Desfile

Etiquetas:
25/02/2024

O Concello a través das súas redes sociais comunicou onte á noite á suspensión do desfile do Domingo de Piñata, debido ao mal tempo previsto para este domingo, día 25: “debido ás condicións meteorolóxicas previstas para a xornada de hoxe, dende o Concello e a Acial vémonos na obriga de aprazar o desfile de Domingo de Piñata. Nos vindeiros días publicaremos a nova data”. 

E engaden: “lamentamos ter que tomar esta decisión e pedimos desculpas polas molestias que se puideran ocasionar. Que o mal tempo non nos saque a ninguén a ilusión do Entroido. Vémonos en breve”. 

Etiquetas:
22/02/2024

O Desfile de Entroido de Lourenzá, que se celebrará o vindeiro domingo, 25 de febreiro, a partir das 16:30 horas, repartirá máis de 5.500 euros en premios. Na categoría infantil haberá premios para os mellores disfraces individuais, parellas e grupos. E na categoría de adultos: individual, parellas, grupos de 3 a 10 persoas, grupos de máis de 10 persoas e premio especial ao máis chistoso. Tamén haberá premios para as mellores carrozas, charangas e comparsas. 

Inicialmente a entrega de premios está previsto que se desenvolva na praza do Conde Santo. Actuará o Dúo Belinda. 

O Desfile do Domingo de Piñata está organizado polo Concello coa colaboración da Acial. 

 

Etiquetas:
14/02/2024

Este venres, 16 de febreiro, terá lugar en Barreiros o gran desfile de Entroido no que xa hai inscritos uns 400 participantes entre comparsas, grupos de adultos e infantís así coma parellas e disfraces individuais. 

O desfile dará comezo ás 21:00 horas na Praza do Concello onde terá lugar a primeira exhibición para continuar por Rúa Vila; sentido Ribadeo, Estrada da Praia; Teleclub, e finalizando a carón do centro sociocultural onde os participantes farán a segunda e última exhibición.

Posterior ao desfile haberá festa amenizada por DJ EVENTEC a carón do centro sociocultural onde público e participantes poderán atopar postos de comida; Burguer Costa, Bocatería Anxo e Kebab Nena, así como colchoneta para a cativada. Ás doce da noite daranse a coñecer ás e os gañadores entre os que se repartiran 1.000 € en premios...

leer más
11/02/2024

Debido á mala previsión do tempo para hoxe e por mor das deficiencias do pavillón polideportivo municipal, a organización decidiu suspender o desfile de Entroido deste domingo, día 11.

O martes, 13 de febreiro, trasládase, xunto coa festa infantil, á Praza de Santa María. Alí todos os nenos contarán con inchables e xogos... e os participantes no desfile, individuais, parellas e grupos así como comparsas e charangas poderán disfrutar da festa d DVicio ata que remate e se entreguen os premios.

E xa o 16 de febreiro a partir das 20:00 horas terá lugar o Enterro da Sardiña e  a  lectura de coplas e versos na Praza de Santa de María.

Etiquetas:
07/02/2024

O desfile de Entroido en Trabada, que organiza a asociación cultural O Picato, celebrarase o sábado 24 de febreiro desde as 18:00 horas e repartirá 5.000 euros en premios, que se entregarán a partir das 00:30 horas.

Haberá verbena nun recinto con carpa amenizada polo grupo Fénix e o DJ The Sound Project e sortearanse cestas.

 

Etiquetas:
06/02/2024

O Concello de Barreiros organiza actividades de Entroido para os días 11, 12, 14 e 16 de febreiro.

Este domingo, día 11, haberá festa infantil de disfraces con pintacaras, xogos e música. Será ás 17:00 horas no centro sociocultural con entrada libre.

Para o luns 12 e o mércores 14 están programadas actividades de Entroido para a cativada, de 10:00 a 13:00 horas no centro sociocultural. Para participar é Imprescindible inscrición previa no rexistro xeral do Concello de Barreiros.

O venres 16 celebrarase o desfile polas rúas de San Cosme con 1.000 euros en premios. Sairá ás 21:00 horas da Praza do Concello. Na rúa do centro de saúde haberá postos de comida e no exterior do centro sociocultural contaremos con DJ Eventec, que traerá moita festa para despois do desfile.
 
Colaboran...

leer más
Etiquetas:
03/02/2024

O Concello de Viveiro anuncia a programación do Entroido 2024, cunha oferta de actividades para todas as idades. A alcaldesa, María Loureiro, espera que tanto “os veciños e veciñas de Viveiro, como quen nos visita nestas datas, gocen dun programa de Entroido cheo de actividades, co que mantemos e enxalzamos esta festa popular, involucrando a toda a cidadanía”.

“Un ano máis agradecemos a todas as entidades locais, cuxa colaboración fai posible que celebremos un gran Entroido en Viveiro. Este ano o programa conta con opcións para todas as idades, que percorren ademais distintos puntos da nosa vila”, sinala a concelleira de Cultura, Lara Fernández Fernández-Noriega.

O programa comezará o xoves 8 de febreiro, co “Juepeo especial de Comadres”, mentres que o venres 9 celebrarase o entroido escolar, “A mañanciña”, polas...

leer más
Etiquetas:
30/01/2024

O Vicedo celebrará o Entroido o sábado 17 de febreiro con sesión vermú e verbena.

As actividades, organizadas pola comisión de festas de Santo Estevo, comezarán ás 13:30 horas con sesión vermú amenizada por Borja Dinastía. A partir das 16:30 horas haberá festa infantil con inchables e DJ e ás 21:30 horas terá lugar o desfile infantil con premios e cea merendola. 

A verbena empezará ás 22:30 horas e estará amenizada pola orquestra Unión y Fuerza e Discomovil Eventec. E ás doce e media da noite sortearase unha gran cesta e farase o desfile de adultos.

 

Etiquetas:
29/01/2024

O Concello de Viveiro, consonte o previsto na Lei 38/2003, de 17 de novembro, xeral de subvencións, na Lei 9/2007, de 13 de xuño, de subvencións de Galicia e, no que sexa de aplicación, os RD 887/2006, de 21 de xullo, e Decreto 11/2009, de 8 de xaneiro, e ao obxecto de incentivar a participación cidadá nos actos programados para o martes de Entroido, con motivo da celebración do desfile de Entroido, establece as normas reguladoras de participación, axudas económicas e premios que se outorgarán aos participantes que interveñan nos citados actos, de acordo coas seguintes

BASES

PRIMEIRA.- DEFINICIÓN DO OBXECTO Constitúese como obxecto das presentes bases a regulación do procedemento aplicable para o outorgamento dos premios do concurso de disfraces do desfile de Entroido organizado polo Concello de Viveiro.

... leer más
Etiquetas:
29/01/2024

O Concello de Mondoñedo organiza o desfile de Entroido para o 17 de febreiro, sábado, a partir das 17:30 euros. Repartiranse 5.000 euros en premios.

Todos os participantes poderán anotarse no correo entroidomindoniense@gmail.com ou no teléfono 982.50.71.77. O prazo máximo para inscribirse será ata as 12 horas do venres 16 de febreiro. Á hora de inscribirse facilitaranse os seguintes datos: nome e DNI completo da persoa representante, nome do disfrace e un teléfono de contacto. Os dorsais deberán ser recollidos entre as 16 e 17 horas do sábado no edificio municipal do Campo dos Paxariños (antiga oficina de Emprego). Ás 17 horas, os disfraces deberán estar preparados para atender ás indicacións da organización e proceder ao seu posicionamento no desfile, para que discorra coa máxima orde...

leer más