Festas
Os Cocos e os Cabezudos, acompañados do cuarteto tradicional Illa Pancha, percorreron esta mañá as rúas de Ribadeo. A vila vive os días grandes das súas festas patronais.
Para as dúas da tarde hai prevista unha nova sesión vermú a cargo do Dúo Venus. Xa pola tarde ás 20:30 horas a Mekanika Rolling Band encherá de música e bo ambiente as rúas. Para as 23:00 horas está previsto o inicio da verbena no recinto feiral, que contará coa participación da orquestra Los Satélites e do grupo Tekila. E ás doce da noite no peirao será a gran sesión de fogos artificiais, a máis espectacular de todos os tempos, a cargo de pirotecnia Reiriz.
Mañá é festivo local en Ribadeo. O Día da Patroa dará comezo ás 11:30 horas coa recepción na Casa do Concello das autoridades e acompañamento á igrexa parroquial co cuarteto de gaitas Illa...
leer más
Acisa colabora un ano máis coa comisión organizadora das festas patronais de Ribadeo. Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa.
Cruzado e Pérez departiron cos responsables da comisión das festas minutos antes do inicio do pregón.
O deputado provincial Daniel García mantivo este xoves, 3 de setembro, un encontro coa Comisión de Festas de Ribadeo, festexos que comezan esta fin de semana os días grandes e que contan co apoio da Vicepresidencia da Deputación de Lugo, que anuncia: “a Mekanika Rolling Band percorrerá o luns 7 de setembro as rúas de Ribadeo, ampliando a oferta musical das festas. A actuación forma parte da programación que a área de Cultura desprega na provincia en colaboración co tecido asociativo, e que suma preto de 350 actuacións musicais, espectáculos escénicos, obradoiros e proxeccións audiovisuais nos distintos concellos da provincia no que vai de ano”.
Daniel García aproveitou o encontro para remarcar “a importancia da iniciativa e o traballo colectivo na celebración de festas e eventos populares, que son punto de encontro interxeracional e que...
leer más
Xunqueira, no municipio de Viveiro, celebra as festas na honra á Virxe de Valdeflores desde este venres, 4 de setembro, ata o domingo 6.
As actividades comezarán o venres ás 19:30 horas con misa solemne cantada polo Coro de Valdeflores. A partir das 20:30 haberá festa gastronómica e queimada popular e de seguido, verbena co dúo Venus e Puzzle Animación.
O sábado pola mañá haberá pasacalles co grupo Os Montoxos. Ás 13:30 horas, sesión vermú estendida con Euphoria. Pola tarde será a Festa do Neno con inchables gratuítos. Ás 19:30 celebrarase misa solemne cantada polo Coro de Valdeflores e ás 22:00 horas comezará a verbena con Euphoria e Hermo Truck
E o domingo ás 11:45 horas haberá misa solemne cantada polo Coro de Valdeflores e procesión coa Banda Naval de Viveiro. De seguido, sesión vermú...
leer más
A parroquia de San Adriano, no municipio de Lourenzá celebra as festas na honra a Santa Filomena desde este venres, día 4 de setembro, ata o domingo 6.
As actividades comezarán o venres a partir das 21:30 horas con pulpada e churrascada e verbena a cargo das orquestras Principal e Saudade.
O sábado celebrarase misa solemne ás 13:30 horas e despois haberá sesión vermú coa orquestra Magos, que tamén amenizará a verbena xunto á Trébol.
E o domingo celebrarase misa solemne ás 13:30 horas e a continuación haberá sesión vermú a cargo do grupo de baile da asociación cultural Osorio Gutiérrez, de Lourenzá, e da orquestra Pontevedra, que tamén actuará na verbena xunto ao dúo Epo-K.
A organización destaca que o campo da festa estará cuberto por unha gran carpa.
O Concello de Xove anuncia que unha vez rematadas as festas patronais de Xove, a celebración continúa esta fin de semana na parroquia de Portocelo, que se prepara para vivir “tres intensas xornadas festivas na honra da Nosa Señora. Os días 4, 5 e 6 de setembro, a música, a gastronomía e a tradición volverán ser protagonistas nun programa pensado para tódolos públicos”.
“As festas darán comezo o venres 4 de setembro ás 21.00 horas coa celebración da Festa da Paella de Marisco ao estilo Portocelo. Nesta ocasión, o encargado de cociñar e servir a paella será o famoso tiktoker zamorano El Papi, que achegará o seu particular estilo a esta proposta gastronómica, que á vez estará amenizada pola Asociación Cultural Saíñas. A música empezará ás 23.00 horas cunha gran verbena, que contará coa actuación do Dúo Musical La Hora Bruja e do Grupo Lecer...
leer más
O Concello de Ribadeo e a Comisión de Festas presentaron o programa das Patronais, que culminará o 8 de setembro cun concerto gratuíto de Mägo de Oz. Daniel Vega e Gonzalo Lebredo destacan a colaboración da Xunta de Galicia e o traballo conxunto que “permite ofrecer unha das programacións máis ambiciosas dos últimos anos”.
O Concello de Ribadeo e a Comisión de Festas de Ribadeo veñen de presentar a programación das Festas Patronais 2026, que se desenvolverá ata o 8 de setembro e que terá como gran novidade e broche final o concerto de Mägo de Oz, unha das bandas máis populares e recoñecibles do rock español. A actuación terá lugar o martes 8 de setembro ás 23:00 horas no recinto dos festexos ribadenses con entrada totalmente gratuíta, dentro da xira La Noche de las Brujas 2026. O concerto permitirá pechar as festas cun espectáculo...
leer más
Vilanova de Lourenzá prepárase para vivir as súas festas patronais do Conde Santo, que se celebrarán do xoves 27 ao luns 31 de agosto. As actividades comezarán este xoves, 27 de agosto, con actuacións do Mago Antón ás 13:30, 18:30 e 20:00 horas na praza César Chavarría. E ás 21:00 horas no claustro terá lugar o pregón das festas a cargo de Pepe de Garrafín.
O venres 28 haberá o Día da Bicicleta con saída ás 17:00 horas desde a praza do Conde Santo cara á Cazolga. Ás 20:00 no Cantón terá lugar o espectáculo Solpores de circo, unha gala para público familiar con pallaso, maxia, malabares, acrobacias aéreas e outros números circenses, con entrada de balde ata completar aforo. E ás 21:30 horas comezará no Mosteiro de San Salvador a cea Lenda do Conde, coa música de Pantera Rosa e Grande Osso.
O sábado 29 ás...
leer más
O Concello de Xove e a Asociación de Festexos Montevelle presentan a programación das festas patronais 2026, que se celebrarán do 27 ao 31 de agosto, cun “amplo programa de actividades pensado para todos os públicos e que combina tradición, cultura, música, gastronomía e lecer”.
As celebracións darán comezo o xoves 27 de agosto ás 12 da mañá cunha actividade infantil na praza anexa á biblioteca a cargo de Caxoto, dentro do programa Ler Conta Moito. Pola tarde o salón de actos do Centro Cívico acollerá o pregón das festas, que será pronunciado por Oliver Escobar, veciño de Xove e catedrático na Universidade de Edimburgo. A xornada rematará coa representación da ópera rock O camiño do amor, do grupo Claxxon, incluída no programa Concertos do Xacobeo.
O venres 28 de agosto continuará a programación coa...
leer más
O Concello de Trabada anuncia a posta a disposición da veciñanza de Vidal dun novo espazo de uso público, resultado do traballo conxunto desenvolvido entre veciños da parroquia, o Concello de Trabada e o equipo de limpeza da Deputación de Lugo. A estrea deste espazo coincide ademais cunha fin de semana especial para Vidal, que este sábado, día 22 de agosto, celebra as súas festas de San Bartolomé.
O Concello de Trabada explica que esta actuación permite que Vidal “conte desde agora cunha zona acondicionada que poderá empregarse para diferentes necesidades da parroquia, especialmente como espazo de aparcadoiro durante a celebración de eventos, así como para outras actividades e iniciativas que se organicen no futuro”.
O alcalde de Trabada, Rubén García, destaca especialmente “a implicación da veciñanza para facer...
leer más