Eventos
A Asociación de Veciños San Pedro da Ribeira, de Saldoira (A Pontenova), organiza unha comida veciñal de cocido para o día 7 de marzo, sábado, ás 14:00 horas.
Os prezos son de 25 euros para as persoas asociadas ao colectivo organizador, 30 euros para as que non pertencen á asociación e 12 euros para os nenos e nenas de 3 a 9 anos de idade.
Para participar neste evento hai que anotarse previamente e o prazo está aberto ata o mércores 4 de marzo.
O cartel e o programa cultural ADRAL, da Semana Santa de Viveiro, foron presentados este sábado, 28 de febreiro, na Casa do Concello viveirense.
No acto a presidenta da Deputación de Lugo, Carmela López, puxo en valor esta festividade relixiosa, declarada de Interese Turístico Internacional e á que a institución provincial achega este ano 30.000 euros.
Carmela López destacou o impacto real que xera esta cita en toda A Mariña e que “é o exemplo de como a cooperación territorial multiplica resultados”. Enmarcou nesa repercusión nos aloxamentos, restauración, comercio ou transporte o compromiso da Deputación, subliñando que “defender a Semana Santa de Viveiro é defender patrimonio, identidade e tamén oportunidades para a comarca”.
Ademais puxo en valor durante a súa intervención o papel das...
leer más
A asociación veciñal A Magdalena, da parroquia de Xudán (A Pontenova), organiza unha comida de cocido paro día 7 de marzo, sábado, ás 15:00 horas. Haberá música a cargo de DJ Bombardero.
Para participar neste evento hai que anotarse previamente e prazo está aberto ata o martes 3 de marzo.
A Fundación Expomar, de Burela, está a promover o proxecto titulado Sostibilidade da actividade pesqueira e consumo responsable. Congreso da infancia e da adolescencia, que se desenvolve ao longo dos anos 2025-2026 e está financiado no marco do Fondo Europeo Marítimo, de Pesca e de Acuicultura 2021-2027 e do GALP A Mariña-Ortegal. Popularmente coñecido como Xeración Peixe, o proxecto abrangue diversas actividades nas que colaboran diferentes sectores de actividade e públicos de distintas xeracións: desde centros de ensino ata centros de maiores e de inclusión social.
“Ao longo do mes de marzo en diferentes datas realizaranse actividades de limpeza de praias co alumnado dos centros de educación primaria e secundaria de Burela e a colaboración do centro de educación ambiental Gaia. Os restos de lixo recollido empregaranse...
leer más
O Club Deportivo Alfoz organiza un xantar popular de cocido para o sábado 7 de marzo. Será no pavillón municipal de Alfoz, a comida comezarán ás 15:00 horas, pero xa haberá sesión vermú desde as 13:30 horas.
As actuacións musicais correrán a cargo de Breobeats e do dúo Principal. Ademais haberá sorteos de produtos de colaboradores e de merchandising do club.
Para participar neste evento hai que inscribirse previamente e o prazo remata o luns 2 de marzo.
A Asociación Cultural e Recreativa Fervenza de Sargadelos (Cervo) organiza actividades para celebrar o Día de Rosalía este domingo, día 1 de marzo, desde as 12:00 horas.
Será en A Sacabeira Café Bar Cultural e comezará o programa cunha degustación do Caldo de Gloria. Ás 18:00 horas haberá unha palestra titulada Un caldo de gloria: Inxustiza e loita na Galiza rural contemporánea, a cargo de Alba Díaz Geada. E a continuación farase unha lectura colaborativa do Manifesto da Asociación de Escritoras e Escritores en Lingua Galega (AELG).
O Folgueiro, no municipio de O Vicedo, celebrará unha festa de Antroido este sábado, día 28 de febreiro, desde as 20:30 horas.
Este evento está organizado polo club de fútbol UD Folgueiro, que anuncia: “este sábado 28 de febrero celebramos o Antroido no Folgueiro por todo o alto. A partir das 20:30 horas haberá degustación de xamón cocido, chourizos e produtos típicos do Antroido (gratis ata fin de existencias). E despois, baile ata que o corpo aguante cos dúos D’Vicio e Venus. Haberá premios para os mellores disfraces: grupos, 150 puntos; parellas, 100 puntos; e individual, 50 puntos”.
Este sábado, día 28 de febreiro, o ensaísta, crítico literario e investigador Luís Alonso Girgado recibirá a distinción de Cunqueiriano de Honra de 2026. Será no Salón de Plenos do Concello de Mondoñedo ás 12:00 horas, onde estará acompañado por diversas autoridades, os membros da comisión que o distinguiu e representantes asociativos e educativos da cidade. Converterase, así, no décimo homenaxeado dende que se instituíu este galardón.
Con anterioridade, a partir das 11:00 horas, no Cemiterio Vello da cidade terá lugar a tradicional ofrenda floral diante a campa do insigne escritor, que estará presidida como anfitrión polo alcalde de Mondoñedo, Manuel Otero Legide, e á que asistirán tamén autoridades provinciais, autonómicas e doutros concellos.
O Concello de Mondoñedo e a Casa Museo Álvaro Cunqueiro promoven a...
leer más
A XXXIII edición da Festa do Ourizo terá lugar o sábado 7 de marzo, en San Ciprián.
O Concello de Cervo anuncia que “para ese día están programadas diferentes actividades nas que o equinoderno será o eixo central, como homenaxe á tradición gastronómica local e á estreita relación da vila co mar. A cita foi presentada pola alcaldesa, Dolores García Caramés; o concelleiro Adrián Arias, a edil Mali Méndez, e por representantes da hostalería local e da asociación Mistura, que participan neste evento declarado de Interese Turístico Galego. O programa arrincará ás doce do mediodía cun showcooking que poderá ser seguido en directo polo público asistente, que a continuación degustará as tapas elaboradas polos chefs participantes. Ademais a asociación Mistura tamén ofrecerá desde o mediodía unha degustación de ourizo cocido na mesma carpa...
leer más
O Concello de Cervo anuncia que o dúo Eclipse porá a música para unha tarde noite “chea de ritmo, baile e bo ambiente” no novo Guateque de Arruguiñas. Será este sábado, día 28 de febreiro, desde as 19:30 horas na Casa do Mar, de San Ciprián.
Ademais haberá bingo e chocolate, da man do alumnado de II Bach en colaboración coa Oficina de Voluntariado Xuvenil.
Esta actividade está organizada polo Concello de Cervo coa colaboración tamén da Asociación de Xubilados Terramar.