Xeración Peixe

A Fundación Expomar presenta o proxecto Xeración Peixe, que “inclúe diferentes actividades interxeracionais e intersectoriais” e que culminará no ano 2026 coa celebración dun Congreso da infancia e da adolescencia.

A Fundación Expomar presentou este xoves en Burela o proxecto titulado Sostibilidade da actividade pesqueira e consumo responsable. Congreso da infancia e da adolescencia, que está financiado no marco do Fondo Europeo Marítimo, de Pesca e de Acuicultura 2021-2027 e do GALP A Mariña-Ortegal.

A este acto, no que interveu a presidenta da Fundación Expomar e alcaldesa de Burela, Carmela López; o concelleiro de Mar de Burela, Ramiro Fernández, e o xerente da Fundación Expomar, José M. González ‘Brais’; asistiron representantes das entidades que forman o Padroado da Fundación...