:00 horas do 13 de maio, chamando ao teléfono 647.06.70.54 (Javier). O...
leer más
As XVIII Xornadas do Peregrino Abrindo Camiño desenvolveranse os días 12 e 13 de maio, luns e martes, nos concellos de Mondoñedo e Abadín. Este evento celébrase “en conmemoración do décimo aniversario da declaración de Patrimonio da Humanidade dos Camiños de Santiago do Norte e de arroupa ao proxecto Da Catedral de Mondoñedo a Catedral de Santiago de Compostela”, explica a organización.
As actividades comezarán o luns 12 maio no salón de actos do IES San Rosendo. Ás 16:30 horas terá lugar un saúda inaugural, no que participarán o director IES San Rosendo, os alcaldes de Mondoñedo e Abadín e o presidente da asociación Abrindo Camiño, José Luis Fernández Ansedes. A continuación haberá unha charla coloquio con proxección de audiovisuais: Análise actual e DAFO dos Camiños de Santiago do Norte; O Albergue La cabaña del Abuelo Peuto...
leer más
Viveiro acollerá este sábado, día 10 de maio, un Escape Room sobre os riscos dos xogos de azar.
“O vindeiro 10 de maio achégate á chaira fronte ao Pavillón Municipal de Viveiro e participa nunha experiencia única: un Escape Room pensado para sensibilizar sobre os riscos dos xogos de azar. Unha actividade diferente, divertida e con conciencia. Serás quen de saír a tempo?”, anuncia o Concello de Viveiro.
A duración é de 45 minutos, para grupos de ata 5 persoas cunha idade mínima de 14 anos. A entrada é gratuíta.
O programa da área de Rural da Vicepresidencia da Deputación de Lugo Da Escola á Granxa incluirá na súa cuarta edición máis de 200 actividades formativas nas que participarán 7.500 alumnos e alumnas de infantil e primaria de toda a provincia.
O deputado Daniel García achegou estes datos sobre a cuarta convocatoria do programa nun encontro que mantivo con representantes das 45 granxas e proxectos de emprendemento no rural que particpan nesta edición do programa, o proxecto de maior investimento -200.000 euros - e proxeccion que está a desenvolver a área de Rural.
O acto, que contou tamén coa presenza de asociacións gandeiras que veñen colaborando activamente co programa – Asoporcel, Boaga, Ovica, Puraga, Avimós e Agromuralla - e coa presidenta da Fapacel Isabel Calvete, serviu para coordinar as actividades a...
leer más
O conselleiro de Mar da Xunta de Galicia, Alfonso Villares, inaugurou este mércores pola tarde unha nova edición da Feira monográfica náutico pesqueira Expomar, acompañado da presidenta da Fundación Expomar e alcaldesa de Burela, Carmela López, e de representantes de todas as entidades que forman o Padroado da Fundación Expomar.
Abriu o acto Pablo Rivera, responsable da área de promoción económica e social da Deputación de Lugo. A continuación, tomou a palabra o subdirector xeral de Caladoiro Nacional e Augas Comunitarias de Segepesca, Juan Manuel Elices, en representación da Secretaría Xeral de Pesca do Ministerio de Agricultura, Pesca e Alimentación.
A alcaldesa de Burela e presidenta da Fundación Expomar, Carmela López, puxo en valor a importancia deste evento non só para Burela, senón para todo o sector do...
leer más
Do 7 ao 14 de maio está aberto o prazo de inscrición nas actividades de verán organizadas pola Concellería de Deportes e Mocidade. Será na Casa da Xuventude en horario de 9 a 14 horas e de 16 a 18 horas (martes e xoves) ou a través da sede electrónica do Concello.
O concelleiro de Deportes e Mocidade, Francisco José Silvent, explica que “as actividades que ofertamos son un campamento dixital gratuíto coa Fundación Cibervoluntarios, que se desenvolverá do 23 ao 27 de xuño para nenas e nenos de 9 a 13 anos; teremos tamén colonias urbanas do 30 de xuño ao 1 de agosto para nenas e nenos de 4 a 12 anos. Serán 100 prazas por semana e o importe semanal ascenderá a 40 euros. Esta actividade pretende facilitar a conciliación familiar e laboral durante o verán, de aí que contará cun horario especial de oito da mañá a tres da tarde”.
... leer más