Eventos
O Concello de Cervo presenta unha “ampla e diversa” programación con motivo da Semana Santa, que se desenvolverá entre o 28 de marzo e o 6 de abril, “co obxectivo de dinamizar a vida social e cultural do municipio, contando coa imprescindible colaboración das asociacións locais”.
A programación arrinca este sábado, 28 de marzo, coa X Foliada Nordestía en San Ciprián, organizada pola Asociación A Rebolaxe, coa colaboración do Concello, que contará coas actuacións xa entrada a noitiña de Os Carecos, Clan Maragato e Lamatumbá en San Ciprián. Ademais haberá animación musical durante todo o día, cantos de taberna, diversos obradoiros e un xantar popular que terá lugar na Praza dos Campos.
O Concello de Cervo tamén anuncia que “no ámbito cultural destaca a representación teatral Aire Fresco, este domingo no...
leer más
O luns 30 de marzo ás 18:00 horas comezarán as visitas guiadas polo casco histórico de Viveiro, da man do historiador Xesús Martinez, organizadas polo Centro Comercial Histórico de Viveiro (CCHV) coa colaboración da Xunta de Cofradías.
“Ás 17:30 horas, antes de dar comezo á primeira visita, faremos unha pequena presentación das mesmas contando ca presenza de José Veiga, como representante da Xunta de Cofradías; Cristina Rodriguez, como presidenta do CCHV; e Xesús Martinez. O lugar será na Praza Maior, diante da porta do Concello”, anuncia o CCHV, que ademais lembra que o día 2 de abril, Xoves Santo, pola mañá o comercio local de Viveiro estará aberto en horario de 11 a 14 horas.
Este sábado, día 28 de marzo, Viveiro dará a benvida oficialmente a súa Semana Santa co pregón a cargo de José Ángel Rodríguez Méndez. Será no Teatro Pastor Díaz ás 20:30 horas.
Este acto, incluído no programa de difusión cultural e relixiosa ADRAL, será presentado por Juan Manuel Basoa Rodríguez, e pecharao a soprano Patricia Rico acompañada por Javier Ares ao piano.
“O preludio perfecto para os nosos días grandes”, anuncia o Concello de Viveiro.
A Xunta de Galicia anuncia que apoia a celebración da I Comida Popular de Cabarcos, no concello de Barreiros, que convoca este sábado, día 28 de marzo, a asociación cultural San Xulián. O delegado territorial da Xunta en Lugo, Javier Arias, participou na presentación do evento xunto co presidente da entidade, Diego Dorrego, entre outros.
Arias destacou “a colaboración que mantemos cos colectivos locais para promover actividades que reforcen a cohesión social, como este proxecto, impulsado polos mozos e mozas que integran a asociación cultural de Cabarcos e que recibiu unha gran acollida por parte da veciñanza”. Preto de 400 persoas inscribíronse xa para participar neste xantar popular.
A xornada terá lugar nunha carpa instalada no campo da festa e inclúe sesión vermú a partir das 13:30 horas, comida, animación...
leer más
O Concello de Viveiro celebrará o sábado 18 de abril a Comida do Maior, “unha cita pensada para compartir mesa, lembranzas e convivencia nun ambiente festivo. Terá lugar no Val do Naseiro. O Goberno de Mariña Gueimunde insta á veciñanza a participar na iniciativa”. E explica que “a xornada está concibida como un espazo de encontro para reforzar lazos e vivir un día especial arredor dunha comida pensada para xuntar á veciñanza e ás súas familias. O menú estará composto por callos como primeiro prato e costela de porco asada ao estilo da avoa Adelina como segundo, con viño branco e tinto da casa, cervexa, refrescos e auga, ademais de tarta xeada e café de sobremesa. A cita contará tamén con música, baile e ambiente festivo, nun formato pensado para que os asistentes poidan gozar dunha xornada completa de celebración e compañía nun dos espazos máis representativos do...
leer más
A UNED de Foz inclúe na súa programación para o vindeiro mes de abril oito actividades: sete cursos e a presentación dun libro.
A Aula da UNED de Foz presenta a súa programación de actividades para o mes de abril, cunha “oferta formativa diversa que abrangue ámbitos como a eficiencia enerxética, o desenvolvemento sostible, a preparación de oposicións, o benestar físico, a comunicación ou a educación”.
A programación comezará co curso Eficiencia enerxética no ámbito laboral, que se desenvolverá do 8 ao 29 de abril, en horario de 17:00 a 19:30 horas, en modalidade online. Do 13 ao 16 de abril terá lugar o curso sobre o Estatuto de Autonomía para opositores, en horario de 15:45 a 19:45 horas. “Entre as propostas máis destacadas tamén se atopa o curso Reconectar para Conectar: o poder da...
leer más
O Concello de Cervo programa unha nova edición do campionato de tute e parchís con motivo do Día do Xubilado. Os/as interesados/ en participar poden anotarse ata este venres, día 27 de marzo, na Casa da Cultura de San Ciprián ou no teléfono 982.59.51.57.
O encontro informativo terá lugar o venres, 27 de marzo, ás 12:00 horas na Casa do Mar, onde se xogarán as partidas dende a próxima semana, anuncia o Concello de Cervo.
O Concello de Burela presenta unha nova edición de Pascua con Gaia, un programa de actividades para a infancia e as familias que se desenvolverá os días 31 de marzo e 1 de abril en distintos espazos do municipio.
O martes 31 de marzo ás 11:30 horas no Parque Rosalía de Castro terá lugar unha busca de ovos de Pascua, “pensada para a cativada e que promove o xogo ao aire libre e o contacto coa contorna natural”.
O mércores 1 de abril, ás 11:00 horas, a Casa da Cultura acollerá o obradoiro Crea a túa mona de Pascua de feltro, dirixido a persoas adultas ou a nenos e nenas acompañados, fomentando a creatividade mediante materiais e actividades manuais. A participación nesta actividade require inscrición previa no correo electrónico gaia@burela.org ou no teléfono...
leer más
A creación contemporánea e o coñecemento artesanal das redeiras de Burela conxúganse no proxecto artístico titulado Facer territorio atando cabos, de Irene Trapote e Sergio Marey, impulsado pola Rede Museística Provincial. A deputada provincial de Cultura, Iria Castro; o tenente alcalde de Burela, Marío Pillado; e a concelleira de Servizos Sociais e Igualdade, Sandra Fernández Cillero; acompañados pola xerente da Rede Museística Provincial, Encarna Lago; visitaron a nave de redes do porto de Burela, onde artistas e redeiras comparten xornadas de traballo co obxectivo de crear unha obra artística. A Vicepresidencia da Deputación de Lugo explica que “o proxecto concibe o proceso creativo como un acto de escoita e produción conxunta no que a artista e as redeiras traballan en horizontalidade, e que contará con diferentes fases. A primeira, que se desenvolve...
leer más
O Centro de Saúde de Burela acollerá este venres, día 27 de marzo, unha actividade centrada na alimentación saudable, que terá lugar despois do paseo saudable organizado conxuntamente pola Estratexia Nacional de Saúde do Concello e o Centro de Saúde. A sesión desenvolverase na Biblioteca do Centro de Saúde de Burela e estará dirixida polo equipo de REGAPS da Dirección Xeral de Saúde Pública no marco do Programa de Promoción da Saúde. A actividade require inscrición previa no Concello de Burela ou a través do teléfono 982.586.000. Anunciouno o Concello de Burela, que engade: “durante a xornada abordaranse contidos teóricos e dinámicas prácticas relacionadas coa alimentación equilibrada, empregando ferramentas como o prato de Harvard, a preparación de alimentos de forma saudable e a planificación de comidas. O obxectivo da sesión é facilitar que a cidadanía poida...
leer más