Eventos
O Concello de Viveiro informa de dous cambios de ubicación nas próximas sesións do programa Viveiro Baila, unha actividade de baile de tarde dirixida especialmente ás persoas maiores, aínda que aberta á participación de todas as idades. A sesión prevista para o sábado 28 de novembro trasladarase ao Centro Comarcal de Viveiro, en Lodeiro, mentres que a correspondente ao domingo 20 de decembro celebrarase na Sala Multiusos do Concello de Viveiro.
Ambas as actividades estaban inicialmente previstas no salón de actos do Conservatorio de Música de Viveiro, polo que se informa destes cambios “para facilitar a asistencia das persoas participantes e evitar posibles confusións”, explica o...
leer más
A asociación veciñal de Mor, no municipio de Alfoz, organiza unha andaina pola Fraga das Vigas para este domingo, día 8 de novembro. A saída será desde o CEIP Castro de Ouro ás 09:00 horas.
“O domingo 8 de novembro saímos a camiñar e descubrir a natureza nunha andaina á Fraga das Vigas”, anuncia a asociación veciñal de Mor, que tamén explica que o percorrido será de 12 quilómetros con dificultade moderada. O prezo é de 12 euros por persoa e inclúe avituallamento.
Recomendan levar roupa e calzado de montaña, axeitados á climatoloxía, e bastóns para facer o percorrido con maior comodidade.
O Teatro das Cortes, que está no lugar de Xestoso, en Cabanas (O Vicedo) organiza para este sábado, 7 de novembro, a Tarde do Porco de Pedra. Será a última xornada de programación deste ano neste espazo artístico.
Ás 18:00 horas haberá Ofrendas e diálogos da veciñanza e da Brigada Teatral das Cortes co Porco de Pedra dos Andrade. Ás 19:30 o actor Federico Pérez ofrecerá o espectáculo titulado Xa que o sabes voucho contar (e cantar). E ás 21:00 horas comezará un concerto do grupo Acordeonistas da Mariña.
A entrada é de balde.
A parroquia de Galdo, no municipio de Viveiro, celebra un magosto este sábado, día 7 de novembro, a partir das 21:30 horas. Será no Local Social da asociación veciñal Camiño de Galdo, que se encarga de organizar este festexo.
Haberá castañas, arenques, xamón, chourizos, pan e café. E festa amenizada pola cantante Verónica Cambón.
Este sábado, día 7 de agosto, haberá un magosto tradicional en Mondoñedo. Será na Praza do Concello, pero en caso de choiva trasladarase aos soportais da catedral. Repartiranse castañas, viño e chocolate.
Ás 18 horas haberá Truco ou Trato de Samaín polas rúas do centro e ás 20 horas comezará o magosto tradicional coa música de Os Carricantos.
Está organizado pola asociación cultural O Pasatempo.
A parroquia de Bacoi, no municipio de Alfoz, celebrará un magosto este sábado, día 7 de novembro, desde as 21:30 horas.
O menú está composto por sopa; pataca cocida con xamón e chourizos; biscoito, chocolate e castañas; bebidas, pan, café e chupito.
A foro é limitado e hai que apuntarse antes deste venres, 6 de novembro.
A asociación Carro Tarabelo, de A Pontenova, organiza unha visita á bodega Don Pedro Leivas, de Riotorto, para este domingo, día 8 de novembro.
“Acompáñanos a descubrir todo o proceso de elaboración da sidra, dende os maceiros ata o lagar por gravidade e a destilación en alambique. Unha experiencia para conectar coa terra e coñecer como se combinan tradición e modernidade”, explica a asociación Carro Tarabelo, que anuncia o programa da visita: ás 10:15 horas, Concentración na Praza dos Fornos (A Pontenova); ás 10:30, saída cara a Riotorto (Espasande de Arriba): e ás 11:00 horas, visita guiada e cata maridada con pinchos de produtos locais.
As prazas están limitadas a un máximo de 30, o prezo é de 15 euros e a data límite para inscribirse é este venres, 6 de novembro, enviando un WhatsApp ao 607.42.94.54 (Carlos...
leer más
A Xunta de Galicia e a Vicepresidencia da Deputación de Lugo anuncian que colaboran coa quinta edición do Festival Breason, de Mondoñedo, que se celebra este sábado, 7 de novembro, impulsado pola asociación Xoldra.
O delegado territorial de Lugo, Alfonso Villares, participou na presentación da nova edición xunto con membros da organización e representantes do Concello. A proposta de música en directo compleméntase cun amplo programa de actividades pensadas para todos os públicos.
A Praza da Catedral será o escenario das actuacións e concertos, que comezarán ás 13,30 horas con Familia Caamagno seguida da Duendeneta; e continuarán pola noite – a partir das 21,00 horas - con Mercedes Peón, ünder & Diego Flâneur, Las Petunias e Sedientos de Cumbia.
... leer más
O Concello de Trabada, en colaboración coa asociación de sendeirismo Trabada paso a paso, organiza para o vindeiro domingo 15 de novembro a última ruta do programa Coñece Trabada deste ano 2026. “Trátase dunha iniciativa que leva varios anos desenvolvéndose no municipio e que continúa contando cunha boa acollida entre as persoas participantes”, destaca o Concello, que engade: “nesta ocasión, a actividade consistirá nun percorrido a pé desde Trabada ata Fórnea, cunha distancia aproximada de 9,5 quilómetros e unha dificultade media. A saída terá lugar ás 10:00 horas desde a Praza do Concello de Trabada”.
“A ruta permitirá descubrir novos espazos e recunchos do municipio, poñendo en valor a riqueza natural e paisaxística do territorio e ofrecendo unha nova oportunidade para coñecer a contorna a través do sendeirismo”, indica o...
leer más
A Concellería de Cultura do Concello de Xove anuncia que a Festa Infantil de Samaín, prevista inicialmente para o pasado sábado e que foi aprazada, celebrarase finalmente este próximo sábado, día 7 de novembro, ás 17:00 horas no salón de actos do Centro Cívico de Xove.
O Concello de Xove explica que “o aprazamento da actividade estivo motivado polo loito e como mostra de respecto e lembranza ás vítimas do accidente ferroviario acontecido en Toledo. Neste momento retomamos esta celebración pensada especialmente para os máis pequenos e pequenas da casa, e desde a Concellería de Cultura queremos convidar a toda a infancia de Xove a achegarse e gozar dunha tarde chea de diversión, xogos, música e ambiente de Samaín”. E anima “a todos os nenos e nenas a vir disfrazados e con moitas ganas de pasalo ben, para compartir unha tarde especial na que...
leer más