Ruta

Etiquetas:
06/03/2024

Os cabaleiros da Asociación Equina A Medela están organizando o XXV Aniversario da fundación da Asociación, celebración centrada na XXV RUTA CABALAR que se vai desenvolver o domingo 17 de marzo e que foi presentada no Concello. O programa que van desenvolver é o seguinte:

-10:00 h. RUTA A CABALO. Saída do Campo da Igrexa de Sumoas (Xove), pasando pola Lagüela (Xove), erntorno da Praia de Lago, entorno dos Cantís de Papel de Morás e retorno ao lugar de saída.

A metade da Rutas vanse servir uns pinchos para os participantes. Rematada a Ruta vai haber un xantar na carpa ubicada no Campo da Igrexa de Sumoas (Xove) servido pola Pulpería Mario.

Rematado o xantar, todos os/as asistentes van disfrutar dunha sobremesa musical amenizada por un grupo, e tamén participarán nun sorteo de agasallos....

leer más
Etiquetas:
06/03/2024

A asociación Os Sendeiros, de Foz, fará o 24 de marzo, domingo, a ruta Seimeira de Vilagocende, no concello da Fonsagrada. A saída desde Foz será ás 07:30 horas e ás 07:45 horas desde Ferreira do Valadouro.

Os prezos desta actividade, incluído o xantar de cocido, son: 55 euros para socios federados, 60 euros para socios non federados e 65 euros para socios temporais.

O prazo para anotarse remata o 19 de marzo e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.

Para participar nesta ruta, que é de 8,5 quilómetros con dificultade media-alta, a organización recomenda  levar equipo de sendeirismo.

 

Etiquetas:
03/03/2024

A Asociación de Sendeirismo Terras de Lourenzá organiza percorrido pola ruta Mina Carmina, no municipio asturiano de San Martín de Oscos, para o 16 de marzo, sábado. A distancia a percorrer son 11 quilómetros e a dificultade é baixa. Ao rematar a camiñada os participantes xantarán nun restaurante.

A saída será ás 08:00 horas desde o Cantón de Vilanova de Lourenzá e as inscricións deben facerse antes das 20:00 horas do 13 de marzo, chamando aos teléfonos 699.70.60.31 (Mahía) ou 647.06.70.54 (Javier). O prezo é de 35 euros para os socios do colectivo organizador e de 40 euros para os que non o son. 

 

Etiquetas:
02/03/2024

A Asociación Deportiva de Sendeirismo Pasada das Cabras, de Burela, fará a ruta Camiño Vello de Aldosende, en Paradela, o sábado 9 de marzo. O prezo é de 35 euros para os socios do colectivo organizador e de 45 euros para os que non o son. Inclúe autobús, comida e seguro. A saída será ás 08:00 horas desde a estación de autobuses de Burela.

É unha ruta de dificultade moderada, con 11 quilómetros de percorrido. A organización recomenda levar bastón e calzado apropiado.

As persoas que queiran participar deben anotarse antes do 7 de marzo.

Etiquetas:
22/02/2024

A Asociación Equina A Medela organiza a vixésimo quinta edición da súa ruta cabalar en Xove o domingo 17 de marzo.

As actividades empezarán ás 10:00 horas coa saída dos participantes desde o campo da igrexa de Sumoas, onde tamén rematará o percorrido e terá lugar o xantar nunha carpa. O evento estará amenizado por un grupo musical e haberá sorteo de agasallos entre os asistentes. As inscricións para participar, que teñen un prezo de 30 euros por persoa, poden facerse ata o 13 de marzo.

Para esta actividade a asociación A Medela conta coa colaboración do Concello de Xove.

 

Etiquetas:
17/02/2024

A asociación Os Sendeiros, de Foz, fará do 21 ao 23 de xuño unha ruta por Pena Trevinca e Puebla de Sanabria. A saída desde Foz será o venres día 21 ás 16:00 horas e ás 16:15 horas desde Ferreira do Valadouro.

Os prezos desta actividade, en réxime de pensión completa, son: 260 euros para socios federados, 265 euros para socios non federados e 270 euros para socios temporais.

O prazo para anotarse remata o 27 de febreiro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade medio-alta, a organización recomenda  levar equipo de sendeirismo.

Os responsables de Os Sendeiros explican que “la ruta del mes de junio será para...

leer más
Etiquetas:
12/02/2024

A Asociación de Sendeirismo Terras de Lourenzá organiza unha ruta por Río de Porcos, en Negueira de Muñiz, para o 24 de febreiro, sábado. A distancia a percorrer son 12 quilómetros e a dificultade é baixa. Ao rematar a camiñada os participantes xantarán un cocido tradicional nun restaurante da zona. As prazas están limitadas polo aforo do local.

A saída será ás 07:30 horas desde o Cantón de Vilanova de Lourenzá e as inscricións deben facerse antes das 14:00 horas do 20 febreiro, chamando aos teléfonos 619.82.87.84 (Pura) ou 647.06.70.54 (Javier). O prezo é de 45 euros para os socios do colectivo organizador e de 50 euros para os que non o son. 

O colectivo organizador explica: “a ruta de febreiro levaranos por primeira vez ata Negueira de Muñiz. Trátase dunha ruta por asfalto, polo que non son precisas botas de...

leer más
Etiquetas:
07/02/2024

A asociación Os Sendeiros, de Foz, fará o 25 de febreiro, domingo, unha ruta desde Cadavedo a Querúas, no municipio de Valdés (Asturias). Servirá para retomar o irmandamento do colectivo focego co grupo de montaña MIES, de Oviedo. A saída desde Foz será ás 07:30 horas e ás 07:45 horas desde Ferreira do Valadouro.

Os prezos desta actividade, incluído o xantar, son: 35 euros para socios federados, 40 euros para socios non federados e 45 euros para socios temporais.

O prazo para anotarse remata o 20 de febreiro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.

Para participar nesta ruta, que é de dificultade baixa, a organización recomenda  levar equipo de sendeirismo.

... leer más
Etiquetas:
06/02/2024

A Pontenova celebrará este sábado, 10 de febreiro, unha ruta de tapas de Entroido, na que participan seis establecementos hostaleiros: O Lar de Balbina, Sidrería A Mina, Cafetería Casa da Cultura, Rony Bar, Bar Puente e Restaurante San Briz.

Entre os clientes que selen a súa tarxeta en todos os establecementos sortearanse vales regalo de 50 euros para gastar no comercio da Pontenova.

É unha iniciativa organizada polo Centro de Iniciativas Turísticas da Pontenova coa colaboración do Concello.

 

Etiquetas:
31/01/2024

Este venres, 2 de febreiro, comezará a ruta semanal de petiscos nas localidades de Cervo e Sargadelos, iniciativa que se desenvolverá en catro establecementos hostaleiros: O Caseto de Copa, Pousada O Almacén, A Taberna de Sargadelos e Café Bar Cultural A Sacabeira. 

Haberá o sorteo mensual dunha cea en cada local participante.
 
Os organizadores anuncian: “prometemos sorprendervos e facervos desfrutar cunha degustación de petiscos elaborados, polo módico prezo de 2, 50 euros unidade. Tamén haberá sorpresas e sorteos para as persoas participantes. Así que xa sabedes, animádevos a vivir esta experiencia e comezar a fin se semana do mellor xeito posible: cun percorrido gastronómico nunha contorna única e máxica”.

Nesta iniciativa colabora o Concello de Cervo.