A Pontenova
O Centro de Iniciativas Turísticas (CIT) da Pontenova organiza unha paella popular para o día 24 de xullo, xoves. Será na Praza dos Fornos ás 22:00 horas.
“Os/as interesados/-as teñen de prazo ata o luns día 21 de xullo para retirar os tíckets, que están á venda en: Sidrería A Mina, Bar Puente, O Lar de Balbina e San Briz. O prezo para socios/-as é de 5 euros (os menores de 12 anos non pagan, pero igualmente deberán recoller o seu tícket). E o prezo para non socios é de 15 euros”, anuncia o CIT da Pontenova.
O IV Descenso de Carrillanas da Pontenova, que nesta ocasión é campionato europeo, disputarase os días 26 e 27 de xullo, sábado e domingo, e foi presentado este martes.
A Vicepresidencia da Deputación de Lugo anuncia que “colabora co club Motoreo na organización do IV Descenso de Carrilanas da Pontenova, que se celebrará os vindeiros 26 e 27 de xullo. A competición, presentada este martes na Praza dos Fornos da Pontenova, conta nesta edición coa bitola de Campionato Europeo, un fito xa que será a primeira vez que Galicia acolla unha proba deste nivel e a segunda que se celebre en España. A área de Mocidade achega 3.000 euros á organización da proba, na que se prevé a participación de máis dun cento de vehículos, entre eles arredor dunha quincena da Pontenova e dos concellos da contorna. O descenso desenvolverase nun treito entre Vilar das...
leer más
A parroquia de Xudán, no concello da Pontenova, celebrará as festas na honra a Santa María Magdalena esta fin de semana, desde o venres 18 ata o domingo 20 de xullo.
As actividades comezarán o venres 18 a partir das 22:00 horas cunha churrascada popular e seguidamente haberá verbena a cargo do dúo Dilema e DJ Bombardero.
O sábado ás 13:30 horas celebrarase misa solemne e despois procesión e sesión vermú co trío Karma, que tamén actuará na verbena.
E o domingo ás 14:00 horas haberá misa solemne, procesión e sesión vermú amenizada polo grupo de música tradicional A Chocolateira, da Pontenova.
A asociación Equus Norte prepara a segunda edición da Rapa das Bestas de Neipín (A Pontenova) que se celebrará o vindeiro 19 de xullo coa colaboración da Vicepresidencia da Deputación de Lugo e do Concello da Pontenova.
A área de Rural da Deputación, que impulsou a posta en marcha da rapa o ano pasado co financiamento da instalación do curro no Alto de Neipín, mantén o apoio económico á organización desta celebración arredor do mundo do cabalo. Ademais de contribuír aos gastos derivados da propia xornada, a área dirixida por Daniel García impulsou este ano novas melloras co financiamento dun peche móbil para reter os animais nun lugar antes do inicio da actividade no curro e dun fito informativo, instalado xa a carón do propio curro. Alí presentouse o cartaz desta segunda edición da rapa que comeza na véspera , o 18 de xullo, con...
leer más
O Concello da Pontenova organiza un campamento de verán, que se desenvolverá desde o día 14 de xullo ata o 14 de agosto de luns a venres de 10:00 a 14:00 horas.
E para nenas e nenos de 3 a 14 anos de idade. Hai límite de prazas (50 por orde de inscrición) e o prazo para apuntarse -na Casa do Concello ou a través do teléfono 982.34.22.77- está aberto ata o 10 de xullo.
O club de billarda Troitas Bravas, da Pontenova, organiza o III Aberto A Carón da Lúa. Será na Praza dos Fornos o día 5 de xullo, sábado.
As actividades comezarán ás 16:00 horas cun obradoiro de billarda; ás 17:30 horas haberá Xogos Billardeiros e desde as 22:00 horas terá lugar o Aberto A Carón da Lúa.
Pero non só haberá billarda, anuncian os organizadores, porque ás 20:00 horas “no marco do programa Tradigalu, da Área de Cultura da Vicepresidencia da Deputación de Lugo, contaremos ca actuación do Cuarteto Tradicional Illa Pancha. Estes catro artistas agasallarannos co seu mellor repertorio de música tradicional e prometen facernos bailar ata ó esgotamento. Así que, xa sabedes, preparade o voso mellor calzado de baile que imos sacarlle brillo á Praza dos Fornos”. E tamén explican que “@s compañeir@s de A...
leer más
Saldoira, no concello da Pontenova, celebra as festas na honra a San Pedro da Ribeira esta fin de semana, venres 27 e sábado 28 de xuño.
As actividades comezarán o venres ás 22:00 horas cunha churrascada, na que para participar hai que reservar e o prazo remata este mércores, 25 de xuño. A continuación haberá festa e verbena co grupo Montreal.
E o sábado celebrarase misa solemne ás 14:00 horas, seguida de procesión e sesión vermú co dúo Colimbo. Haberá merendas no campo da festa, que estará acondicionado con merendeiros. E pola noite a festa e verbena estará amenizada polo grupo La Rosa e o dúo Colimbo.
O vicepresidente da Deputación de Lugo, Efrén Castro, participou este luns na presentación da XII Subida A Pontenova, que se celebrará esta vindeira fin de semana, sábado 28 e domingo 29 de xuño, na Pontenova, co apoio da Vicepresidencia da Deputación de Lugo, que anuncia: “o rally mantén o trazado habitual pola estrada LU-P-4803 entre A Pontenova e Augaxosa (Riotorto), un percorrido de 4,8 quilómetros que pasa polas parroquias de Vilameá, Rececende e Santo Estevo, con puntos especialmente atractivos para as afeccionadas e afeccionados como o paso polas curvas das Cruces e da Picota e por Vilar das Pedras. A organización ofrece servizo de transporte gratuíto para facilitar o desprazamento polo percorrido”.
A Praza dos Fornos acollerá o parque de custodia, no que se concentrarán os vehículos durante a mañá do sábado para realizar as...
leer más
O Concello da Pontenova anuncia que a piscina municipal reabrirá para a tempada deste verán o día 26 de xuño, xoves, ás 13:00 horas.
A instalación estará aberta todos os días, de luns a domingo, de 13:00 a 21:00 horas.
A Pontenova fará unha fogueira de San Xoán con concurso de tortillas. Será no Forno de Boulloso o día 23 de xuño, luns.
As actividades comezarán ás 20:30 horas co concurso de tortillas. Os organizadores, que son o Concello e o CIT da Pontenova, explican que “entre tódalas tortillas que se presenten un xurado popular elixirá as tres mellores”. Os premios son unha cea para dúas persoas no Lar de Balbina, San Briz e Sidrería A Mina.
Ás 21:00 horas degustaranse as tortillas presentadas e tamén chourizos á grella, torrezos e pan.
Haberá servizo de bar e música a cargo da asociación A Chocolateira e DJ Bombardero.