Eventos
Este sábado, día 10 de xaneiro, terá lugar a XV Festa do Comercio de Acisa Ribadeo, que repartirá 5.000 euros premios e unha viaxe a Menorca para dúas persoas. O sorteo será nas carpas instaladas na Avenida Rosalía de Castro a partir das 20:30 horas.
Desde Acisa a súa presidenta, Carmen Cruzado, explicou que “chega unha data moi importante para Acisa, chega tras o Nadal o sorteo presencial da XV Festa do Comercio, que se realiza coas rifas entregadas durante toda esta campaña comercial, que deu comezo o pasado 5 de decembro. O sorteo comezará ás 20:30 horas nas carpas de Rosalía de Castro, pero a urna estará instalada dende as 17:00 horas para que todos os veciños e veciñas poidan depositar as súas rifas nela con tempo e non ter que facer cola a última hora”.
Cruzado Iglesias lembrou que “foron 180.000 as rifas...
leer más
O restaurante El Huerto, que está na parroquia ribadense de Vilaframil, organiza unha cea baile de cocido para o día 7 de febreiro, sábado, ás 21:30 horas.
O menú inclúe: sopa da avoa, cocido de porco completo, tarta de filloas, café, licor e viño Mencía colleiteiro. Estará amenizada polo grupo musical Nuevo Ritmo e o prezo é de 38 euros por persoa.
Para participar hai que reservar previamente, o que pode facerse no propio restaurante El Huerto ou a través dos teléfonos 982.128.409 ou 626.861.838.
Ademais para os participantes na cea baile ofrecen aloxamento en El Pinar a un prezo especial de 35 euros en habitación dobre.
O Concello de Burela anuncia que este sábado, día 10 de xaneiro, Cáritas Burela-Cervo-Cordido e Cáritas Mondoñedo-Ferrol organizan unha xornada “para despedir o Nadal por todo o alto en Burela. Un programa perfecto para gozar dunha tarde en boa compañía”. Ás 16:30 horas proxectarase unha película de Nadal no auditorio da Casa da Cultura e ás 18:00 horas haberá chocolatada na Praza de Abastos.
Para participar neste evento hai que inscribirse a través do teléfono 652.150.154.
O Concello de Cervo anuncia que a actividade prevista para pechar a programación deste Nadal terá lugar na Praza dos Campos, de San Ciprián, este mércores, 7 de xaneiro: “alfombras de baile, para pasar un anaco ben divertido!”.
Será de 11:00 a 14:00 e de 16: 00 a 19:00 horas.
A parroquia de Nois, no municipio de Foz, celebrará a festa de San Xulián este domingo, día 11 de xaneiro.
As actividades comezarán ás 13:00 horas, con misa solemne e procesión. Desde as 14:00 horas haberá sesión vermú e ás 14:30 horas empezará unha comida. A continuación haberá baile co dúo Calibre. Será no Centro Cívico A Saira, con aforo limitado.
A parroquia de Sante, no municipio de Trabada, celebrará este sábado, día 10 de xaneiro, a festa na honra do seu patrón, San Xulián.
As actividades comezarán ás 13:00 horas con misa solemne. A continuación haberá sesión vermú amenizada polo dúo Colimbo e desde as 15:00 horas terá lugar un cocido popular no que para participar hai que anotarse previamente e o prazo remata este martes, 6 de xaneiro. Despois haberá baile. Será no polideportivo de Sante, onde se disporá de calefacción.
A comisión de festas de Vilamar, no municipio de Barreiros, celebrará a súa XIII Festa dos Callos este sábado, día 10 de xaneiro. Será nun local cerrado con calefacción no campo da festa ás 21:30 horas.
O menú está composto por callos, costela asada con pementos e patacas, sobremesa, bebida, café e chupito.
Estará amenizada pola orquestra Los Satélites e DJ Conxuro.
O aforo é limitado e para participar hai que reservar. A data límite é este martes, 6 de xaneiro.
A cabalgata de Reis de Lourenzá será o día 5 de xaneiro, luns, desde as 17:00 horas.
“Os nen@s e non tan nen@s de Lourenzá estamos agardando por unha visita moi esperada. Xa están aquí as súas Maxestades Os Reis Magos de Oriente. Acaban de confirmar que estarán no noso concello o próximo luns 5 de xaneiro. Ás 17:00 horas a carroza das súas Maxestades sairá do recinto feiral para percorrer as parroquias. E ás 19:00 horas volverán ó Multiusos de Ponte de Cuñas para recibir a tod@s os nen@s e anotar as súas peticións”, anuncia o Concello de Lourenzá.
O luns 5 de xaneiro haberá cabalgatas dos Reis Magos en San Ciprián e Cervo.
O Concello de Cervo anuncia que ás 18:00 horas comezará o percorrido por San Ciprián e haberá recepción na carpa da Praza dos Campos, coa actuación do Grupo Folclórico Mistura de Lieiro. Ademais repartiranse chocolate con biscoito e bocadillos de salchicha na Praza dos Campos da man da comisión de Festas da Santa Isabel de Lieiro. Esta cabalgata de Reis conta coa colaboración da Asociación Mulleres de San Ciprián e a ANPA Península da Paz.
E ás 19:30 horas comezarán o percorrido por Cervo e haberá recepción na Praza do Souto. Os Reis Magos e tamén as crianzas lerán as cartas cos seus desexos e actuará o grupo Milicrocas, as pequeñas cantareiras de Airiños Xunco, asociación que organiza esta cabalgata.
A Concellería de Cultura do Concello de Xove informa da chegada das Súas Maxestades os Reis Magos de Oriente ao concello, “unha das citas máis agardadas destas datas tan especiais. As Súas Maxestades chegarán cedo a Xove para realizar unha visita moi especial á Residencia San Bartolomé, onde os seus usuarios e usuarias, sempre tan agradecidos, recibirán aos Reis con moito cariño e emoción. Posteriormente os Reis Magos desprazaranse á nave almacén do Concello, punto de saída do tradicional desfile das carrozas polas rúas de Xove, que arrancará ás 7 da tarde. O percorrido pasará por diante dos dous centros educativos do municipio, o Instituto e o Colexio, saíndo á Avenida Deputación pola que seguiran ata o cruce do parque e baixaran pola rúa Doutor José Baamonde Illade, desde onde se dirixirán cara ao Centro Cívico. Unha vez alí, as Súas Maxestades baixarán das...
leer más