Eventos
O programa de rutas e visitas guiadas Plans con corazón rematará a vindeira fin de semana con dúas actividades previstas nos municipios de Burela e O Vicedo, da man de guías locais expertos coñecedores do territorio. Os plans están programados para o sábado, 11 de outubro, no Vicedo e para o domingo, día 12, en Burela, para os que aínda quedan prazas libres.
Con estas actividades chega ao seu fin esta sexta edición de Plans con corazón, impulsados desde a Mancomunidade de Concellos da Mariña Lucense, unha iniciativa que, un ano máis, está acadando un alto grao de participación e pon de manifesto o interese por coñecer o territorio e desfrutar actividades de lecer singulares.
O VICEDO-Sábado 11 de outubro
Cabanas que chegan a ser Teatros con Noela Feal
Na actual parroquia vicedense de Santa María de...
A Asociación Cultural e Xuvenil O Castelo, de Alfoz, organiza un percorrido pola Ruta das Penas para o día 12 de outubro, domingo. A distancia é de 7,5 quilómetros e a dificultade é moderada.
As prazas son limitadas e o prazo para inscribirse remata o 9 de outubro.
“O domingo 12 de outubro organizamos a Ruta das Penas. Sairemos da Casa do concello de Alfoz ás 9:00 horas. Recomendamos levar roupa cómoda, botas de montaña ou calzado impermeábel e chuvasqueiro para que, toque o tempo que toque, disfrutemos dun gran día e rematar cun pequeno aperitivo”, anuncia a Asociación Cultural e Xuvenil o Castelo.
A asociación cultural O Picato, de Trabada, organiza unha excursión ás Rías Baixas para o día 10 de outubro, venres. O prazo para anotarse remata o 7 de outubro.
“Sairemos ás 7 da mañá da Praza do Concello de Trabada en dirección Combarro, facendo un alto polo camiño para almorzar. Logo aproveitaremos a maña para coñecer un pouco este lugar ata a hora da comida. Despois da comida no catamarán visitaremos O Grove e A Toxa”, anuncia a asociación cultural O Picato.
De compras polo comercio da Mariña Lucense é a campaña que terá lugar do 20 de outubro ao 30 de novembro, organizada pola Federación de Comercio A Mariña (FCAM). No acto de presentación, que tivo lugar no Cenima de Foz, participaron a presidenta e o tesoureiro da entidade, Carmen Cruzado e José Carlos Paleo.
Desde a FCAM explican que “o obxectivo desta campaña é unha forte aposta polas compras no pequeno comercio, nese que temos a carón das nosas casas. E imos facelo traendo á Mariña a persoas destacadas pola súa profesión no ámbito do xornalismo, a música, a escritura ou o cine, coas que faremos un percorrido polas rúas comerciais de Viveiro, Burela, Foz ou Ribadeo. Queremos que elas e eles sexan un reclamo comercial e por iso van vir pasar unha fin de semana entre nós”.
Carmen Cruzado indica: “imos...
leer más
A asociación Os Sendeiros, de Foz, fará o 11 de outubro, sábado, unha ruta pola costa do municipio de Xove, desde Faro Roncadoira ata Morás. A saída desde Foz será ás 08:30 horas e ás 08:45 horas desde Ferreira do Valadouro.
Os prezos desta actividade, incluído o xantar, son: 35 euros para socios federados, 40 euros para socios non federados e 45 euros para socios temporais.
O prazo para anotarse remata o 5 de outubro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.
O Concello de Barreiros organiza un ano máis o Mercadiño no Outono, unha cita tradicional que terá lugar o domingo 12 de outubro na Praza do Concello. A iniciativa conta coa colaboración da Vicepresidencia da Deputación de Lugo.
Degustacións, obradoiros, actividades para as crianzas, música en vivo e máis actividades acompañarán a máis de 30 postos de alimentación e artesanía dende as 11 ata as 20 horas.
Como novidade desta edición realizarase un obradoiro de cestería en colaboración co Centro de Artesanía da Deputación Provincial ao cal será necesario inscribirse previamente no rexistro do Concello de Barreiros ata completar as prazas e no cal terá prioridade as persoas censadas no Concello de Barreiros.
O Mercadiño comezará ás 11 horas coa actuación do grupo de gaitas da A.F O Arco da...
leer más
Acisa Ribadeo celebrará a súa XI Gala Anual o vindeiro 19 de outubro. A cita servirá para conmemorar o seu 36 aniversario e para entregar varios galardóns: ao relevo xeracional, ao negocio emblemático, ao compromiso coa vida empresarial, a toda unha carreira e ao ribadense do ano.
A presidenta de Acisa, Carmen Cruzado, explicou que “na asemblea extraordinaria, que tivemos onte anunciamos a celebración da Gala Anual de Acisa Ribadeo. Consideramos importante esta cita, consolidada xa, como un punto de encontro entre o empresariado ribadense. Polo tanto, podemos xa anunciar oficialmente a celebración da XI Gala de Acisa Ribadeo – 36º Aniversario, que será o 19 de outubro. Deste xeito pretendemos reafirmar o noso compromiso coas nosas asociadas e asociados, os lazos empresariais, así como o intercambio de opinións, experiencias... por elo...
leer más
A parroquia de Negradas, no municipio do Vicedo, celebra as festas na honra a San Miguel este sábado, día 4 de outubro.
As actividades comezarán ás 13:00 horas con misa cantada seguida de procesión amenizada por Gaiteiros do Ortegal e sesión vermú co grupo Pasión, que tamén actuará na verbena xunto á orquestra Galilea e o Dj JB.
A comisión organizadora destaca que haberá amplo aparcamento gratuíto e pista de baile cuberta.
A parroquia de Valboa, no municipio de Trabada, celebrará as festas de Nosa Señora do Rosario este sábado, día 4 de outubro.
As actividades comezarán ás 13:00 horas con misa solemne cantada pola Coral de Riotorto; e despois haberá procesión e sesión vermú co dúo Ángel América e degustación de xamón cun cortador profesional. E desde as 23:00 horas terá lugar a verbena con Ángel América e o grupo Elebe 2.0.
A parroquia de Landrove, no municipio de Viveiro, celebrará a décimo primeira edición da Festa Labrega os días 3 e 4 de outubro, venres e sábado.
As actividades comezarán o venres ás 21:00 horas co prendido da chama olímpica e a actuación de Amigos do Folk. E repartirán boliños preñados gratis a partir das 21:30 horas.
E o sábado ás 13:00 horas haberá sesión vermú co dúo D'Caché, ás 16:00 horas comezarán as VIII Olimpíadas Rurais; ás 20:30 horas actuarán os grupos Espera que vou mexar e Hortensio; ás 21:00 horas empezará a Cea Labrega, e desde as 23:00 horas actuará o dúo D'Caché.
A organización anuncia que entregarán premios aos grupos e ao mellor traxe labrego e que no campo da festa haberá unha gran carpa.