Música

Lydia Botana presenta o espectáculo musical infantil titulado De aquí para alá coas emocións en Viveiro. Será este sábado, día 25 de outubro, no Teatro Pastor Díaz, de Viveiro, ás 18:00 horas.

Cunha duración de 60 minutos está dirixido ao público infantil, de 3 a 10 anos.

O elenco artístico está formado por Lydia Botana, Marta Figueiredo, Lúa Cadernas e Charly Drop.

E a sinopse é a seguinte: “un proxecto didáctico musical para público infantil no que viaxamos arredor do mundo aprendendo e cantando as músicas de cada lugar facendo partícipe ao público que nos acompañe na procura de novos sons! Trátase de espertar o interese dos nenos e das nenas pola música e as culturas doutros lugares, dando valor á diversidade e por suposto, respectándoa, dun xeito divertido e didáctico na nosa lingua...

A Banda de Gaitas Santo Inocencio-Dambara, de Burela, actuará na Casa da Cultura do Vicedo este sábado, día 11 de outubro, ás 19:30 horas.

O Concello anuncia: “música galega no Vicedo. Este sábado ás 19:30 horas na Casa da Cultura poderemos disfrutar dun concerto da Banda de Gaitas Santo Inocencio-Dambara, de Burela, no marco das actuacións de Tradigalu, da Deputación Provincial de Lugo, xunto co Concello de O Vicedo”. 

Xabier Díaz e Adufeiras de Salitre actuarán este domingo, día 5 de outubro, en San Miguel de Reinante (Barreiros) dentro do ciclo Polavilas no paraíso, promovido pola Vicepresidencia da Deputación de Lugo.

A actuación, ás 13.00 horas na pista da festa de San Miguel de Reinante, coincide coa celebración das festas desa parroquia, “un contexto elixido para achegar a música tradicional e en galego a todos os públicos”, anuncia a Vicepresidencia da Deputación de Lugo.

O concerto contará coa participación do grupo de música tradicional O Arco da Vella, que acompañará a Xabier Díaz e Adufeiras de Salitre nalgúns dos temas do repertorio, un repaso aos seus últimos catro discos - The Tambourine Man, Noró, As Catedrais silenciadas e Axúdame a sentir- que teñen a pandeireta como instrumento central.

A asociación folclórica e cultural A Subela organiza a primeira edición dos Cantos de Taberna en Foz para este sábado, día 27 de setembro, a partir das 20:00 horas.

Participarán os grupos focegos Mar Aberto e Os Retrousos da Subela e desde Viveiro chegará a agrupación Espera que vou mexar. Actuarán no establecementos Express, Xoyma, O Chícaro e Portochico.

“Chegan os I Cantos de Taberna. O vindeiro sábado 27 de setembro a partir das 20:00 andaremos tres grupos animando algúns dos bares de Foz. Agardamos que esta sexa a primeira de moitas edicións!”, anuncia A Subela, que conta coa colaboración do Concello de Foz.