Adultos
O Concello de Barreiros abriu este mércores, 18 de setembro, o prazo para matricularse nas actividades deportivas ofertadas desde as Escolas Deportivas Municipais (EDM) de persoas adultas (maiores de 16 anos) para a tempada 2024-2025. O período de inscrición estará aberto ata o 25 de setembro e as actividades comezarán o 30 deste mes.
Haberá estas actividades: espalda saudable, ximnasia de mantemento, ioga suave e intenso, zumba, pilates e baile.
As prazas son limitadas e cubriranse por rigorosa orde de inscrición no rexistro municipal do Concello de Barreiros. No caso de que o número de inscricións supere ao de prazas dispoñibles, terán preferencia as persoas empadroadas en Barreiros.
Este sábado, 16 de marzo, ás 20:30 horas Talía Teatro representará en Viveiro “Unha inimiga do pobo”. Será no Pastor Díaz.
O elenco artístico está formado por Marta Lado, Toño Casais, Dani Trillo, Rubén Prieto, Marta Ríos, María Ordóñez, Diego Rey, Artur Trillo E Xurxo Barcala
Helena é unha doutora de prestixio internacional que regresa á vila natal para comezar unha nova etapa xunto ao seu compañeiro. Embarazada de cinco meses, afronta o seu novo estado coa ilusión por un novo proxecto profesional co balneario que ela mesma deseñou e que se presenta como un alternativa turística sostible e saudable.
A inesperada contaminación das augas da zona e a súa loita por preservar a saúde da poboación fronte aos intereses económicos van colocala no punto de mira da veciñanza que ve como se pon en...
leer más
Tarabela Teatro chega o sábado, 9 de marzo, a Viveiro con “Boa sorte, mala fama”. Será no Teatro Pastor Díaz ás 20:30 horas. O elenco artístico está formado por Carmen Conde (narración oral), Mariña Pena (elenco) e Nastasia Zürcher (música ao vivo)
Sempre se soubo, claro está, que as anduriñas son aves de bo agoiro, que alí onde aniñan traen fortuna, que anuncian a primavera e que os mariñeiros as tatuaban na pel por cada travesía da que lograban retornar. Pouco se fala, en cambio, do molestas que se lle fan a moita xente co seu canto agudo e de que enchen todo de excrementos. Por iso estas aves dan boa sorte, pero teñen mala fama. Ningún outro animal se parece tanto aos emigrantes galegos: estamos en cada continente, vivimos facendo colonias, temos na cabeza o camiño de volta a casa e marchamos por necesidade. E, igual que as anduriñas, gañamos mala fama,...
leer más
A aula Cemit do Vicedo organiza cursos gratuítos para adultos sobre iniciación a internet, o uso do móbil, mecanografía, procesador de texto e folla de cálculo. Hai varios horarios dispoñibles de luns a venres entre as 16:00 e as 20:00 horas.
As persoas interesadas poden obter máis información sobre esta actividade na aula Cemit ou chamando ao teléfono 982.59.01.95.
O Concello do Valadouro organiza actividades para persoas adultas, que empezarán o día 9 deste mes, luns, e desenvolveranse ata o 7 de xuño de 2024. O prazo de inscrición para participar está aberto. As solicitudes realizaranse nas Oficinas Municipais en horario de atención ao público -de 09:00 a 14:30 horas- ou na Casa da Cultura do Concello de o Valadouro, de 09:00 a 20:30 horas.
Haberá ximnasia de mantemento en Ferreira os luns e mércores de 10:00 a 11:00 horas e no Cadramón, os martes de 17:30 a 18:30 horas. Tamén se ofrece pilates, que será os martes de 20:30 a 21:30 horas; ioga, os luns de 20:45 a 21:45 horas; e un taller de memoria, que será os luns de 18:15 a 19:15 horas en Ferreira e os mércores de 18:30 a 19:30 horas no Cadramón. Haberá tamén unha actividade de envellecemento activo, os xoves de 17:00 a 18:00 horas. E organizan...
leer más
O programa de actividades ‘Xove ponte en forma’ empeza o 2 de outubro, luns. Inclúe ximnasia de mantemento, aerobic & full body, pilates e ximnasia na auga para maiores.
A ximnasia de mantemento será os luns de 11:30 a 12:15 horas e os venres de 10:30 a 11:15 horas.
A actividade de aerobic & full body desenvolverase os luns e mércores de 10:30 a 11:15 horas.
Haberá dous grupos de pilates: un será os martes e xoves de 10:30 a 11:15 horas e o outro realizará a actividade os mesmos días de 11:30 a 12:15 horas.
E a ximnasia na auga para maiores desenvolverase os mércores e venres de 11:30 a 12:15 horas.
A inscrición debe facerse na Oficina Municipal de Información Xuvenil (OMIX) de Xove e o prazo remata o 28 de setembro.
O Concello de Alfoz organiza desde outubro ata maio catro actividades deportivas para adultos: ximnasia de mantemento, aerobic, ioga e pilates.
A ximnasia de mantemento será os martes e os xoves de 18:30 a 19:30 horas no pavillón municipal.
O aerobic tamén se desenvolverá no pavillón municipal os martes e xoves, pero en horario de 19:30 a 20:30.
O ioga será os luns e os mércores de 19:30 a 20:30 horas na escola de nenos de Adelán.
E tamén na escola de nenos de Adelán terá lugar o pilates os mércores en horario de 20:30 a 21:30 horas.
As prazas son limitadas, por orde de entrada. Deben entregarse as solicitudes no Concello de Alfoz (Oficina de Rexistro ou Sede Electrónica) do 18 ao 25 de setembro.
Ás 20:30 horas deste sábado, 25 de febreiro, dará comezo a representación de “Búho”, a cargo de Titzina. Será no Teatro Pastor Díaz, de Viveiro.
Pablo, un antropólogo forense especializado en xacementos paleolíticos sofre un ictus que lle provoca unha amnesia severa. Asistimos a unha procura interior pola súa memoria para recuperar os seus recordos, en definitiva, a súa identidade.
Dende hoxe, 31 de outubro, está aberto o prazo para inscribirse nas seguintes actividades para persoas adultas:
Ximnasia de mantemento.
-Ferreira – Luns e mércores de 10:00 a 11:00
-O Cadramón – Martes de 18:45 a 19:45
Ioga – Mércores de 18:00 a 19:00
Taller de memoria – Martes e venres de 17:30 a 18:30
Uso de novas tecnoloxías e trámites nas administracións –
Xoves de 17:00 a 18:30
“O prazo de inicio está previsto para o próximo luns, 7 de novembro. Estando condicionado o desenvolvemento das citadas actividades á existencia dun mínimo de 8 participantes en cada unha delas e á dispoñibilidade de monitores”, explican desde o Concello de O Valadouro. As bases poden consultarse en valadouro.gal/servizossociais
O Concello de Alfoz abre o vindeiro luns, 19 de setembro, o prazo de inscrición para participar en actividades deportivas para adultos, concretamente nas modalidades de aerobic, ximnasia de mantemento e ioga. As solicitudes deben entregarse na Oficina de Rexistro do Concello ata o 26 de setembro. As prazas son limitadas e por rigorosa orde de entrada en rexistro. As actividades comezarán no mes de outubro e rematarán a finais de maio.
A ximnasia de mantemento será luns e mércores de 18:30 a 19:30 horas no pavillón municipal. O ioga desenvolverase na Escola de Nenos de Adelán e haberá dous grupos: un os martes e xoves e de 17:00 a 18:00 horas; e o outro os luns de 17:00 a 18:00 horas. E o aeróbic será no pavillón municipal os luns e mércores de 19:30 a 20:30 horas.
Os interesados en máis información poden chamar...
leer más