Charlas

O Concello de Alfoz presenta a súa programación con motivo do 25 de novembro, Día Internacional da Eliminación da Violencia contra as Mulleres, que este ano se desenvolverá baixo o lema Por todas, con todos. Nin invisibles, nin silenciadas, co obxectivo de reforzar o compromiso municipal coa igualdade, a prevención da violencia de xénero e a sensibilización da sociedade. Haberá dúas charlas, que serán os días 25 e 28 de novembro.

Ao longo do mes de novembro a Casa do Concello de Alfoz permanecerá iluminada de violeta “como mostra do compromiso institucional coa igualdade”. Ademais realizarase unha entrega de toallas deportivas conmemorativas do 25N ao alumnado do CEIP Plurilingüe Castro de Ouro, persoal municipal e ás persoas usuarias das actividades deportivas municipais, “co propósito de facer chegar esta mensaxe a diferentes...

Acisa Ribadeo organiza o vindeiro luns, 16 de novembro, unha xornada sobre dixitalización, intelixencia artificial e seguridade no comercio, que terá lugar de 16:30 a 18:00 horas no Salón dos Alcaldes do Concello de Ribadeo. Denomínase Comercio Conectado: vender, innovar e protexerse no mundo dixital e contará coa participación de representantes da Xunta de Galicia e especialistas en dixitalización e consumo. 

A presidenta de Acisa Ribadeo, Carmen Cruzado, contou que “o vindeiro luns, 16 de novembro, terá lugar unha xornada dedicada aos novos retos do comercio no ámbito dixital, a través de APE Galicia, coa participación da Xunta e a colaboración do Concello de Ribadeo. A xornada desenvolverase no Salón dos Alcaldes do Pazo de Ibáñez a partir das 16:30 horas e contará coa presenza do director xeral de Comercio e Consumo da Xunta de Galicia...

O venres 13 de novembro ás 19:00 horas celebrarase un encontro na librería Bahía, de Foz, entorno á figura homenaxeada este ano no Día das Letras galegas, Begoña Caamaño, no que participarán a irmá da autora Bea Caamaño e a doutora en filoloxía galega María Liñeira.

Librería Bahía explica que con esta actividade pretenden “afondar na figura da homenaxeada e coñecer de man de dúas mulleres próximas a ela por distintos motivos todas as súas facetas”.

O GALP A Mariña-Ortegal anuncia que o sector pesqueiro e todas as persoas interesadas na formación e o emprendemento a través da transformación do produto do mar “teñen unha cita nestes encontros informativos, nos que se presentarán os Viveiros Formativos de Emprendemento do proxecto Feito co Mar”. Os primeiros realizaranse en Viveiro e Foz os días 4 e 12 de novembro

Feito co Mar é un proxecto “para fomentar o emprendemento a través da transformación do produto pesqueiro mediante elaboracións de peixes e mariscos como conservas, salgados, afumados, adubados, desecados, patés e pratos elaborados, poñendo o foco especialmente en prácticas artesanais. Os viveiros contan con dous programas formativos, un de iniciación e outro de profesionalización, que se celebrarán en 2027. Ambos os dous estarán orientados á formación práctica, á...