Trabada
O Concello de Trabada dá continuidade ao programa Viaxa co Concello de Trabada, “unha iniciativa que conta cunha excelente acollida entre a veciñanza e que ten como obxectivo ofrecer alternativas de lecer, convivencia e descubrimento doutros territorios, sempre con todas as garantías de seguridade e organización”. Nesta nova edición o programa inclúe unha viaxe que terá lugar os días 13, 14 e 15 de marzo con destino a San Sebastián, Castro Urdiales, Bilbao e San Juan de Gaztelugatxe. O prezo da viaxe será de 265 euros por persoa.
O paquete inclúe seguro de viaxe, dúas noites en hotel de catro estrelas en habitación dobre, almorzos buffet de sábado e domingo, cea buffet os venres e sábados, comida o venres e o domingo, así como a entrada ao tren turístico en San Sebastián. A comida do sábado realizarase a través dunha ruta...
leer más
La Cena de Comadres en Sante, parroquia del municipio de Trabada, se celebrará el día 7 de febrero, sábado, a las 22:00 horas.
Está organizada por la Asociación de Vecinos de Sante, el aforo es limitado y para participar hay que inscribirse previamente a través del teléfono 649.60.62.62. El plazo finaliza el 31 de enero.
A asociación cultural O Picato convoca a décima edición do concurso para elixir o cartel anunciador do Entroido de Trabada.
As bases do certame indican que “poderán participar tódalas persoas que así o desexen con traballos en tamaño din a4 (folio). A temática é libre, sempre e cando recolla o espírito do Entroido. A data límite de entrega é o venres 23 de xaneiro de 2026 ás 18.00 horas. Os traballos recolleranse na Librería Aenlle, de Trabada. Cada participante entregará un máximo de dúas obras, que serán anónimas: os datos persoais do/a autor/a deberán ir en sobre pechado xunto co debuxo”.
O premio para o gañador é de 50 euros e darase durante a entrega dos premios do desfile de Entroido.
O fallo do xurado, formado pola xunta directiva da asociación cultural O Picato, darase a coñecer o...
leer más
A comisión de festas de Trabada organiza un cocido no pavillón municipal o día 31 de xaneiro, sábado.
As actividades do evento comezarán ás 13:00 horas con sesión vermú amenizada por Puma Dúo e a continuación servirase a comida, que incluirá sopa de cocido, morro, orella, lacón, costela, botelo, chourizo, verdura, garavanzos e cachelos, ademais de postre, viño, auga, refrescos, café e chupito. Despois haberá festa con Puma Duo e o sorteo dunha cesta de Entroido. A venta de entradas para participar estará aberta ata o 26 de xaneiro.
O Concello de Trabada inaugurará o día 25 de xaneiro, domingo, a partir das 12:15 horas, o novo centro social da parroquia da Ría de Abres. Un acto ao que están convidadas todas as veciñas e veciños do municipio, e de maneira especial, a veciñanza desta parroquia.
“No acto de inauguración contarase coa presenza da presidenta da Deputación de Lugo, Carmela López, ademais de representantes municipais. Tras a apertura oficial do novo espazo, haberá un pequeno picoteo para todas as persoas asistentes, co obxectivo de compartir este momento tan especial para a parroquia”, anuncia o Concello de Trabada, que engade: “este novo centro social supón un proxecto moi ilusionante para o Concello, xa que a Ría de Abres era a única das oito parroquias de Trabada que non dispoñía ata agora dun local social propio no que a veciñanza puidese reunirse,...
leer más
O Concello de Trabada continúa a apostar pola capacitación dixital da veciñanza coa celebración dunha nova acción formativa enmarcada no programa E para dixitalizarse, Lugo, “tras o éxito das formacións desenvolvidas a finais do pasado ano no municipio”. Nesta ocasión a actividade levarase a cabo baixo o título Ciberseguridade: acoso, grooming e estafas, unha formación orientada a dotar á cidadanía de ferramentas básicas para identificar riscos en internet e facer un uso seguro e responsable das tecnoloxías dixitais. Terá lugar na Casa da Cultura de Trabada (Rúa do Concello, 40), os días 2, 3, 4, 9, 10, 11 e 16 de febreiro, en horario de 10:00 a 13:00 horas. O curso conta cun total de 12 prazas e o prazo de inscrición permanecerá aberto ata o 17 de xaneiro.
Este obradoiro forma parte do programa de formacións dixitais que...
leer más
A parroquia de Sante, no municipio de Trabada, celebrará este sábado, día 10 de xaneiro, a festa na honra do seu patrón, San Xulián.
As actividades comezarán ás 13:00 horas con misa solemne. A continuación haberá sesión vermú amenizada polo dúo Colimbo e desde as 15:00 horas terá lugar un cocido popular no que para participar hai que anotarse previamente e o prazo remata este martes, 6 de xaneiro. Despois haberá baile. Será no polideportivo de Sante, onde se disporá de calefacción.
Este sábado, día 3 de xaneiro, ás 21:00 horas a Casa da Cultura de Trabada acollerá a representación teatral titulada Ai! Señor, señor,…, a cargo do grupo Adala. Esta actuación enmárcase dentro dos ciclos culturais que o Concello vén desenvolvendo de maneira regular, “apostando polo teatro e pola dinamización cultural no municipio”.
O Concello de Trabada tamén anuncia que “o domingo 4 de xaneiro Trabada vivirá un dos momentos máis agardados polas familias coa celebración da tradicional Cabalgata dos Reis Magos, organizada pola Asociación Cultural O Picato, coa colaboración do Concello. A partir das 16:00 horas os Reis Magos visitarán o CAM, onde se fará entrega de roscóns para os maiores. Ás 17:30 horas dará comezo a cabalgata, cun percorrido desde a Casa da Cultura ata o Pavillón Municipal de Deportes, acompañados polo grupo de...
leer más
A Cabalgata dos Reis Magos en Trabada, será este domingo, día 4 de xaneiro.
Está organizada pola asociación cultural O Picato, que anuncia: “a pesar de que están con moito traballiño, Melchor, Gaspar e Baltasar non queren deixar de visitarnos e pasar un anaquiño con nós, o domingo 4 de xaneiro. Ás 17:30 horas sairán da Casa da Cultura acompañados da banda de gaitas Brisas del Eo, ata o Pavillón Municipal de Deportes, onde entregarán a cada nen@ un pequeno agasallo. Por último disfrutaremos dunha chocolatada con roscón a ritmo de música tradicional”.
A asociación cultural O Picato, de Trabada, organiza un obradoiro de felpudos de Nadal o día 27 de decembro, sábado. Será ás 17:00 horas na Casa da Cultura de Trabada, para participar hai inscribirse e o prazo remata o 22 de decembro.
“¿Queres pintar o teu propio felpudo navideño e pasar un anaquiño agradable? Isto é o que buscas. O 27 de decembro esperámosvos na Casa da Cultura de Trabada ás 5 da tarde”, anuncia a asociación O Picato.