Música
O día 7 de xuño segue o Domingueo en Ribadeo, que organizan o Concello e Acisa. Este vindeiro domingo o grupo coruñés The Groovy Shakers actuará no porto de Porcillán a partir das 13 horas para animar o mediodía nesa zona da vila.
O Domingueo en Ribadeo continuará tamén os días 14 de xuño e 5 de xullo.
Desde o Concello e desde Acisa animan “ás veciñas e aos veciños de toda a contorna a achegarse a Ribadeo a gozar de todas as propostas que van atopar os domingos ou calquera outra xornada. Coa chegada da primavera a programación de actividades na rúa increméntase, os días son grandes e toca aproveitalos ao máximo paseando, mercando, tomando algo nunha terraza e escoitando boa música nesta ocasión no porto ribadense”.
A Escola Municipal de Música e Danza (EMMeD) de Ribadeo continúa a levar a súa actividade pedagóxica e artística máis alá das aulas. Nesta ocasión a Big Band da EMMeD será a encargada de poñer a nota musical á Festa de Fin de Curso da Escola Oficial de Idiomas (EOI) ribadense, que terá lugar este mércores, día 3 de xuño.
A actuación, que dará comezo ás 19:00 horas nos xardíns da EOI, servirá para que o alumnado da formación amose o traballo desenvolvido durante os últimos meses. “Cun repertorio dinámico e pensado para todos os públicos, a Big Band buscará crear un ambiente festivo e de convivencia entre ambas institucións educativas nun marco inmellorable ao aire libre”, anuncia a EMMeD, que ademais salienta “a importancia destas colaboracións, que permiten aos alumnos e alumnas de música enfrontarse ao público en diferentes contextos e...
leer más
A Banda de Música O Landro, de Viveiro, presenta o ciclo de concertos titulado Matinais no Templete, que serán os domingos 31 de maio, 21 de xuño e 19 de xullo no Templete da música que hai nos Xardíns Noriega Varela.
O primeiro será este domingo, día 31 de maio, as 13:00 horas; o segundo está programado para o domingo 21 de xuño, tamén ás 13:00 horas; e o terceiro está previsto para o domingo 19 de xullo ás 13:30 horas, comezará ao rematar a procesión do Carme.
Neste ciclo colaboran a Concellería de Cultura do Concello de Viveiro e a Comisión de Festas do San Roque.
O 31 de maio segue o Domingueo en Ribadeo, que organizan o Concello e Acisa. Este vindeiro domingo o grupo ferrolán La Indirigible actuará na rúa Virxe do Camiño a partir das 13 horas para animar o mediodía nesa zona da vila.
O Domingueo en Ribadeo continuará tamén os días 7 e 14 de xuño por diferentes localizacións da vila. E rematará o 5 de xullo no Cantón co concerto aprazado hai unhas semanas por mor da chuvia.
Desde o Concello e desde Acisa animan “ás veciñas e aos veciños de toda a contorna a achegarse a Ribadeo a gozar de todas as propostas que van atopar os domingos ou calquera outra xornada. Coa chegada da primavera a programación de actividades na rúa increméntase, os días son grandes e toca aproveitalos ao máximo paseando, mercando, tomando algo nunha terraza e escoitando boa música”.
Burela acollerá concursos de karaoke os días 3 de 4 de cuña, actividade incluída no programa das festas patronais. Anúnciao o Concello: “no marco do programa das festas patronais de Burela gozaremos, un ano máis, dun karaoke con retransmisión en vivo a través da canle de youtube do Concello. O mércores 3 de xuño ás 20.30 horas terá lugar a quenda do karaoke infantil e xuvenil. O xoves 4 de xuño ás 20.30 horas comezará o karaoke sénior, cunha entrada con prezo simbólico de 2 euros”.
Será no auditorio da Casa da Cultura e o prazo de inscrición para participar estará aberto dende o luns 25 ata o venres 29 de maio a través do correo electrónico: gaia@burela.org. As bases e a folla de inscrición están na web do Concello de Burela.
A Banda de Música de Foz ofrecerá un concerto dedicado ás Letras Galegas. Será na vila focega, concretamente na Praza Conde de Fontao, este sábado, día 23 de maio, ás 20:00 horas.
O Concello de Foz anuncia: “Este sábado temos unha cita moi especial coa nosa cultura galega: a Banda de Música de Foz ofrecerá un concerto homenaxe á cultura galega na Praza Conde de Fontao”.
En caso de choiva a actuación trasladarase á Sala Bahía.
A cuarta edición do Campamento Musical Verán Burela celebrarase desde o día 25 ata o 28 de xuño. Haberá formación en corda, vento, piano, percusión, etcétera.
A organización anuncia: “se es maior de 8 anos xoga, aprende e disfruta con nós”. As prazas son limitadas e para participar hai que inscribirse a antes do día 20 de maio.
A presentación será o xoves 25 de xuño ás 15:30 horas e o concerto final está programado para o domingo 28 ás 18:00 horas na Casa da Cultura de Burela.
O Círculo Habanero da Devesa, no municipio de Ribadeo, acollerá este venres, día 15 de maio, ás 20:30 horas un concerto das cantautoras Eva Rosado e Celia Pía. O prezo da entrada é de 10 euros.
É un evento organizado pola Asociación Cultural A Tribo da Travesía, que explica: “dúas cantautoras do Norte, de Ortegal e do Occidente Asturiano. Eva Rosado, de Castropol, abre con catro temas. Ela compón desde unha parte íntima e intuitiva construíndo cancións "a ratos" cunha guitarra antiga e baixo a crenza que a música traza pontes e une almas.
Logo Celia Pía acompañada de Xavier Melgar (a Buguina Terraquea) ofrece un concerto con temas do seu ultimo disco, Estado Natural, que podedes escoitar en todas as plataformas. As súas cancións son reflexo da súa experiencia vital liberando na composición o que lle...
leer más
Este sábado, día 9 de maio, ás 21:00 horas haberá Guateque de Arruguiñas no Local Social de Lieiro. Estará amenizado polo dúo Mar da Vila.
“Unha noite para bailar, lembrar e gozar en boa compañía”, anuncia o Concello de Cervo, que organiza esta actividade en colaboración coa Asociación de Veciños Nosa Señora de Lieiro.
Para conmemorar o Día das Letras Galegas o grupo musical focego Son´s Varadero ofrecerá un concerto este sábado, día 9 de maio, ás 20:00 horas na casa da Cultura de Foz.
Son´s Varadero fará unha actuación cun repertorio de cancións galegas e anuncia que este concerto estará dedicado ao focego Xesús do Breogán “pola súa contribución e dedicación á cultura do noso concello”.
Este evento está organizado por Son´s Varadero coa colaboración do Concello de Foz.