Festas
Do 26 ao 29 de agosto celebraranse as festas patronais de Lourenzá, as do Conde Santo.
Comezarán o 26 coa Farra do Conde, unha cea-baile, na que haberá djs e unha actuación de Toxo Guayaba, co patrocinio de Patrimonio Laurentino. Os tíckets para poder asistir pódense comprar nos bares do pobo.
O 27 de agosto haberá sesión vermú amenizada por Distrito 7, que tamén estará na verbena xunto con La Banda de Nash. O 28 de agosto a sesión vermú correrá a cargo de La Favorita, que repetirá na verbena con Nueva Fuerza. E o luns, 29 de agosto, haberá unha última sesión vermú, amenizada por D Vicio.
Barreiros volve celebrar as Festas do San Bartolo, despois de dous anos de parón debido ao covid19. As festas son o 23 e 24 de agosto.
Hoxe, día 23, comezará as 20:30 horas cunha churrascada popular, coa ración a 12€ e música a cargo de Blanco y Negro, que repetirá na verbena xunto coa orquesta canaria Furia Joven.
Xa o 24, o Día de San Bartolo, terá lugar ás 13:00 horas a misa solemne e procesión na honra de San Bartolo. A continuación, sesión vermú a cargo do Dúo Belinda, que tamén actuará as 22:30 horas na verbena, xunto co grupo Beatriz. O peche da festa farase con un DJ convidado.
A música e a moda dos anos 60 e 70 encherán de son, de luz e dun ambiente vintage o parque de San Francisco este sábado, 27 de agosto.
Alí vaise celebrar a partir das 20:30 horas o Guateque, que organiza a Comisión de Festas de Ribadeo coa colaboración de Acisa. O obxectivo é recadar fondos, por parte da comisión de festas para a celebración das patronais. Ás oito e media da tarde dará comezo ese Guateque dos anos 60 e 70. A cita estará amenizada con música desa época.
Carmen Cruzado, presidenta de Acisa, considera que “é unha boa forma de despedir practicamente o mes de agosto en Ribadeo. O Guateque é unha cita moi bonita pola que hai moita xente agardando e despois do parón da pandemia, creo que será unha xornada na que todos e todas o pasaremos en grande. E ademais é unha maneira de colaborar coa comisión de...
leer más
Óscar Ibáñez & Tribo ofrecerán unha actuación en Xove, na praza do Concello, o 18 de agosto ás dez da noite. Enmárcase a cita no Concertos do Xacobeo.
Despois do grande éxito acadado no Festival Folk Celta de Ponte da Barça (Portugal) e máis no festival Almuenza Folk (Palencia) o gaiteiro e frautista pontevedrés Oscar Ibáñezchegaeste xoves18 de agosto ás 22 h á Praza do Concello de Xove, dentro da programacióndas Festas do San Bartolo e a Virxe do Carme, como parte dos concertos do Xacobeo, promovido polaXunta de Galicia e o Concello de Xove. Entre agosto e setembro, e tamén dentro da programación do Xacobeo, está a levar a súa música aosconcellos de A Lama, Pontevedra,Monterrei eCortegada, Ourense; Padrón, A Coruña; e xafóradeste ciclo a finais de agosto actuará naXuntanza Internacional de Gaiteirosno Castelo de Monterrei,no que...
leer más
A Comisión de festas de Ribadeo presentou o programa para as festas de San Roque e Santa María do Campo, así como o cartel desta última. Os festexos inclúen unha oferta de ocio variada para novos e non tan novos. A segunda quincena de Agosto comezará cas festas de San Roque cunha mexillonada para abrir boca o luns 15. O martes 16 comezará coa saída dos Cocos e cabezudos e conta coa recuperación da sesión vermú e unha tarde e noite de música con artistas ribadenses como Río&Daiv ou o dj Litainer, xogos populares e verbena. O mes seguirá cos Dj´s no Camiño o venres 19 de Agosto frente ao Concello de Ribadeo para continuar cun mercado medieval do 25 ao 28 de Agosto no Parque. O broche de Agosto será o clásico Guateque o sábado 27 a partir das 20:30.
A semana da patroa comezará o venres 2 de Setembro co pregón no teatro a cargo de Iván...
leer más
Os días 15 e 16 de agosto Ribadeo volve a celebrar as Festas de San Roque, con diversas actividades lúdicas, gastronómicas e actuacións musicais.
O San Roque dará comezo o luns, 15 de agosto, as 21:00 horas cunha mexillonada popular. O martes 16 as 11:00 horas comeza a celebración coa tradicional saída dos Cocos e Cabezudos, dende a Oficina de Turismo acompañados do Cuarteto Tradicional Illa Pancha. As 12:00 horas será a misa solemne na Capela de San Roque, seguida da actuación da Banda de Música Municipal de Ribadeo e a sesión vermú, amenizada polo Grupo Fénix.
Á tarde, a partir das cinco terán lugar uns xogos populares e un Obradoiro dos Cocos, impartido polo Centro de Ocio Infantil Con Sentidiño. As 19:30 horas será o concerto de Rio&Daiv e Amoebo e xa á noite verbena co Grupo Fénix, Litainer e a disco...
leer más
Xove celebra as súas festas patronais, na honra de San Bartolo e a Virxe do Carme, do 17 ao 22 de agosto, con actividades lúdicas, gastronómicas e relixiosas, así como diversas actuacións musicais tódolos días.
As festas comezarán o mércores, 17 de agosto, as 20:30h, coa actuación de Queiman e Pousa, “Un verso, un cantar”, na Praza do Concello, da man da Xunta de Galicia. O 18 de agosto comezará ás 12:00h coa obra “A caixa sen pandora” do Teatro Ghazafelhos, na Praza do Concello, da man de Ler conta moito. As 20:30h será o pregón das Festas, no Salón de Actos do Centro Cívico, a cargo de Xan Carballal, director da Orquestra Clásica de Xove, seguido polo concerto de Óscar Ibáñez & Tribo na Praza do Concello as 22:00h, organizado por Concertos do Xacobeo.
O venres, 19 de agosto, estará instalado o escape hall “...
leer más
O Concello de Cervo celebrará as Festas na Honra da Nosa Señora, San Roque e o Carme, do 14 ao 20 de agosto, cando terá lugar a Queimada Popular, festa declarada de Interese Turístico Galego.
A cita foi presentada polo rexedor, Alfonso Villares, pola tenente alcalde Dolores García Caramés, pola edil de Medio Ambiente, Mali Méndez, e por unha representación da asociación Airiños do Xunco, da Comunidade de Montes A Bidueira, da S.D. Cervo Sargadelos e da A.C. Rego Cachón que organizan a Festa.
Os festexos arrincarán o domingo 14 de agosto coa popular Festa do Ovo Frito que contará coa actuación da Mekanica Rolling Band e con DJ Chente.
Xa o luns 15 de agosto, ás 13:00 horas está prevista a misa solemne cantada polo Coro de Cervo, seguida de procesión. A continuación haberá sesión vermú a...
leer más
Do 13 ao 15 de agosto terán lugar as festas na honra da Nosa Señora en Ourol.
O sábado 13 ás 10:00 horas terá lugar o Gran Premio San Roque – Ourol, unha competición ciclista con distintas categorías, organizada polo Club Ciclista Viveiro.
O domingo 14 comezará a celebración as 21:00 horas co pregón das festas, que corre a cargo de Javier Mariño Chao, profesor do IES María Sarmiento e autor do libro “La jarra del trotamundos”. Despois ás 22:15 horas realizarase a gran cena popular, servida por Catering Rochela de Vilalba, seguida por unha gran verbena amenizada polo Grupo Fénix e a Orquestra Venezia.
Xa o luns 15 as 13:00 horas será a misa solemne e a procesión, á que seguirá a sesión vermú prolongada no atrio da Igrexa, amenizada polo Grupo Tapyöka.
Os festexos...
leer más
O Concello de Viveiro presentou a programación completa das súas Festas Patronais 2022, que durante tres semanas no mes de agosto ofrecerán actividades culturais de todos os estilos e para todas as idades.
“Despois de dous veráns de limitacións pola pandemia, recuperamos o pulso habitual das festas, que ademais da programación serán un lugar de encontro para os veciños de Viveiro, os familiares que viven fóra o resto do ano e os turistas que chegan á nosa vila”, asegura a alcaldesa, María Loureiro.
O concello retoma este ano a tradición do pregón das festas patronais a cargo do escritor Ramón Pernas, natural de Viveiro. Será o día 14 de agosto ás 13:00 horas desde o balcón da Biblioteca Municipal. Actuará alí a Banda Municipal o Landro interpretando o himno ‘Catro Vellos Mariñeiros’.
...
leer más