Novela

A agrupación cultural Francisco Lanza anuncia que este venres, día 2 de outubro, vai visitar Ribadeo Xurxo Souto para presentar o seu último libro: A novela do bravú. “Aproveitando a súa visita imos facer un pequeno percorrido polas nosas Palabras na varanda, que desde maio inzan da cor das nosas letras galegas os balcóns de Ribadeo”, explica a agrupación Francisco Lanza, que engade: “comezaremos o paseo ás 20:00 horas na rúa San Francisco, ao pé da igrexa, para seguirmos pola Praza de Abaixo e despois rúa Antonio Otero, até chegar á Praza do Patín, cabo da Biblioteca Municipal El Viejo Pancho. Alí ás 20:30 horas daremos paso á presentación d’A novela do bravú”.

A agrupación cultural Francisco Lanza destaca: “temos moi boas lembranzas das anteriores visitas de Xurxo Souto a Ribadeo e cremos que de novo imos pasar...

Este sábado, día 23 de maio, terá lugar a entrega do II Premio Álvaro Cunqueiro de Novela a Luís Rei Núñez por Elas dúas. Será en Mondoñedo, no Salón de Plenos do Concello, nun acto que presidirá o alcalde, Manuel Ángel Otero Legide, onde tamén estarán presentes outras autoridades, membros da corporación, compoñentes do xurado e representantes de Galaxia, editora da novela gañadora.

Luís Rei Núñez recibirá de mans do alcalde o diploma e placa acreditativos da obtención do premio, así como tamén o primeiro exemplar publicado da obra.

O Concello de Mondoñedo lembra que este galardón lle foi outorgado por unanimidade a Luís Rei Núñez o pasado mes de decembro por un xurado composto por Ánxela Gracián, Rosalía Morlán, Marta Neira, Marcos Calveiro e Armando Requeixo, aos que se sumou como secretario con voz e...

O domingo 22 de marzo ás doce do mediodía terá lugar a presentación en Mondoñedo da cuarta novela do autor alfocés Lionel Rexes: As donas da noite. Será na Casa da Penela, na parroquia de Vilamor.

Galardoada o pasado ano co premio Balbino de Relatos, convocado por Edicións Fervenza, As donas da noite "é un texto orientado ao público xuvenil, aínda que apto para calquera tipo de lector. No seu argumento están presentes varios eixos que poñen o foco na dicotomía urbe/rural, mais, sobre todo, na incorporación ao ámbito aldeán de persoas novas e orixinarias da cidade. Do mesmo xeito, a trama incide na problemática da acollida de determinadas formas de pensamento e a comprensión da defensa de causas sociais por parte das sociedades rurais. Así, con estas premisas, desenvólvese un argumento que recrea a chegada dun grupo de...

O escritor Manuel Esteban falará da súa novela, titulada A lei do mar, en Foz, Alfoz e Barreiros o venres 20 e o sábado 21 de febreiro.

Este venres, día 20 de febreiro, ás 20:30 horas estará na Libraría Bahía, de Foz, o escritor Manuel Esteban, nun coloquio no que falará sobre a súa última novela: A lei do mar. Este coloquio está organizado polo Club de Lectura  A carón dos libros e é aberto para todo aquel que queira asistir.

Ademais Manuel Esteban visitará o club de lectura de Alfoz, o mesmo venres 20 pola tarde, e o sábado 21 ás 12:00 horas estará no club de lectura de Barreiros, ámbolos dous actos organizados polos respectivos Concellos, anuncia Libraría Bahía, que explica: “a novela lévanos dos escenarios pandémicos en España ata a terrible realidade da xente que procura chegar ás costas europeas...