Exposiciones
O Ribadeo Indiano 2026 renderá homenaxe ás mulleres emigrantes coa iniciativa titulada Elas tamén marchaban. Será cunha ampla programación que inclúe charlas e unha exposición fotográfica, entre outras actividades.
A concelleira de Turismo, Marta Saiz, explicou que “o Ribadeo Indiano 2026 quere visibilizar á muller ribadense que emigrou, porque elas tamén marcharon”.
A concelleira de Cultura, Begoña Sanjurjo, pide a colaboración das veciñas e dos veciños de Ribadeo para poder construír esta mostra fotográfica: “animamos á xente a que se pase pola biblioteca municipal, preferentemente pola mañá, a levar fotos das mulleres da súa familia que emigraron e que nos conten un pouco a súa historia para poder montar a exposición. As fotos xa as escaneamos no momento. Todo este proceso temos que telo listo antes do...
leer másCervo acollerá do 4 de xuño ao 10 de xullo unha exposición sobre o humorista gráfico Antonio Mingote
O concello de Cervo acollerá do 4 de xuño ao 10 de xullo a exposición titulada Arte e humor. O enxeño de Antonio Mingote, da man de ABANCA e Afundación.
A alcaldesa de Cervo, Dolores García Caramés, participou na sinatura do convenio na Casa do Concello, xunto ao coordinador institucional de ABANCA en Lugo, Carlos Teijeiro Pita, e á coordinadora institucional de Afundación en Ourense e Lugo, Beatriz Fernández-Anguiano, “para facer posible a chegada desta destacada mostra ao municipio”.
Grazas á colaboración entre o Concello de Cervo, ABANCA e Afundación, a veciñanza poderá desfrutar desta proposta cultural na Sala de Exposicións da Casa da Cultura de Cervo do 4 de xuño ao 10 de xullo. A inauguración oficial da exposición terá lugar o mércores 4 de xuño ás 11:00 horas na Casa da Cultura.
... leer más
O Complexo Cultural Regal Xunqueira, no municipio de Viveiro, acollerá unha exposición de pinturas de Carmen Prado desde este venres, día 29 de maio, ata o 30 de xuño. A mostra titúlase Coma sempre e será inaugurada ás 20:30 horas na sala de exposicións de Regal Xunqueira. No acto servirase un viño e algo de comer, anuncia a organización.
Carmen Prado, de Rábade, é “unha pintora autodidacta que pinta por afección e por pura intuición. Tras máis de 20 anos dedicada ao debuxo anatómico e científico en revistas e libros especializados, realiza en 2013 a súa primeira exposición pictórica. Nestes anos a súa obra chegou a Inglaterra, Irlanda, Dinamarca, Francia, Andorra, Marrocos, Portugal, Houston, Italia, Noruega e a gran parte do territorio español. Os aspectos máis salientables da súa obra son o uso da cor e que pinta, eminentemente...
leer más
O concello de Cervo acollerá do 20 de maio ao 2 de xuño a exposición titulada Os Maragatos da Porta de San Pedro, unha mostra organizada polo Colectivo Egeria e a Fundación Carmen Pérez-Carro, coa colaboración do Concello, que poderá visitarse na Sala Cultural Xosé Vizoso, situada no edificio das Carboeiras, no Conxunto Histórico-Artístico de Sargadelos.
A inauguración oficial terá lugar o mércores 20 de maio ás 12:00 horas, nun acto aberto ao público no que se presentará esta proposta expositiva que “afonda nas raíces maragatas da familia Pérez-Carro e na súa vinculación histórica coa cidade de Lugo ao longo de máis de 145 anos”, anuncia o Concello de Cervo, que engade: “a mostra está composta por doce paneis redactados en galego e castelán, nos que se realiza un percorrido pola traxectoria da familia Pérez-Carro desde a súa...
leer más
O Concello de Viveiro inaugura este martes, 19 de maio, a exposición Botamos un baile? Un século de orquestras de verbena en Galicia, unha mostra que poderá visitarse nos xardíns de Noriega Varela ata o próximo 9 de xuño e que achega ao público a historia e evolución das orquestras de verbena galegas ao longo do último século.
“A exposición, organizada pola Biblioteca de Galicia e comisariada por Zósimo López Pena e Henrique Neira Pereira, realiza un percorrido pola evolución das orquestras galegas desde as primeiras bandas de música e jazz bands das primeiras décadas do século XX ata os actuais espectáculos audiovisuais que continúan enchendo festas e verbenas por toda Galicia e tamén fóra dela”, anuncia o Concello de Viveiro, que engade: “a través de programas de festas, fotografías, carteis, discos de vinilo, casetes e outros...
leer más
O deputado provincial Daniel García inaugurou este martes no Cenima de Foz a exposición Tecendo redes: Migración, Arte e Lugo, impulsado pola Rede Museística Provincial e a Asociación Rioplatenses de Lugo no marco do proxecto Museo da Migración. A mostra reúne nove propostas plásticas de artistas de diferentes países, disciplinas e contextos culturais que reflicten experiencias vitais vinculadas á migración ou á diversidade cultural. Pedro Cantero, Alisa Smirnova, Cris Bamio, Hanoi Vidal, Evelin Ruiz, Soila Jankowska e Juan Pablo Mastroianni son as e os artistas detrás desta exposición colectiva que poderá verse ata o 27 e xuño nas salas do Cenima.
Daniel García sinalou “A Mariña como o marco idóneo para acoller esta mostra que busca crear espazos de participación, convivencia e diálogo arredor das experiencias migratorias. Temos...
leer más
O Complexo Cultural Regal Xunqueira, que está nesa parroquia do municipio de Viveiro, acollerá unha exposición de pinturas da artista ferrolá María José Leira. Esta mostra, titulada Buracos por onde entra o aire, será inaugurada este venres, día 10 de abril, as 20:30 horas e poderá visitarse ata o día 28 de maio
A artista explica: “fan falta máis de sesenta uns para contar os anos que levo traballando na pintura de cadros. Aprendín de nova debuxando a realidade -hoxe pregúntome cal realidade-; despois mergulleime nos ismos: puntillismo, expresionismo, cubismo, orfismo, fauvismo, futurismo e dadaísmo,… cos que aprendín a desaprender o que aprendera e a mirar cara a dentro. Deste xeito hoxe pinto elementos amoreados, comprimidos, insinuados ou rematados, cheos de cor, libres da vacua verborreira, para deleite ou desgusto de quen os...
leer más
O Concello de Cervo anuncia que se converterá “no epicentro dunha proposta cultural de gran singularidade coa inauguración, este mércores día 1 de abril ás 13:30 horas na Casa da Cultura de San Ciprián, da exposición Baleas a Flote: Arte en Madeira e Mar, de Francisco Martínez-Pin. O acto, aberto ao público, marcará o inicio dunha iniciativa que transcende o ámbito expositivo para se converter nunha auténtica viaxe pola historia, a arte e a defensa do medio mariño”. Esta mostra poderá visitarse durante todo o mes de abril.
“Baleas a Flote constitúe o punto de partida do proxecto Tornaviaxe polo Cantábrico, un percorrido simbólico polos antigos portos baleeiros que unirá Galicia co País Vasco francés, recuperando a memoria colectiva das vilas mariñeiras e poñendo en diálogo o pasado co presente a través da...
leer más
La Biblioteca Municipal de Viveiro acogerá desde el 28 de marzo hasta el 5 de abril la exposición titulada De Jerusalén al Gólgota. Escenografía de la Pasión.
Es una muestra organizada por la Xunta de Cofradías de la Semana Santa de Viveiro, que explica que es una exposición “con autoría de Antonio Navarrete, como comisario de la misma, y Manuel Insua, artífice de la maquetación. Es la primera vez que se realiza en Viveiro, es una representación escenográfica de la Pasión (pasión, muerte y resurrección). Al igual que los Nacimientos, viene a ser una especie de catequesis, ambientada con escenas en miniatura lo más fieles al Jerusalén antiguo. Todo ello llevó tiempo de trabajo y documentación que sus dos autores lo realizaron con mucho entusiasmo para que la Xunta de Cofradías la programara en esta Semana Santa 2026. Se inaugura...
leer más
O Concello de Burela inaugurou na Casa da Cultura unha exposición que recolle máis dunha década de traballo da veciñanza arredor do Día Internacional contra a Discriminación Racial. A mostra forma parte da programación municipal vinculada ao 21 de marzo e permanecerá aberta ao público até o 10 de abril. A mostra poderá visitarse de 11:00 a 13:00 e de 18:00 a 20:00 horas.
A exposición reúne obras realizadas por persoas de distintas idades e procedencias, que participaron ao longo dos anos nos concursos organizados con motivo desta conmemoración. O percorrido estrutúrase de maneira cronolóxica dende 2014 ata 2025, con excepción do ano 2020, no que non se levou a cabo a actividade debido á pandemia.
Durante o acto inaugural, o primeiro tenente de alcaldesa, Mario Pillado, destacou o valor das achegas realizadas pola...
leer más