Música
O Concello de Burela celebrará o Día das Letras Galegas cun concerto da Escola Municipal de Música este venres, día 16 de maio, ás 17:00 horas no salón de actos da Escola Municipal de Música.
“Durante o acto recitaranse poemas e cancións do noso cancioneiro popular, interpretados por diversas agrupacións da Escola Municipal de Música”, anuncia o Concello de Burela, que ademais resalta “o gran traballo das cantareiras, que loitan a prol da nosa lingua, da nosa música e da nosa cultura”.
A Agrupación Cultural Francisco Lanza, de Ribadeo, anuncia: “este xoves, 15 de maio, ás 20:30 horas imos poder gozar da actuación das Erikas e Peluxías ao longo das rúas ribadenses, ao pé de varios dos balcóns que dan acubillo ás Palabras na varanda, que cada ano organiza a Agrupación Cultural Francisco Lanza. Nesta ocasión, e ao mesmo tempo que celebramos o Día das Letras Galegas dedicado ás cantareiras, imos engalanar os nosos balcóns con múltiples referencias ás mulleres que durante anos e anos mantiveron viva a nosa tradición musical e as cantigas que lle daban contido. Comezaremos o percorrido na rúa San Francisco, fronte á igrexa, e despois desprazarémonos até a Praza de Abaixo para, a continuación, achegármonos á rúa Antonio Otero, á altura da Biblioteca Municipal El Viejo Pancho, e rematarmos na rúa Rodríguez Murias, cabo do mural dedicado a...
leer más
O salón dos alcaldes acolleu a presentación da terceira edición do Vendaval Fest, que se celebrará en Ribadeo do 25 ao 27 de xullo.
O alcalde, Dani Vega, subliñou “a colaboración do Concello coa organización do Vendaval Fest, que tamén conta co apoio doutras administracións como a Xunta de Galicia e a Deputación de Lugo, de entidades como Acisa e de patrocinadores privados”.
O rexedor dixo que “é unha satisfacción que un colectivo de rapazas e rapaces novos organicen esta cita musical e outras moitas actividades ao longo do ano. Como por exemplo O Galiñeiro, a Festa da Ría ou a Pre Festa de Fin de Ano. Co Vendaval colaboramos e noutras actividades organizamos xunto á asociación Catro Caños”.
O deputado de Mocidade, Daniel García, parabenizou á organización por “poñer Ribadeo no mapa de...
leer más
Barreiros acollerá desde o día 30 de maio ata o 1 de xuño a terceira edición das Xornadas Etnográficas da Mariña, organizadas pola asociación Tecedeira coa colaboración do Concello de Barreiros e da Vicepresidencia da Deputación de Lugo, a través da área de Mocidade.
Na presentación, celebrada no Concello de Barreiros, participaron a alcaldesa, Ana Ermida; o concelleiro de Dinamización e deputado provincial, Dani García, xunto con Xacobo Ares e Sara García, membros da asociación Tecedeira.
“Entre as primeiras confirmacións que podemos adiantar destacan a de Xabier Díaz e a de Lagharteiras. Tamén podemos confirmar o concerto audiovisual Traspielas de Su Garrido Pombo, que servirá como antesala das xornadas e que terá lugar o vindeiro 16 de maio na Praza do Concello con motivo do Día das Letras Galegas, dedicado...
leer más
La décimo segunda edición del Festival Bal y Gay se celebrará desde el día 12 hasta el 21 de agosto e incluye once conciertos.
Las actuaciones que figuran en el cartel son las siguientes: Denis Kozhukhin, el día 12 de agosto en la Fortaleza de Alfoz; Real Filharmonía de Galicia & Coro de la Comunidad de Madrid, el 13 de agosto en la Catedral de Mondoñedo; OSPA & Cuarteto Quiroga, el 15 de agosto en Auditorio Hernán Naval, de Ribadeo; Los Elementos, el 16 de agosto en la Basílica de San Martiño (Foz); Los Elementos & Núria Rial, el 16 de agosto Monasterio de San Salvador de Lourenzá; Sara Blanch & Julius Drake, el 17 de agosto Auditorio de Mondoñedo; Marco Mezquida, el 18 de agosto en el Pazo del Conde de Fontao (Foz); Leticia Moreno & Friends, el 19 de agosto en la Fábrica de Sargadelos (Cervo); Cuarteto Casals, el 20...
leer más
A Banda Municipal de Música de Ribadeo estreará catro obras no concerto das Letras Galegas que ofrecerá no auditorio Hernán Naval o día 16 de maio, venres, ás 20:30 horas.
O director da Banda ribadense, David Ballester Martínez, anuncia que “xusto un mes despois do concerto de Semana Santa a Banda Municipal de Música de Ribadeo vai ofrecer no auditorio Hernán Naval unha actuación para conmemorar o Día das Letras Galegas, as nosas letras. Nós obviamente non podemos narrar letras, pero si as letras musicais e o programa constará dunha parte de música galega ou de composición galega e outra con pezas que non teñen moito que ver coas Letras Galegas. Unha das obras que se interpretará vai ter narración, por parte dunha compoñente da Banda. E hai que salientar que catro das pezas que imos tocar estarán por primeira vez encima dos atrís da Banda...
leer más
O auditorio da Casa da Cultura burelá acollerá un concerto, organizado dende a Coral Polifónica de Burela co gallo das Letras Galegas, este domingo, día 11 de maio, ás 19:00 horas. Ademais do grupo anfitrión actuarán as cantareiras de ACM Arume (Burela) e o Coro de Adultos do Conservatorio de Viveiro.
A Coral Polifónica de Burela explica que “a Real Academia Galega acordou dedicar o Día das Letras Galegas 2025 á poesía popular oral, personificada en Adolfina e Rosa Casás Rama, de Cerceda; Eva Castiñeira Santos, de Muxía; e Manuela Lema, Teresa García Prieto e Prudencia e Asunción Garrido Ameixenda, integrantes estas catro das Pandeireteiras de Mens (Malpica). Elas foron elixidas como representantes de tantas mulleres anónimas que crearon, conservaron e transmitiron un grande legado, que xa é patrimonio inmaterial do país. Cabe sinalar que...
leer más
O programa do festival ribadense Vendaval Fest 2025 será presentado cun evento musical que se celebrará o día 10 de maio, sábado, a partir das 21:00 horas na Zona Vella de Ribadeo, concretamente na praza José María López.
Os organizadores anuncian: “o vindeiro sábado, 10 de maio, queremos celebrar con todos vós a presentación do cartel por días do Vendaval Fest 2025. Da man dos fantásticos Cabuxa Blue e do mítico Cherry Guelín, que nos deleitará coa mellor selección rock”.
A Asociación de Usuarios da Escola de Música de Burela (Asuembu) organiza o primeiro obradoiro de percusión impartido por Pablo del Valle Prieto. Será o sábado 10 de maio no salón de actos da Escola de Música de Burela (Rúa do Cancelo, número 1).
A organización explica que “está destinado a alumnado de percusión con estudos avanzados e a quen queira explorar dende cero”.
Para participar hai que inscribirse antes do 7 de maio a través do correo electrónico asuembu@gmail.com ou vía whatsapp ao 644.894.714.
O colectivo Pensamento e Sementeira organiza unha foliada para o día 10 de maio, sábado, na Escola Vella de Galdo (Viveiro). O programa de actividades, que empezarán ás 18:00 horas, inclúe un obradoiro de baile tradicional, concertos e foliada aberta.
Pensamento e Sementeira explica que “o obradoiro de baile tradicional será impartido por Miguel Abad, o noso profe de baile tradicional durante este curso. Sabemos que sodes moitxs xs que levades preguntando se había prazas nas aulas para este ano e é por iso que vos ofreceremos a oportunidade de achegarvos á experiencia Sementando Puntos a partir das 18:00 horas do vindeiro 10 de maio. Logo, ás 19:30 horas comezarán os concertos de Pandereteiras María Soliña, Abril e Axeigo. E para o peche da II Foliada do Maio, a partir das 23:00 horas, teredes a oportunidade de tocar na foliada...
leer más