Certámenes
Xove acollerá o venres 26 de decembro ás 21:30 horas no Pavillón Municipal de Deportes a XIII edición do seu tradicional concurso de karaoke, “unha das citas máis destacadas e agardadas dentro da programación cultural do Concello para estas datas de Nadal”.
Para elo xa está aberto o prazo de inscrición e dende a organización animan “a todas as persoas, sexan profesionais do micrófono ou simples amantes da música, a anotarse xa para participar. Non importa a idade nin o estilo musical: o importante é pasalo ben e compartir un momento único”.
O Concello de Xove engade: “convertido xa nunha actividade de grande tradición e arraigamento no municipio, o Karaoke de Nadal de Xove destaca cada ano polo seu éxito de participación e pola crecente afección pola música con participantes tanto do propio concello como de...
leer más
A asociación cultural O Picato, de Trabada, convoca un concurso de decoración de Nadal que “será de adornos feitos de materiais reciclados, que serán expostos na Praza do Concello”.
As bases do certame son as seguintes: “os adornos terán que ser realizados con materiais reciclados (rodas, plásticos, madeira...) e de temática navideña; serán expostos na Praza do Concello, sendo data límite de entrega o 18 de decembro e quedando alí ata o 7 de xaneiro; os participantes poñeranse en contacto cos membros da directiva para a coordinación de entrega dos mesmos; poderá participar calquera persoa, asociación ou entidade; os premios serán de carácter presencial, sendo a entrega dos mesmos o día do Mercadiño de Nadal (20 de decembro) sobre as 19:00 horas; os membros do xurado serán persoas alleas á directiva da A.C. O Picato para unha maior...
leer más
O Concello de Mondoñedo convocou a sétima edición do Concurso de Decoración de Nadal.
“O Nadal xa se achega e queremos que Mondoñedo volva lucir con toda a maxia e a creatividade da nosa veciñanza”, anuncia o Concello.
Poden participar persoas empadroadas en Mondoñedo, propietarios de inmobles ou establecementos no municipio, tanto de forma individual como colectiva.
As categorías son: vivendas particulares; establecementos e negocios; decoración colectiva en rúas ou prazas do casco urbano; e decoración colectiva nas parroquias ou barrios do rural.
As inscricións están abertas ata o 5 de decembro na Oficina de Turismo ou a través do teléfono 982.50.71.77. Será necesario enviar unha fotografía da decoración para a valoración do xurado.
Os...
leer más
O Concello de Barreiros, a través da súa Biblioteca Pública, pon en marcha para este Nadal os certames de debuxo e poesía infantil.
O de debuxo é “para a xente máis miúda (de 3 a 5 anos), unha única categoría e os debuxos faranse en cartolina A-4”.
E o de poesía é “para a cativada ata os 16 anos con 3 categorías: ata 8 anos; de 9 a 11; e de 12 a 16 anos. Os poemas deberán ser en galego e cunha extensión máxima dun folio por unha soa cara. Os traballos premiados nesta fase local participarán na fase provincial do certame convocado pola Biblioteca Pública de Lugo, co patrocinio da Consellería de Cultura, Lingua e Xuventude da Xunta de Galicia”.
O Concello de Barreiros explica que “os traballos pódense presentar nos colexios de Barreiros ou entregalos na Biblioteca Pública Municipal ata o...
leer más
O Concello de Cervo vén de convocar un concurso de postais de Nadal dirixido ao alumnado de infantil e primaria do municipio. As obras terán que ter como tema o Nadal, a técnica é libre e os traballos deben presentarse nunha cartolina tamaño folio. Os orixinais teñen que entregarse na Casa da Cultura de San Ciprián ou na Casa do Concello, sen asinar e acompañados dun sobre pechado que conteña os datos persoais do autor: nome, apelidos, idade, colexio e número de teléfono. Establécese un premio por cada modalidade: de 3 a 5 anos, de 6 a 9, e de 10 a 12 anos. O prazo de recepción remata o 1 de decembro de 2025 e o fallo do xurado farase público o 3 de decembro de 2025.
Entre as tres postais finalistas o xurado elixirá unha, que será a protagonista das felicitacións de Nadal do Concello.
A Banda de Música O Landro, de Viveiro, convoca o IV Concurso de Marchas Procesionais Blas García Liz, no que colaboran o Concello de Viveiro e a Xunta de Cofradías da Semana Santa de Viveiro. A data límite de entrega é o día 9 de xaneiro do ano 2026 ás 23:59 horas.
“Este concurso non só é unha oportunidade para que compositores e músicos mostren o seu talento, senón que tamén para que tod@s desfrutemos da beleza e solemnidade que as marchas procesionais aportan ás nosas festividades. Sentímonos emocionados de recibir obras que reflexan a devoción e a arte que caracteriza a nosa...
leer más
O Concello de Burela presenta o Concurso de Postais e o Certame de Poesía Infantil Nadal 2025, dúas iniciativas para a cativada impulsadas pola Biblioteca Municipal.
O Concurso de Postais está aberto a nenos e nenas en idade escolar e o prazo de inscrición remata o 12 de decembro ás 20:00 horas. As postais estarán expostas na Casa da Cultura do 26 de decembro de 2025 ao 30 de xaneiro de 2026.
O Certame de Poesía Infantil estará aberto ata o 19 de decembro e está dirixido a cativada e mocidade ata os dezaseis anos. Os traballos premiados nesta fase local, participarán na fase provincial do Certame, convocado pola Biblioteca Pública de Lugo, co patrocinio da Consellería de Cultura, Lingua e Xuventude.
Máis información e as bases están na Biblioteca Pública Municipal e na web do Concello de...
leer más
Fallado o XI Concurso de Fotografía de Medio Ambiente Xove, a súa costa e o seu mar. A entrega de premios será este venres, día 31 de outubro, ás 20:00 horas no salón de plenos municipal.
O Concello de Xove anuncia os gañadores desta nova edición, que “contou coa maior participación ata o momento. Grazas a todos e todas por compartir o voso talento e amor pola natureza e o noso mar. Os premiados son: 1º, Miguel Ángel Díaz Gallego, coa foto Luces (120 euros); 2º, Alberto Rapa Martínez, coa foto Remanso Nocturno (100 euros); 3º, Germán Paleo Navarro, coa foto Rastro de Luz (90 euros); 4º, David Pablo Salgueiro, coa foto Mirador (75 euros); e 5º, Mónica Vila Ferreirós, coa foto Papel (65 euros). Noraboa aos gañadores e o noso sincero agradecemento a todos os participantes. Grazas tamén ao xurado, formado...
leer más
O Concello de Mondoñedo, a través da Concellería de Cultura, convoca o X Concurso de Fotografía O Mellor Recuncho de Mondoñedo, baixo o lema Elixe o lugar de Mondoñedo que máis che gusta, que ten por finalidade a elaboración dun calendario para o vindeiro ano 2026 coas mellores fotografías de recunchos da localidade. Abriuse o prazo de presentación de orixinais que rematará o venres día 28 de novembro.
As fotos deben presentarse en soporte dixital no seguinte enderezo de correo electrónico: recunchosdemondonedo@gmail.com e deberase indicar no asunto “Concurso Fotografía 2025”. No corpo do correo incluirase o nome do/da participante e un número de teléfono de contacto. Pode presentarse unha foto por participante.
O Concello de Mondoñedo explica...
leer más
A asociación xuvenil La Moderna, creada recentemente en Ribadeo, convoca un concurso de relatos de Samaín para o cal o prazo de entrega dos traballos remata o día 20 de outubro, luns.
Hai tres categorías: ata 12 anos de idade, de 12 a 18 e maiores de 18 anos. Os relatos deberán ser en galego, con extensión libre e pódense entregar na biblioteca municipal El Viejo Pancho, onde será a entrega de premios o 25 de outubro.