Barreiros
Os Reis Magos farán un percorrido polo municipio de Barreiros o día 5 de xaneiro, luns, desde as 10:30 horas.
O Concello de Barreiros anuncia: “as Súas Maxestades de Oriente confirmáronnos que volven percorrer Barreiros este luns para achegarnos toda a súa maxia e ilusión. Pola mañá, desde as 10:30 horas, visitarán algunhas das parroquias nas que non van estar pola tarde: comezarán o percorrido en Reinante para continuar por Vilamartín Pequeno, Vilamartín Grande, Cabarcos, A Rilleira, San Xusto e Vilamar. E pola tarde percorrerán San Cosme, saíndo ás 17:00 da Praza do Concello, para chegar ás 18:00 horas ao Centro Social. Alí farán a tradicional recepción e reparto de agasallos para todas as nenas e nenos que acudan. Non faltedes e, sobre todo, non esquezades ter todo preparadiño para a noite!”.
A compañía teatral Nao Caracola presentará un espectáculo de monicreques este domingo, día 4 de xaneiro, en Barreiros.
“Chegan os monicreques a Barreiros! O vindeiro domingo, 4 de xaneiro, ás 18 horas nas Escolas Vellas de San Miguel Nao Caracola presenta o seu primeiro espectáculo dirixido a todos os públicos, especialmente recomendado a partir dos 6 anos: Esperta Rinoceronte. Esta obra de monicreques dá vida a unha historia que pon o foco no traballo infantil e, con iso, naquelas persoas cuza existencia coñecemos, pero preferimos ignorar. Esperta Rinoceronte fala sobre a nosa conciencia durmida, sobre a nosa capacidade de mirar para outro lado, sobre o noso consentimento inconsciente que se deixa levar polos brillos cos que se camufla o despropósito. Un despropósito que se estende polo planeta e camúflase como unha impagable maquinaria de desposesión e...
leer más
Os Reis Magos serán recibidos en San Miguel de Reinante (Barreiros), cun acto que se celebrará o día 5 de xaneiro, luns, ás 19:00 horas.
A recepción será no pavillón do CEIP San Miguel e actuarán os grupos das escolas da asociación folclórica O Arco da Vella, colectivo que organiza o evento.
A asociación Os Sendeiros, de Foz, participará este domingo, día 4 de xaneiro, na andaina solidaria de Reis que se celebrará en Barreiros e organiza unha comida para ese día en Reinante. A saída desde Foz será ás 09:00 horas e ás 09:15 horas desde Ferreira do Valadouro.
Os prezos desta actividade, incluído o xantar, son: 40 euros para socios federados, 45 euros para socios non federados e 50 euros para socios temporais.
O prazo para anotarse remata este xoves, 1 de xaneiro, a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta andaina, que é de dificultade baixa, a asociación Os Sendeiros recomenda levar equipo de sendeirismo.
O Concello de Barreiros anuncia que a tradicional carreira solidaria de Reis disputarase este domingo, día 4 de xaneiro, “con récord de participación na categoría absoluta”. As inscricións permanecerán abertas ata o xoves día 1 incluído.
Barreiros acollerá a primeira das probas do ano 2026 pertencentes ao seu circuíto de carreiras populares Circuíto +kmsBarreiros, que ademais da carreira absoluta e de menores contará cunha andaina solidaria con dúas distancias (8 e 13 quilómetros) a escoller polas persoas participantes.
O aporte solidario desta edición irá destinado a prol da asociación SOMOS, unidos por el cáncer e desde o Concello de Barreiros agardan superar a cifra recadada o ano anterior, que foi de 667 euros. Na páxina web do evento (...
leer más
O Apalpador estará este domingo, día 28 de decembro, desde as 18 horas na Praza do Concello de Barreiros.
Esta visita está organizada polo Colectivo Cultural Ollomao, que anuncia: “xa chegou o señor Apalpador e este ano vén acompañado de música, cantigas e encontro arredor da tradición, nun obradoiro en familia con Blanca Villares. Esta actividade vén promovida pola Vicepresidencia da Deputación de Lugo e o Concello de Barreiros para completar así unha tarde de lecer e cultura. E volveremos ter chocolatada”.
O Concello de Barreiros, xunto coas ANPAS dos CEIPs de San Cosme e de San Miguel, organiza unha viaxe a Xuvelugo, “unha cita xa clásica destas datas para a cativada barreirense”. A viaxe terá lugar o martes 30 de decembro con saída ás 15:00 horas desde a Praza do Concello e regreso, ás 20:00 horas, saída de Lugo. A excursión inclúe entrada e viaxe en bus de balde para as nenas e nenos de Barreiros, anuncia o Concello.
Cada nena ou neno deberá ir acompañado/a por unha persoa adulta, que terá que aboar: 5 euros os socios/as das ANPAS e usuarios/as das EEDD; e 7 euros o resto de acompañantes.
O Concello de Barreiros explica tamén que Xuvenlugo “é un gran espazo de lecer infantil e xuvenil situado no Pazo de Feiras e Congresos de Lugo. Está cheo de atraccións, inchables, xogos, animación e deporte para pasar unha...
leer más
O Concello de Barreiros anuncia que “Papá Noel chama á porta e quere falar coas nenas e nenos de Barreiros. Cóntanos que estará o martes 23 de decembro no centro sociocultural de San Cosme a partir das seis da tarde. Seica vén con moitas ganas de saudar á cativada e ás súas familias, así que animámosvos a achegarvos a este encontro tan especial e agardado do Nadal”.
O Concello de Barreiros pecha a programación cultural cunha fin de semana dedicada ás artes escénicas e ao cine galego con dúas propostas abertas ao público que terán lugar esta fin de semana.
O sábado 20 de decembro, ás 19:00 horas, os colexios vellos de San Miguel acollerán a “Isabel Risco coa súa icónica Nabiza Girl que, neste caso, virá acompañada do fiel escudeiro, Don Galizo. Isabel Risco e Alberte Bello propoñen un espectáculo cheo de humor, retranca e identidade galega”, anuncia o Concello de Barreiros.
Xa o domingo 21 de decembro, ás 19:00 horas, o centro sociocultural de San Cosme acollerá unha tarde de cine coa proxección da película Antes de nós. “O filme debuxa dous momentos decisivos na vida de Castelao e da súa compañeira Virxinia antes de converterse nunha das figuras centrais da...
leer más
Este xoves, día 18 de decembro, comeza o reparto do almanaque do Concello de Barreiros para o ano 2026, que recolle fotografías cedidas pola veciñanza “coas que se quere rememorar a nosa historia como pobo e poñer en valor o esforzo e a tradición de quen nos precedeu. Este ano queremos pechar o 2025, no que a música tradicional tivo un relevante papel tamén no noso concello, coa edición do calendario do 2026 centrado neste tema. Porque un pobo que canta é un pobo que vive, queremos ver un Barreiros vivo e dinámico! E mostrarlle ao mundo que sempre fomos un pobo de artistas”.
O Concello de Barreiros engade: “grazas a todas as persoas que nos cederon fotografías para poder ter na man este calendario. E pedimos desculpas de antemán se quedaron algunhas sen recoller ou utilizar, mais teñen cabida en vindeiras ocasións. Por razóns operativas os...
leer más