Música

Etiquetas:
10/09/2021

A cedeirense Guadi Galego presentará o seu último traballo discográfico "Costuras" o 11 de decembro ás 20:00 horas no Auditorio Municipal de Burela. 

"Costuras" aúna 10 cancións de Guadi Galego e Carlos Abal que viaxan desde mundos asociados á súa infancia ata o presente máis duro e á vez esperanzador onde a autora se mostra tal como é. 

Tres colaboracións compoñen o disco: Coas poetisas Antía Otero e Marina Oural e coa cantante catalá Paula Grande. A produción musical a cargo de Olivera Estudi dá un novo aspecto ás creacións de Guadi entrando en campos electrónicos sen esquecer a parte máis orgánica creando texturas únicas. 

Entradas para o concerto proximamente á venda.

Etiquetas:
05/09/2021

O festival musical Osa do Mar celebrarase na Praza do Concello de Burela para 400 persoas sentadas os días 24 e 25 de setembro, venres e sábado.

O cartel do evento inclúe as actuacións de Black Friday (The BF Show), Los Rastreadores (Ortiga e Grande Amore ), Moura, Niña Polaca, Delaporte, Blanco Palamera, The Rapants, Veintiuno y Verto.

Todos os concertos serán no escenario Vibra Mahou Osa do Mar: tres a noite do venres 24 de setembro, dous na sesión vermú do sábado 25 de setembro e catro actuacións a noite do sábado 25 de setembro.
 
As entradas están á venda en https://entradium.com/es/events/festival-osa-do-mar-2021

Etiquetas:
01/09/2021

O Concello de Cervo programa para este venres, día 3 de setembro, a actuación de Dani Royo&Versions Band. Terá lugar na praza do Souto a partir das 21:30 horas.

Esta banda versiona en español éxitos de todos os tempos, desde a década dos 80 ata a actualidade. Inclúe no seu repertorio temas de Manolo García, Maná ou La Guardia, entre outros.

Este concerto fora aprazado, no seu día, a causa do mal tempo.

Etiquetas:
30/08/2021

O Concello de Viveiro anuncia o concerto do grupo local Joni Ramos & Sunday Morning Club o vindeiro venres, 3 de setembro. 

A actuación celebrarase ás 20:00 nos Xardíns de Noriega Varela. Durante o concerto, cumpriranse en todo momento os protocolos COVID-19 marcados polas autoridades sanitarias. 

Dende o Concello de Viveiro animan á cidadanía a achegarse á cita e gozar do talento musical de Viveiro.

 

Etiquetas:
24/08/2021

O programa Cultura nas Parroquias chegará este sábado, 28 de agosto, ás 21:30 horas á praza de Rinlo, onde se poderá gozar do concerto audiovisual Versión Fin. 

A concelleira de Cultura, Pilar Otero, lembrou que “Cultura nas Parroquias arrincou o pasado 10 de agosto en Vilaframil coa actuación do cuarteto Illa Pancha e seguirá este sábado, día 28, en Rinlo co concerto audiovisual Versión Fin. En setembro teremos actividades o 19 en tres localizacións diferentes: na Escola de Vilaselán, no Teleclub de Santalla e no Circulo Habanero da Devesa; o 25 de setembro en Couxela á saída da misa; o 10 de outubro na Escola de Remourelle; o 21 de novembro nas Anzas; e a Cultura nas Parroquias tamén chegará a San Pedro de Arante e a Cedofeita, aínda que as datas están por determinar”. 

A edil nacionalista explicou que “como...

leer más
Etiquetas:
24/08/2021

O grupo Milladoiro ofrecerá un concerto en Cervo o vindeiro sábado, 28 de agosto. Terá lugar na Fábrica de Cerámica de Sargadelos ás 21:00 horas con entrada de balde.

A reserva de entradas pódese facer a través do correo electrónico entradas@concellodecervo.com ou no teléfono 982 59 51 57, de luns a venres en horario de 9:00 a 15:00 horas. O aforo é limitado.

Colaboran na organización deste evento: Cervo Verán Cultura Segura e Xacobeo 21-22.

 

Etiquetas:
23/08/2021

O vindeiro xoves, 26 de agosto, terá lugar o concerto benéfico que ofrecerá a Coral Polifónica de Ribadeo. Será no Teatro ás 20:30 horas. O prezo da entrada solidaria será de 5 euros. 

O concerto será a beneficio da Asociación Española contra o Cancro. As persoas que non poidas asistir teñen á súa disposición unha fila 0 na que se poderán ingresas os donativos, se así o desexan. No Banco Santander hai habilitada unha conta para este fin. 

 

Etiquetas:
22/08/2021

O luns, 23 de agosto, haberá música na rúa en Cervo. 

Na praza do Souto actuará A Banda da Loba a partir das dez da noite.

Inscriben media hora antes na mesma ubicación.

 

20/08/2021

A Deputación de Lugo colabora, un ano máis, coa celebración do ResurrectionFest. Este evento musical, que nesta edición celebrarase entre o 26 e o 28 de agosto en Viveiro, conta cunha achega de 50.000€ do organismo provincial. O Presidente da Deputación, José Tomé Roca, anunciou este venres tras a reunión da Xunta de Goberno a adxudicación duncontrato de patrocinio deste evento musical, que se adaptará ás limitacións que esixe a situación sanitaria. 

Tomé Roca recordou que “a Deputación de Lugo apostou dende o principio por este festival, ofrecendo un apoio que foi clave para que o Resu se consolidase como o que é hoxe: unha cita de referencia a nivel nacional e internacional, que atrae a miles de persoas e que produce un retorno económico de primeira orde para Viveiro e para toda A Mariña”. 

Esta cita serve de...

leer más
Etiquetas:
19/08/2021

O grupo musical galego A Banda da Loba actuará na Pontenova este sábado, día 21 de agosto. O concerto será na Praza dos Fornos ás 21:30 horas.

A Banda da Loba é unha formación galega integrada por cinco mulleres que decidiron unir as súas traxectorias individuais para dar voz a este proxecto. Destaca a creación dun repertorio propio baseado tanto en letras da súa autoría como en musicalizacións de poetas célebres ou outros textos tomados dos poemarios de escritoras contemporáneas. Todo isto, baixo un estilo ecléctico e heteroxéneo que bebe do rock, do pop, do folk... e fai do seu repertorio un fantástico caleidoscopio musical. En decembro de 2017 saíu á rúa o seu primeiro traballo discográfico, “Bailando as rúas”, no que contaron coa produción musical de Adrián Saavedra e as colaboracións de Guadi Galego e Tanxugueiras. Tras o gran éxito...

leer más