Barreiros

Dentro da programación cultural do Concello de Barreiros este domingo, día 1 de novembro, a monologuista Leti da Taberna ofrecerá o seu show  titulado Enredada. Será ás 19:00 horas no Centro Sociocultural de San Cosme, con entrada de balde ata completar aforo.

O Concello de Barreiros explica que é “un monólogo dirixido ao público adulto no que a artista explora en ton irónico a nosa relación coas redes sociais e como nos inflúen no noso día a día. En galego e con perspectiva feminista, Enredada enche o escenario de luz e enerxía, provocando que a espectadora se vexa identificada coas situacións que se presentan e acabe ríndose de si mesma”.

Corenta persoas realizaron a o oitava e última etapa do Camiño Francés o pasado sábado. A cita foi organizada pola Asociación Cultural Camiñantes e Camiños, de Barreiros. Os participantes fixeron esta ruta durante varias fins de semana desde o mes de abril. E no 2027, Ano Santo, o colectivo barreirense fará o Camiño Primitivo desde Fonsagrada.

O presidente de Camiñantes e Camiños, José Manuel Gómez Puente, contou que “foi unha das etapas máis numerosas. Foi curta, pero intensa. Estar preto da Catedral de Santiago sempre da un plus de enerxía. Asistimos á misa do peregrino na igrexa de San Agustín, xa que o Altar Maior da Catedral está en obras”. E engadiu: “foi unha xornada para compartir en harmonía e para rematar o Camiño Francés, que foi o que fixemos neste 2026”.

Ademais Gómez Puente anunciou que “no 2027, que...

O Concello barreirense anuncia que os obradoiros divulgativos e educativos do proxecto Vivir o Mar: Produto Local e Deporte no Litoral de Barreiros, que “promove un modelo de benestar integral entre a poboación infantil e xuvenil nos colexios do municipio”, continuarán o luns 26 e o martes 27 de outubro no colexio San Miguel de Reinante e rematarán o luns 2 de novembro, con sendas charlas no colexio de San Cosme e de San Miguel de Reinante, que contarán coa participación activa do cociñeiro Javier Montero e da ximnasta rítmica e investigadora Candela Martínez Bobo.

Ademais dos obradoiros, o proxecto Vivir o mar tamén organizará dous certames escolares sobre hábitos de vida saudable, “uns concursos dirixidos ao alumnado co obxectivo de fomentar a reflexión sobre a alimentación equilibrada, a práctica deportiva e a...

O grupo de teatro Tiruleque, de Carballiño, representará a obra titulada A conspiración da piolla este sábado, día 24 de outubro, ás 20:00 horas nas Escolas Vellas de San Miguel de Reinante (Barreiros). O prezo das entradas é de 3 euros e venderanse desde media hora antes da función.

É unha representación incluída no ciclo de teatro amador organizado polo Colectivo Cultural Ollomao, de Barreiros, que anuncia: “o grupo de teatro Tiruleque é unha asociación cultural sen ánimo de lucro que vén desenvolvendo distintas actividades, con participación activa na cultura do Carballiño dende 1985. Presentan A conspiración da piolla”, que é “unha comedia de intrigas e sorpresas”.