Trabada
O Concello de Trabada desenvolverá durante este curso 2026/2027 o Programa Municipal de Orientación e Acompañamento a Familias, composto por catro actividades que terán lugar na Casa da Cultura entre os meses de outubro de 2026 e maio de 2027.
A programación comezará o 20 de outubro ás 16:30 horas coa charla para familias titulada Sácalle partido ao teu estudo, centrada en ofrecer pautas para axudar aos nenos e nenas no seu rendemento académico.
A segunda actividade celebrarase o 1 de decembro, tamén ás 16:30 horas. Neste caso será un Espazo de Orientación a Familias baixo o tema A educación en positivo, concibido como un grupo para dialogar, compartir e abordar cuestións relacionadas coa educación familiar.
Xa en 2027, o 30 de marzo terá lugar a charla Educamos a...
leer más
O Concello de Trabada organiza unha nova viaxe que nesta ocasión terá como destino Portugal. A actividade desenvolverase os días 6, 7 e 8 de novembro e permitirá ás persoas participantes coñecer Oporto, Aveiro e o Bom Jesus do Monte.
Esta iniciativa, que “conta cunha moi boa acollida desde a primeira viaxe organizada polo Concello, busca ofrecer á veciñanza novas oportunidades para descubrir outros lugares, compartir experiencias e desfrutar de actividades de convivencia fóra do municipio”, explica o Concello.
O alcalde de Trabada, Rubén García Freije, destaca que “este programa está a ter unha resposta moi positiva desde que organizamos a primeira viaxe. Para nós é importante ofrecer actividades que permitan á veciñanza coñecer novos destinos, pero tamén compartir tempo, relacionarse e desfrutar de experiencias...
leer más
O Concello de Trabada pon en marcha un novo curso do programa de terapia ocupacional dirixido ás persoas maiores, “unha iniciativa gratuíta que se vén desenvolvendo desde hai anos e que conta cunha moi boa acollida entre as persoas participantes”.
As sesións comezarán os días 29 e 30 de setembro e 1 de outubro, e continuarán ata o mes de xuño. A actividade desenvolverase os martes, mércores e xoves, achegándose a diferentes parroquias do concello para facilitar a participación das persoas maiores.
“Da man dun profesional da terapia ocupacional, durante as sesións realízanse diferentes exercicios e dinámicas orientadas a traballar tanto a parte física como a cognitiva, contribuíndo a manter a axilidade, estimular as capacidades e favorecer un envellecemento activo”, explica o Concello de Trabada.
... leer más
O Concello de Trabada anuncia que este venres, día 11 de setembro, ás 19:00 horas o Centro Social de Ría de Abres acollerá a presentación do libro de José Antonio Gómez Martínez titulado El ferrocarril de Villaodrid a Ribadeo.
Esta públicación é “unha obra que contribúe a recuperar e poñer en valor a historia do ferrocarril de Villaodrid a Ribadeo. Unha oportunidade para coñecer mellor a historia dun ferrocarril que tivo unha importante presenza e deixou a súa pegada no noso territorio”, destaca o Concello de Trabada.
O Concello de Trabada e a asociación Trabada, paso a paso organizan unha ruta a pé desde Piñeiro, no municipio de Ribadeo, ata a área recreativa da Choza, en Ría de Abres.
“Esta fin de semana toca sacar as botas e descubrir Trabada! Este domingo 13 toca gozar de sete quilómetros de natureza, patrimonio e boa compañía entre Piñeiro e a Área Recreativa da Choza. E para rematar comida na Choza! “, anuncia o Concello de Trabada.
A saída será ás 10:00 horas desde a Praza do Concello de Trabada.
O prazo de inscricións está aberto ata este mércores, 9 de setembro, a través do teléfono 982.135.011.
La tercera edición de la Voltiña a Sante, en el municipio de Trabada, se celebrará este domingo, día 30 de agosto
La organización explica que la salida se hará desde el Teleclub de Sante a las 11.00 horas para realizar un recorrido de 2 h y minutos aproximadamente, en el que es obligatorio el uso de chaleco y se recomienda llevar ropa y calzado cómodo.
Después de la caminata, a partir de las 14:30 horas, habrá una Gran Paellada, en la que para participar hay que inscribirse antes del 27 de agosto a través de los teléfonos 636.024.263 o 677.331.980.
La organización aclara que no es necesario participar en la ruta para ir a comer la paella porque la comida es abierta a todas las personas y recuerda que es imprescindible anotarse con antelación.
O Concello de Trabada anuncia a posta a disposición da veciñanza de Vidal dun novo espazo de uso público, resultado do traballo conxunto desenvolvido entre veciños da parroquia, o Concello de Trabada e o equipo de limpeza da Deputación de Lugo. A estrea deste espazo coincide ademais cunha fin de semana especial para Vidal, que este sábado, día 22 de agosto, celebra as súas festas de San Bartolomé.
O Concello de Trabada explica que esta actuación permite que Vidal “conte desde agora cunha zona acondicionada que poderá empregarse para diferentes necesidades da parroquia, especialmente como espazo de aparcadoiro durante a celebración de eventos, así como para outras actividades e iniciativas que se organicen no futuro”.
O alcalde de Trabada, Rubén García, destaca especialmente “a implicación da veciñanza para facer...
leer más
A asociación cultural O Picato, de Trabada, organiza a Festa do Verán para o día 21 de agosto, venres. Será desde as 17:00 ás 20:00 horas no pavillón municipal de Trabada.
Haberá inchables, toro mecánico, música, merenda gratuíta para os nenos e nenas e máis actividades.
Trabada prepárase para vivir unha intensa fin de semana coa celebración das festas na honra á Nosa Señora e San Roque, que terán lugar os días 14, 15 e 16 de agosto na explanada do parque, cun programa de actividades organizado pola comisión de festas e coa colaboración do Concello.
O Concello de Trabada anuncia que a programación dará comezo este venres, 14 de agosto, cunha cea á que seguirá a verbena co Grupo Aché e DJ Litanea. O sábado 15 contará con sesión vermú coa orquestra Magos e pola tarde chegará o Mago Antón, que ofrecerá tres pases na explanada do parque, ás 18:00, 19:30 e 21:00 horas, coincidindo coa celebración do seu 50 aniversario. Pola noite a verbena correrá a cargo de Puma Dúo, orquestra Magos e DJ Ello. A programación continuará o domingo 16 de agosto, con sesión vermú a cargo do Grupo La Tremenda e DJ BRF. Durante a...
leer más
O Concello de Trabada traslada á veciñanza información detallada sobre a eclipse solar total que terá lugar este mércores, 12 de agosto, un fenómeno astronómico excepcional que poderá observarse desde o municipio e que terá a súa fase de totalidade ao redor das 20:28 horas: segundo os datos do Observatorio Astronómico Nacional, en Trabada a eclipse comezará ás 19:31 horas, mentres que o inicio da totalidade está previsto para as 20:27:12 horas. O máximo da eclipse producirase ás 20:28:06 horas, alcanzándose nese momento o 100 % de ocultación do Sol, e a totalidade rematará ás 20:28:54 horas. A eclipse completa finalizará ás 21:21:30 horas, cunha duración total de aproximadamente 1 hora e 50 minutos, mentres que a fase de totalidade terá unha duración de 1 minuto e 46 segundos.
Para facilitar a observación deste fenómeno, o Concello de...
leer más