Eventos
A parroquia de Galdo, no municipio de Viveiro, celebrará as festas na honra a San Miguel desde o venres 26 ata o domingo 28 de setembro.
As actividades comezarán o venres ás 21:30 horas con degustación gratuíta de carne de porco á brasa, verbena amenizada pola orquestra Fuego e sorteo dunha macrocesta.
O sábado ás 10:00 horas empezará a Ruta Cabalar de Viveiro organizada por Cabaleiros do Landro. Ás 13:30 horas celebrarase misa solemne e despois haberá procesión e sesión vermú co grupo Elebe 2.0. Desde as 15:30 horas terá lugar un xantar popular no campo da festa, con aforo limitado (reservas ata o dia 23 de setembro). A continuación haberá baile de tarde co dúo Stylo e pola noite na verbena actuará o grupo Elebe 2.0 e a orquestra Los Satélites.
E para o domingo está programada unha...
leer más
A Asociación Xuvenil Xoldra, de Mondoñedo organiza este sábado, 20 de setembro, coa colaboración de Vicepresidencia da Deputación de Lugo, As Vesperas, unha xornada festiva con música, sorteos e unha degustación de produtos de porco celta, que servirá de aperitivo ao Festival Breason, que celebrarán o 7 e o 8 de novembro.
O deputado provincial de Rural, Daniel García, acompañado por integrantes da asociación presentaron esta xornada, que se desenvolverá a partir das 20.00 horas na Praza do Concello. O responsable provincial loubou o traballo de Xoldra, que “ademais de ampliar a axenda musical do outono cun festival que xa está nos calendarios de mocidade de toda Galiza, converteron a organización do Breason nunha oportunidade de encontro e de dinamismo a nivel local ao longo do ano con iniciativas coma esta".
... leer más
O Centro de Información á Muller (CIM) de Ribadeo organiza para o vindeiro 26 de outubro unha saída ao balneario Aquaxana Las Caldas, en Oviedo. Trátase dunha actividade dirixida a mulleres cun total de 50 prazas dispoñibles.
A saída será ás 9:00 horas desde a Escola de Música de Ribadeo, e o regreso está previsto arredor das 18:00 horas. Durante a xornada as participantes gozarán das instalacións termais do complexo. O prezo é de 36,10 euros por persoa, correspondente á cota de utilización do balneario. O Concello de Ribadeo asume o custe do autobús. Ademais as mulleres disporán de tempo libre en Oviedo para comer e desfrutar da cidade, sendo a comida por conta de cada participante.
As inscricións estarán abertas do 22 de setembro ao 15 de outubro no CIM (Auditorio Hernán Naval, Rúa Buenos Aires, 14) e a través...
leer más
O Concello de Alfoz anuncia: “o sábado 11 de outubro celebramos unha nova edición deste encontro especial para as nosas persoas maiores de 65 anos e pensionistas do concello, que poderán ir acompañadas dos seus cónxuxes”.
A xornada comezará cunha misa en San Pedro de Mor e continuará cunha comida de confraternidade no Pavillón Municipal, “con actividades para desfrutar en boa compañía. Porque compartir é a mellor maneira de celebrar!”
As inscricións están abertas ata o 3 de outubro na Oficina de Servizos Sociais do Concello de Alfoz.
O Teatro das Cortes, que está no lugar de Xestoso, en Cabanas (O Vicedo) organiza unha xornada dedicada a Alfonso Daniel Rodríguez Castelao para este sábado, día 20 de setembro, a partir das 18:00 horas. A entrada é de balde.
Ás 18:00 horas terá lugar a presentación e visita á exposición Sempre en Galiza 1944-2024, a cargo dos Quinquilláns. Despois haberá unha proxección audiovisual sobre Castelao. Para as 19:00 horas está programada unha representación de Cousas, de Castelao, a cargo de Os Quinquilláns Teatro. E ás 20:30 horas rematará a xornada cun concerto do grupo Barahúnda.
A asociación Terras de Lourenzá organiza unha fin de semana de sendeirismo en Somiedo (Asturias) desde o venres 26 ata o domingo 28 de setembro.
A saída será o venres ás 18:00 horas desde o Cantón de Vilanova de Lourenzá e as inscricións deben facerse antes das 14:00 horas do luns 22 de setembro, chamando ao teléfono 647.06.70.54 (Javier). O prezo é de 145 euros para os socios do colectivo organizador e de 155 euros para os que non o son. O réxime de aloxamento é de media pensión e as prazas son limitadas (por orde de inscrición).
O Concello de Muras celebrará o vindeiro 28 de setembro unha nova edición da Feira do Poldro e do gando do monte, co apoio da área de Rural da Vicepresidencia da Deputación de Lugo.
O deputado de Rural Daniel García, o alcalde de Muras Manuel Requeijo, a tenente de alcalde Paula Gómez , acompañadas polo presidente da Asociación de Cabaleiros Atila Benigno Gómez e por Moisés García, vogal de Puraga, presentaron no Alto da Gañidoira o programa da feira, que cumpre trinta e sete edicións.
Arredor da feira, que abrirá ás 10.00 horas, desenvolveranse diferentes actividades de posta en valor da tradición gandeira e de promoción da carne de poldro. Entre elas, o concurso de gando da feira, un certame morfolóxico de Puraga, carreiras de andadura e unha degustación de hamburguesas de carne de poldro de Pura Raza Galega...
leer más
A parroquia de Vilaoudriz, no municipio da Pontenova, celebrará as festas na honra á Virxe das Dores desde este venres, 19 de setembro, ata o domingo 21.
As actividades comezarán o venres ás 22 horas cunha cea no campo da festa. E despois haberá verbena co DJ Pedro Bermúdez.
O sábado ás 13 horas celebrarase misa na igrexa parroquial e a continuación haberá sesión vermú grupo Fénix, que tamén actuará na verbena xunto ao DJ Pedro Bermúdez.
E o domingo terá lugar unha sesión vermú co dúo Colimbo.
O campo da festa estará cuberto con carpa.
Burela celebra a Semana Europea da Mobilidade cun amplo programa de actividades ata o 22 de setembro
O Concello de Burela comezou este martes á Semana Europea da Mobilidade, que se desenvolverá ata o 22 de setembro baixo o lema Combina e móvete!. Durante estes días a veciñanza poderá participar en talleres de educación viaria, charlas sobre seguridade, accións deportivas, obradoiros de saúde, música, xogos, iniciativas para fomentar o uso da bicicleta eléctrica e cursos de condución eficiente, ademais de propostas específicas arredor da mobilidade accesible.
Un dos puntos centrais será o stand informativo do Plan de Mobilidade Urbana Sostible (PMUS), que estará situado na Praza do Concello o mércores 17, o xoves 18 e o luns 22 en horario de mañá. Neste espazo explicarase á cidadanía o contido do plan, resolveranse dúbidas e recolleranse achegas. A alcaldesa de Burela, Carmela López, sinalou que “este plan naceu dun proceso...
leer más