Mondoñedo
Este sábado, día 9 de maio, o Auditorio Municipal Pascual Veiga, de Mondoñedo, acollerá unha nova edición das Xornadas de Atención Temperá, “un espazo de encontro e aprendizaxe arredor do desenvolvemento infantil”, anuncia a organización, que explica: “durante a mañá contaremos con profesionais de referencia que abordarán cuestións clave como os sinais de alerta no desenvolvemento motor, o neurodesenvolvemento a través de casos clínicos, a prevención desde a odontoloxía en idades temperás e o desenvolvemento comunicativo e as rutinas de crianza. Unha oportunidade única para profesionais e familias interesadas no benestar e desenvolvemento da infancia”.
Esta actividade desenvolverase de 9:00 a 14:30 horas e entregarase certificado de asistencia.
A Asociación de Clásicos Mindoniense Mira e Anda organiza a décimo segunda edición da Xuntanza de Clásicos Cidade de Mondoñedo, que se celebrará o día 20 de xuño, sábado. O prazo de inscrición de vehículos para participar no evento remata dous días antes, o xoves 18 dese mes.
As actividades comezarán ás 10:00 horas coa recepción dos vehículos, entrega de tickets para a comida e sorteo de agasallos. Desde as 12:00 horas farán unha ruta e a comida será ás 15:00 horas.
Este martes, 14 de abril, tivo lugar en Mondoñedo a presentación oficial das festas de As Quendas 2026, nun acto no que estiveron presentes Manuel Otero Legide, alcalde de Mondoñedo; Iria Castro Fernández, deputada provincial de Cultura; e Manuel Antonio Fernández, director territorial de Cultura, acompañados tamén por concelleiros de Mondoñedo e membros da organización. Os festexos celebraranse desde o 30 de abril ata o 3 de maio.
A asociación organizadora fai público un “agradecemento sincero ao Concello de Mondoñedo, á Deputación de Lugo e á Xunta de Galicia polo seu apoio e compromiso, fundamentais para seguir facendo medrar unhas festas que son orgullo de todos”.
A Vicepresidencia da Deputación de Lugo anunciou que “a deputada de Cultura, Iria Castro, participou na presentación das Quendas. O acto celebrouse...
leer más
Alumnado do Conservatorio Superior de Música da Coruña ofrecerá concertos nos que interpretarán o Réquiem de Fauré en Burela e Mondoñedo o día 16 de abril, xoves. O primeiro será ás 18:00 horas e o segundo ás 20:30. Como solistas actuarán a soprano Ana Manteiga e o barítono Antonio Facal e o director será Fernando L. Briones
O Concello de Burela anunciou que o xoves 16 ás 18:00 horas a igrexa parroquial de Santa María será o escenario da actuación da orquestra e coro do Conservatorio Superior de Música da Coruña, nunha colaboración coa Escola Municipal de Música de Burela. A entrada é libre ata completar capacidade.
E a Escola Municipal de Música O Pallarego, de Mondoñedo, explicou: “o vindeiro xoves, 16 de abril, ás 20:30 horas na catedral de Mondoñedo, teremos o gusto de asistir ao concerto que ofrecerá alumnado...
leer más
O día 6 de abril, luns, o Concello de Mondoñedo celebrará o Día Internacional do Deporte cunha actividade a cargo da escola de skate Aloha. Será no polideportivo municipal Viñas da Veiga de 16 a 19 horas.
Para participar hai que inscribirse previamente a través dos teléfonos 605.790.091 ou 622.567.808.
Mondoñedo celebrará a Festa da Árbore este sábado, día 28 de marzo. Este evento, que se leva a cabo na cidade mindoniense, terá lugar nesta ocasión no CEIP Álvaro Cunqueiro.
A Festa da Árbore en Mondoñedo está organizada pola asociación cultural O Pasatempo. As actividades comezarán ás 11:00 horas coa carreira Día da Árbore, promovida pola Delegación de Deportes do Concello de Mondoñedo). Ás 12:00 horas haberá xogos recreativos, ás 13:00 horas levarase a cabo unha plantación de arbores e un recital de poemas con acompañamento musical e ás 13:15 horas entregaranse os premios do XIV Concurso da Árbore e os debuxos participantes neste certame estarán expostos durante a festa.
A asociación Mauro Leivas deu os seus primeiros pasos este xoves, 19 de marzo, nun emotivo acto que serviu para render homenaxe a “un dos creadores máis singulares e comprometidos da plástica galega contemporánea. A cidadanía mindoniense deixou pequena a sala do Pazo de Santo Tomé, onde tivo lugar esta presentación que contou coa presenza do alcalde de Mondoñedo, Manuel Ángel Otero; e o tenente de alcalde de Barreiros Antonio Veiga, que acudiu en representación da alcaldesa, Ana Ermida; a tenente de alcalde de Mondoñedo, Ángeles Rodríguez; o concelleiro de Cultura, Alberto García; representantes do PSOE e do BNG na corporación; así como a comisaria de exposicións da Rede Museística Provincial de Lugo, Silvia Fiallega. Esta iniciativa está impulsada por un grupo de familiares e amizades cun dobre obxectivo: preservar a memoria artística do creador mindoniense e...
leer más
Este xoves, día 19 de marzo, ás 12:00 horas no Pazo Santo Tomé, de Mondoñedo, presentarase publicamente a Asociación Mauro Leivas, que “busca catalogar a obra dun creador único e activar os valores sociais, ecoloxistas e de diversidade que sempre defendeu”, anuncian os creadores deste novo colectivo, que explican tamén que será “un acto aberto á cidadanía que servirá para render homenaxe a un dos creadores máis singulares e comprometidos da plástica galega contemporánea. A iniciativa está impulsada por un grupo de familiares e amizades co dobre obxectivo de preservar a memoria artística do creador mindoniense e de manter vivo o seu compromiso social e cultural”.
Durante o evento presentarase o propósito da asociación e as liñas de traballo tanto para a catalogación da súa obra como para a difusión dos valores que sempre defendeu, engaden...
leer más
Luís Alberto López Muños presentará en Mondoñedo o seu libro titulado Galicia: Afectos y Vivencias. Será este venres, día 20 de marzo, ás 20:00 horas no Pazo Santomé.
O Concello de Mondoñedo explica que esta publicación é unha “obra de carácter intimista e autobiográfico a través de vivencias persoais acaecidas en Mondoñedo e outras áreas de Galicia. Luís Alberto López Muñoz, fillo do ilustre mindoniense Victoriano López, é un galego nado en Madrid que presenta en Mondoñedo Galicia: Afectos y Vivencias, na a súa localidade de referencia en Galicia durante toda a súa vida. Esta obra, de carácter intimista e, en parte, autobiográfica, achéganos feitos, afectos, anécdotas persoais e profesionais e, en definitiva, vivencias, tal como reza o título, acaecidas na vida de Luís Alberto a través de 10 capítulos que recollen 10...
leer más
La diócesis de Mondoñedo-Ferrol anuncia que el próximo domingo, día 22 de marzo, a las 19:30 horas la catedral de Mondoñedo acogerá “un evento musical singular. El Coro Eufonía, de la Escola Municipal de Música de Foz, ofrecerá el concierto titulado Lux et Veritas, un proyecto que fusiona música coral y poesía en un ambiente íntimo, iluminado únicamente por la luz de las velas. La actuación, promovida por el Concello de Mondoñedo, será de entrada libre hasta completar aforo. El recital propone una experiencia multisensorial en la que la penumbra de la catedral y las voces del coro crean una atmósfera cálida y solemne. El programa incluirá piezas de inspiración religiosa y clásica, con referencias a la tradición gallega, portuguesa y asturiana, y contará con la lectura de poemas de Pablo Neruda, Matías Antón Mena y Castelao”.
El Coro...
leer más