Este xoves, día 3 de setembro, ás 20:30 horas na Librería Bahía, de Foz, celebrarase un encontro literario entre a poeta Alba Cid e o tamén polifacético escritor Mario Obrero.
Alba Cid gañou o Premio Nacional de Poesía Joven con Atlas, “poemario que naceu sendo un clásico e que marcou un fito na poesía galega”, destaca Cielo Fernández.
Mario Obrero é un autor madrileño que “escribe en case todas as linguas do Estado. A súa obra máis recente, Con e de corcuspín, é “unha homenaxe a todas elas, como di no subtítulo; trátase dunha carta de amor ás linguas na que vai desgranando a súa historia, as relacións entre elas, as dificultades que moitas teñen para seguir vivindo e o amor que el e tanta outra xente lles profesa. Ademais desta obra, que se pode considerar un peculiar ensaio, é autor de varios poemarios”.
A organización desta actividade engade: “trátase, pois, dun encontro entre dúas persoas novas que están explorando e creando a literatura do presente e do próximo porvir, con un discurso e unha reflexión profunda sobre o que fan e cómo o fan que será interesantísimo escoitar conversar.
O encontro forma parte do programa Afinidades Electivas, que promove o Ministerio de Cultura e que cumpre este ano a súa sétima edición, en todas elas participou a Libraría Bahía, de Foz”.
Esta actividade está organizada polo club de lectura A carón dos libros.