Maio

Etiquetas:
20/04/2024

O Teatro Pastor Díaz, de Viveiro, acollerá a representación do novo espectáculo do Mago Rafa, Sentir, o vindeiro 11 de maio ás 20:30 horas. 

As entradas xa se poden adquirir por 10 euros a través do correo electrónico entradas@magorafa.com e pódense recoller na billeteira do propio teatro o día da representación a partir das 17:30, onde tamén se poderán mercar. 

O espectáculo foi presentado polo tenente de alcalde, Jesús Fernández, e polo propio Mago Rafa, quen destacou que traerá Sentir a Viveiro porque ten “o teatro máis bonito de toda Galicia”. 

Sentir está pensado para un público familiar e para representarse neste momento “no que priman a tecnoloxía e a intelixencia artificial”, buscando facer reflexionar sobre a importancia de “non...

leer más
Etiquetas:
19/04/2024

En Ribadeo celebraranse en maio diversos obradoiros e formacións dos Programas de Promoción da Participación Social, que organizan a Fundación Impulsarse, o Concello e a Xunta. 

Baixo a denominación de Maiores, vida compartida serán impartidos obradoiros de teatro, risoterapia, musicoterapia e tamén habilidades cognitivas. 

Somos migracións é o título das formacións en competencias oral en galego e en castelán, que tamén se ofrecerán durante o mes de maio. Ao igual que as formacións Rus-Tics en trámites e xestións persoais por internet e e-administración e curso básico de internet e aplicacións co móbil. 

As persoas interesadas en participar poden dirixirse á Concellería de Benestar Social, Saúde e Familia ata o vindeiro 2 de maio, como data límite, a través dos seguintes teléfonos: 698...

leer más
Etiquetas:
23/03/2023

O Concello ven de presentar as bases do concurso gastronómico Ribadeo de Tapeo, que chega á súa décimo sexta edición e que terá lugar do 13 ao 21 de maio. 

O concelleiro de Turismo e Desenvolvemento Local, Pablo Vizoso, dixo que “esta nova edición desexamos que reflicta a identidade gastronómica do noso pobo con fondas raíces tradicionais, mais sempre na vangarda e buscando a distinción e a diferenciación. E son precisamente dous factores claves para favorecer a continuidade no tempo dun dos concursos culinarios máis veteranos de Galicia. E un espazo no que os nosos hostaleiros se converterán en anfitrións e os nosos produtos en verdadeiros protagonistas”.

O edil ribadense explicou que “o concurso dará comezo o 13 de maio e prolongarase ata o 21 de maio.O prazo de inscrición para os establecementos remata o 14 de...

leer más
Etiquetas:
23/01/2023

Xa está listo o cartel do IV Xove Costa Trail 2023 que se celebrará os días 6 e 7 de maio. 

Desde a organización sinalan que “en breve presentaremos a páxina web, explicaremos o regulamento, e as bases de participación....e a principios de febreiro, abriremos inscricións en ChampionChipNorte”.

O evento está organizado por ACD Xove, que conta coa colaboración do Concello de Xove, Syca, Establecimientos Rey, Xunta de Galicia, Roq Deporte e Aventura, Asociación de Comerciantes de Xove e Komando Xoviético. 

 

Etiquetas:
21/04/2022

O Concello de Lourenzá organiza a Festa do Maio que se celebrará o día 1 do vindeiro mes, domingo. A programación do festexo inclúe o tradicional desfile polas rúas de Vilanova e dous concursos convocados pola Concellería de Cultura: un de decoración de vivendas e comercios e o outro de sombreiros.

No concurso de decoración participarán aquelas vivendas e comercios que decoren os seus balcóns, fiestras, portais e escaparates das rúas por onde tradicionalmente se fai o percorrido do desfile. Na decoración deben predominar os elementos naturais e facer referencia á conmemoración do Maio ou da primavera. Hai dous premios, que consistirán en trofeos deseñados e elaborados pola Fundación Eu Son.

No segundo certame poderán participar todas as persoas que asistan co seu sombreiro decorado ao desfile do 1 de maio. Pode...

leer más
Etiquetas:
03/05/2021

A Delegación de Cultura do Concello de Foz continúa coa súa primavera cultural e programa seis actividades para este mes de maio.

A concelleira de Cultura, Inés López Couto, anuncia que “en maio, o mes das letras galegas, o Concello de Foz achégase máis ás nosas letras e á música. E coa chegada do bo tempo os eventos culturais comezan a tomar as rúas focegas, para poder chegar a máis xente, respectando sempre as medidas sanitarias”. 

Inés López explica que “esta primeira semana de maio, contaremos cun documental de Carlos Lorenzo: Vértice de versos. Será este xoves, día 6, na Casa da Cultura ás 19.30 horas. Este documental fai un percorrido pola poesía contemporánea galega. Neste 17 de maio homenaxea a Xela Arias, referente tamén na nosa lírica. Contaremos coa presenza do director e de Emma Pedreira e Yolanda...

leer más
Etiquetas:
29/04/2021

O Concello celebra o tradicional Maio este sábado, día 1, cunha exposición na praza do Conde Santo.

A alcaldesa, Rocío López, anuncia que “este sábado Lourenzá celebra o tradicional Maio.

Este ano, por mor da pandemia, farase dun xeito un pouco diferente e non haberá o percorrido habitual polas rúas da vila. Como alternativa e en recordo a esta festividade doutros anos o Concello colocará na praza uns Maios estáticos e unha exposición fotográfica en lembranza a edicións pasadas. Esta mostra instalarase mañá, venres, e poderá verse ata o luns”.

 

Etiquetas:
13/04/2021

O Concello ribadense colabora na organización do I Half Triatlón Ribadeo que se celebrará o día 15 de maio. A proba é puntuable para o Ranking Nacional de Triatlón de Media e Larga Distancia e contará coa participación de máis de 500 atletas. A saída terá lugar ás nove da mañá da praia dos Bloques. As inscricións pódense realizar en www.halftriatlonribadeo.com. 

O concelleiro de Deportes, Jorge Díaz, subliñou que “por primeira vez se vai facer un triatlón aquí organizado pola Federación Española e a Federación Galega. Estamos contentos porque é unha iniciativa que levamos varios anos traballando nela, entre a organización máis o Concello. Supón nestes momentos, tan diferentes e extraordinarios, un traballo enorme. Será o 15 de maio, que é unha data que esperemos que todos poidamos estar...

leer más
Etiquetas:
04/03/2021

Barreiros acollerá no primeiro fin de semana de maio a terceira edición do Campus TrinatExperience, que incluirá un acuatlón, rutas en bicicleta e a actividade estrela denominada Triatlón de Barreiros.

O Campus, organizado polo Club Trinat e apoiado desde o Concello de Barreiros incluirá ademais outras actividades complementarias que se presentan como unha oportunidade para a promoción da zona, como a práctica de surf, sendeirismo ou actividades que poderán estar abertas á poboación en xeral. 

Na presentación do evento -na que participaron a alcaldesa, Ana Ermida; o concelleiro de Dinamización, Dani García; a técnica deportiva, Lara Martínez e o coordinador do Campus, Raúl Pérez- destacouse o carácter diferenciador desta actividade, xa que se presenta “como unha oportunidade para calquera persoa de adentrarse na...

leer más
Etiquetas:
29/04/2019

Vilanova de Lourenzá acollerá este mércores, día 1, o desfile do Maio e un espectáculo de clown e circo, que terá lugar no Cantón.

Ás 16:30 horas saíra o Maio do mercado comarcal para percorrer as rúas de Vilanova, acompañados polo grupo de música da asociación Osorio Gutiérrez. A continuación no Cantón haberá desfile d@s participantes no concurso de sombreiros, entrega de premios do concurso de postais para as nais, organizado pola ACIAL, e entrega de premios dos concursos de decoración de vivendas e comercios e de sombreiros do Maio.

As actividades rematarán cun espectáculo de clown e circo titulado MeRe-cidamente, da compañía Moc Moc.

En caso de choiva as actividades do Cantón trasladaranse ao mercado comarcal gandeiro.