Eventos
Riotorto acolle o 20 de abril a XVI Feira da Artesanía do Ferro, organizada polo Concello e a Asociación para a Promoción Social dos Ferreiros do municipio co apoio da Xunta.
O delegado territorial de Lugo, Javier Arias, participou hoxe na presentación desta nova edición xunto co alcalde, Clemente Iglesias, e representantes da agrupación de ferreiros de Riotorto, artífices do evento. A Xunta colabora a través de Artesanía de Galicia.
A feira contará coa presenza de ferreiros de Riotorto, A Fonsagrada, O Corgo, Santiago de Compostela, Culleredo, Navarra e Austria, que realizarán demostracións en vivo ante os asistentes. A artesanía do ferro será a protagonista da xornada, na que tamén haberá exhibicións doutros oficios como alfarería, cestería ou torneado.
A cita inclúe actividades...
leer más
O 24 de maio terá lugar a oitava edición dos Cantos de Taberna, que organiza o Concello de Ribadeo. Os grupos interesados en participar poderán inscribirse ata 16 de maio.
A concelleira de Turismo, Marta Saiz, contou que “a inscrición nos Cantos de Taberna, que xa está aberta, é gratuíta e realizarase a través de turismo@ribadeo.gal ou chamando ao seguinte número de teléfono 982 128 689. Os participantes deberán achegar a ficha de solicitude dispoñible na sede electrónica da páxina web do Concello http://www.ribadeo.gal// En canto os establecementos que desexen adherirse ao evento deberán poñerse en contacto tamén coa oficina de turismo de Ribadeo a través do correo electrónico turismo@ribadeo.gal ou o teléfono 982 128...
leer más
O Concello de Burela organiza o Día da 3ª Xuventude para o 1 de maio, xoves, no Pavillón dos Institutos. As inscricións para participar estarán abertas do 10 ao 24 de abril na Casa do Concello.
“Este ano, celebramos esta gran xornada de festa e encontro para os nosos maiores no Pavillón dos Institutos a partir das 13 horas, cun vermú de benvida antes da comida. Inscricións abertas ata o 24 de abril. Requisitos para participar: estar empadroado no concello, ter 65 anos ou 60 anos (se es pensionista da Seguridade Social) ou ser xubilado do mar. Podes vir acompañado do teu cónxuxe. Non deixes pasar esta oportunidade de compartir un día de boa compañía e diversión!”,anuncia o Concello de Burela.
A deputada de Réxime Interior, Promoción do Territorio e Turismo, Pilar García Porto, recibiu este martes no Salón de Actos do Pazo de San Marcos á Asociación Cultural Airiños do Miño, de Meira, no marco do programa Coñece a túa provincia, a iniciativa de viaxes gratuítas posta en marcha pola institución provincial co obxectivo de dinamizar o turismo e a economía local. Esta semana participarán neste programa máis de 160 veciños e veciñas de Meira, Cospeito, Vilalba, Castro de Rei, O Corgo, Becerreá e a Pastoriza.
O mércores a Asociación Veciñal, Recreativa e Cultural de San Martiño de Pino (Cospeito) partirán a ruta desde a produtora do Servizo de Audiovisuais da Deputación para despois coñecer, na Ribeira Sacra, o miradoiro sobre o Canón do Sil, realizar o percorrido en catamarán e visitar unha igrexa románica. Nesta mesma xornada, os...
leer más
A Casa do Concello de Burela acollerá este xoves, día 10 de abril, ás 16:00 horas unha sesión temática sobre a Rede de Turismo Pesqueiro de España, un evento dirixido a todos os actores do sector pesqueiro, náutico, hostaleiro e turístico. A sesión terá como obxectivo dar a coñecer as actividades, obxectivos e funcionamento desta rede, que busca promover e valorar o patrimonio cultural e pesqueiro das zonas costeiras do país.
A xornada dará comezo coa apertura institucional, a cargo de Carmela López Moreno, presidenta da Fundación Expomar; e José Manuel González López, xerente da Fundación Expomar. A continuación, o concelleiro de Mar e Turismo de Burela, Ramiro Fernández Rey, presentará a Rede de Turismo Pesqueiro, detallando os beneficios de adherirse á mesma e explicando o funcionamento das actividades que levan a cabo para fomentar o...
leer más
A Asociación Deportiva de Sendeirismo Pasada das Cabras, de Burela, fará unha ruta de Loiba a Espasante, en Ortigueira, o sábado 12 de abril. O prezo é de 30 euros para os socios do colectivo organizador e de 40 euros para os que non o son. Inclúe autobús, comida e seguro. A saída será ás 08:30 horas desde a estación de autobuses de Burela.
É unha ruta de dificultade baixa, con 11 quilómetros de percorrido. A organización recomenda levar bastón e calzado apropiado.
As persoas que queiran participar deben anotarse antes do xoves 10 de abril.
O Iberia Club de Fútbol celebrará unha comida baile o día 17 de abril, Xoves Santo, nos Colexios Vellos de San Miguel de Reinante, no municipio de Barreiros. A sesión vermú comezará ás 13:00 horas e o xantar será desde as 14:30.
“Xa está aquí un dos eventos máis agardados para a familia branquiazul: a nosa Comida-Baile! Con sesión vermú, moita música, gran xornada cun gran ambiente na mellor das compañías, a vosa! Xantar servido por catering Sarredo e bar a beneficio do clube. Música a cargo do Dúo Belinda e do noso DJ residente, DJ Darío. Xoves 17 , Xoves Santo, nos colexios vellos de San Miguel, sesión vermú a partir das 13.00 horas e xantar das 14.30. Tarxetas á venda nos bares de San Miguel ou a través de calquera integrante da xunta directiva”, anuncia o Iberia CF.
A novena edición da Ruta Ecuestre da Pontenova, organizada pola asociación Equus Norte, celebrarase o día 12 de abril, sábado.
As actividades comezarán ás 10:00 horas cun café no Lar de Balbina e ás 10:30 horas sairá a ruta dende a área recreativa do Pozo da Ola. Ao rematar haberá unha comida con música a cargo de DJ Bombardero
Para participar poden facerse as inscricións a través dos teléfonos 662.062.625 (Pepín) ou 633.913.203 (Noelia)
A organización explica que “aqueles que queiran asistir só á comida poderán adquirir os tickets no Hotel Restaurante San Briz. Os participantes na ruta ecuestre deberán inscribirse antes do día 10 de abril para obter o ticket da comida”.
Desde o CCH explican que “un ano máis seguimos ampliando a oferta de actividades da Semana Santa de Viveiro. Este ano o Juepeo do xoves 10 de Abril será Tapeo de Cuaresma, unha iniciativa posta en marcha en colaboración coa Xunta de Cofradías da Semana Santa de Viveiro, e na que por suposto, ao ser un tapeo de Cuaresma ningunha tapa leva carne”.
E seguen a relatar: “este ano volveremos realizar as visitas guiadas polo Casco Histórico de Viveiro da man do historiador Xesús Martínez, tamén en colaboración ca Xunta de Cofradías de Viveiro. Esta é xa a quinceava edición, nada mais nin nada menos que 15 anos organizando estas visitas guiadas nunha das semanas mais importantes do ano na vila, (só se cancelaron no ano 2020 por mor da pandemia). Cabe resaltar o éxito obtido nas pasadas edicións, dende o 2010 que foi o primeiro ano que puxeron en...
leer más
O Salón dos Alcaldes acolleu a presentación da Semana Santa de Ribadeo. A programación desenvolverase do 11 ao 20 de abril.
O alcalde, Dani Vega, sinalou que “a Semana de Santa de Ribadeo é moi de fe, moi espiritual e moi nosa”. Agradeceu “todo o traballo que se fai desde a parroquia” , tivo palabras de recoñecemento para a labor realizada por Salvador Fernández e subliñou que “esta é a primeira vez que a Semana Santa de Ribadeo se presenta no Concello”.
O párroco de Ribadeo, Gonzalo Varela, aludiu “ao trasfondo franciscano das Semanas Santas” e lembrou que “Ribadeo é unha vila esencialmente franciscana”. O pregón terá lugar o 12 de abril e será pronunciado polo profesor ribadense xubilado Roberto Rodríguez. O Bispo de Mondoñedo-Ferrol, Fernando García Cadiñanos, presidirá o Vía Crucis o Luns Santo.
O...
leer más