Barreiros
A Asociación Cultural de Sendeirismo Camiñantes e Camiños, de Barreiros, realizará o 24 de outubro, sábado, a oitava e última etapa do Camiño Francés, que os participantes fixeron durante varias fins de semana desde o pasado mes de abril.
O presidente do colectivo, José Manuel Gómez Puente, lembrou: “arrincamos o pasado 18 de abril en Pedrafita do Cebreiro e remataremos agora as oito etapas nas que dividimos o Camiño Francés co treito comprendido entre Lavacolla e Santiago, que son 10 quilómetros, ou entre o Monte do Gozo e Santiago, que son 4 quilómetros. Así adaptámonos un pouco as condicións físicas de todos os participantes”.
A saída desde Barreiros está prevista para as 6:30 da mañá. O prezo do autobús, que trasladará aos asistentes, máis a comida é de 40 euros para os socios e de 45 euros para os non socios...
leer más
A Área de Medio Rural da Vicepresidencia da Deputación de Lugo colabora coa Fruga e coa Asociación Galega de Viticultura na organización dun Túnel do Viño Tinto, que se celebrará este venres, día 16 de outubro, en Barreiros. E explica que “a iniciativa busca poñer en valor a diversidade dos viños tintos producidos na provincia e achegar ao público a súa riqueza. O túnel contará cun total de 15 viños, cinco da IXP Terras do Navia, seis da D.O Ribeira Sacra e outros catro que non forman parte de ningunha distinción xeográfica”.
O deputado de Medio Rural, Daniel García, explicou: “queremos reivindicar todo o traballo que hai detrás da produción de viño e o seu potencial para contribuír á conservación do territorio”.
A xornada, que terá lugar no local das Escolas de San Cosme, complétase coa conferencia Tintos de...
leer más
O Colectivo Cultural Ollomao, de Barreiros, organiza unha excursión ao Courel para o día 23 de outubro, venres. O punto de encontro será no Restaurante Asador ás 8:40 horas.
As reservas poden facerse a través do teléfono 678.546.526 (WhatsApp) e o prazo de inscrición remata este xoves, 15 de outubro, ás 20 horas. As prazas son limitadas con preferencia para persoas socias do Colectivo Cultural Ollomao, que explica: “hai lugares aos que apetece ir antes mesmo de saber todo o que nos espera. O Courel é un deses lugares. Unha terra de montañas, aldeas, camiños e paisaxes que convidan a parar un pouco e mirar ao redor. E desta vez imos descubrilo xuntas, nunha excursión incluída no programa Coñece a túa Provincia, da Deputación de Lugo, para coñecer algúns dos seus recunchos e tamén parte da súa historia e da súa cultura. Comezaremos o día...
leer más
A área de Cultura da Vicepresidencia da Deputación promove a difusión do documental Prisciliano e a Gallaecia achegando a súa exhibición a diferentes concellos da provincia. Trátase dunha serie de encontros divulgativos sobre Prisciliano, que contará coa participación de Aser Álvarez, director do documental, Diego Piay, historiador, Victorino Pérez, experto en Prisciliano, e Xabier Correa Corredoira, membro do equipo artístico. O venres 13 de novembro proxectarase en Barreiros e o domingo 15, en Burela.
A deputada de Cultura, Iria Castro, destacou a relevancia deste documental, “o primeiro que se realiza sobre a súa vida”, que axuda á recuperación da figura do bispo, pois “non se ten divulgado o suficiente sobre a súa importancia histórica, xa normalizada en círculos académicos, pero non se achegou este coñecemento á poboación”
A Vicepresidencia da Deputación...
leer más
Este domingo, 11 de outubro, a Praza do Concello de Barreiros acollerá o Mercadiño no Outono, “unha xornada de encontro veciñal con preto de 40 postos de produtos de proximidade e máxima calidade” organizada polo Concello de Barreiros coa colaboración da Vicepresidencia da Deputación de Lugo.
A xornada comezará ás 11:00 horas coa apertura dos postos e a actuación do grupo de gaitas da Agrupación Folclórica O Arco da Vella. Ás 11:30 horas terá lugar o faladoiro Lambiscadas Científicas, con entrada libre, no que se abordarán as enfermidades transmitidas por carrachas en Galicia e as principais medidas de prevención.
Ás 12:00 horas, actuación musical en vivo de Lorena Doval & Manu Arroyo, que amenizarán o ambiente do mercadiño. Media hora despois, ás 12:30 horas, darán comezo as degustacións de elaboracións...
leer más
O Colectivo Cultural Ollomao anuncia que “este outubro Barreiros incorpórase ao Circuito Galego de Teatro Amador, unha iniciativa da Federación Galega de Teatro Afeccionado (FEGATEA) na que participamos desde Ollomao. Ao longo do mes poderemos gozar de catro funcións, catro compañías e catro historias ben diferentes, repartidas entre as Escolas Vellas de San Miguel e o Centro Sociocultural Manuel Díaz Sampedro de San Cosme”.
O sábado 10 de outubro Andaravía Teatro representará a obra titulada Lévame ao paraíso; o domingo 11 Rebuldeira Teatro escenificará Vermello; o sábado 24 de outubro Tiruleque Teatro ofrecerá A conspiración da piolla; e o sábado 31 de outubro Gargallada Teatro poñerá en escena García, un cadáver informal.
O prezo das entradas será de 3 e estarán á venda dende...
leer más
Barreiros acolleu a presentación “dunha das probas estrela do outono deportivo na comarca”, o Trail Monte Comado, que este ano cumpre dez edicións. Ao acto de presentación acudiron a alcaldesa de Barreiros, Ana Ermida; o concelleiro de Deportes e deputado provincial, Dani García; o xefe provincial de Deportes da Xunta de Galicia, Manuel Otero; e membros da entidade organizadora, a Asociación Cultural e Deportiva Praias de Comado.
O Concello de Barreiros destaca que “alcanzar unha década de vida converte nunha edición moi especial a esta proba”, un fito que puxo en relevo a alcaldesa, Ana Ermida, quen destacou “o traballo constante das asociacións no esforzo por dinamizar Barreiros, desestacionalizar o turismo e promover o deporte. Chegar a dez edicións dunha carreira de montaña demostra a solidez dun proxecto que xa é todo un orgullo para...
leer más
A Real Academia de Doutores de España (RADE) ven de recuperar a figura de Aurora Sampedro coa publicación dunha semblanza cando se cumpren 30 anos do seu falecemento. A científica barreirense naceu en San Pedro de Benquerencia en 1913 e faleceu en 1996.
O autor da lembranza é o doutor en Enxeñería Pedro José Rivero Fuente. Na mesma repasa a traxectoria de Aurora Sampedro, que estivo marcada pola investigación científica, pola formación académica e polo desenvolvemento de traballos pioneiros en diferentes áreas da ciencia.
A RADE tamén destaca o seu carácter cosmopolita, o interese polas artes e as humanidades e unha traxectoria profesional nun contexto complicado no que o acceso das mulleres a postos de responsabilidade científica resultaba moi complicado naqueles anos.
Aurora Sampedro...
leer más
O Concello de Barreiros presenta a terceira edición do festival de cultura urbana Son Urbán, “un evento consolidado na axenda cultural do municipio que mestura as diferentes disciplinas da cultura urbana”. Celebrarase o venres 9 de outubro na Praza do Concello, converténdose nun punto de encontro da creación artística e a música en directo.
A iniciativa está organizada polo Concello de Barreiros e conta coa colaboración da Vicepresidencia da Deputación de Lugo. “O cartel deste 2026 destaca pola presenza de recoñecidos nomes de artistas musicais e por unha potente combinación cultural aberta á mocidade e a poboación en xeral. O evento estará xestionado por Trasnosound na parte artística e contará ademais das propostas musicais con actividades de Vella Escola e a presentación do libro Somo HipHop”, explica o Concello de Barreiros, que engade...
leer más
O Concello de Barreiros anuncia que “avanza no seu compromiso coa mellora da calidade de vida e a saúde da veciñanza” coa presentación da nova delegación na comarca da Mariña da Asociación Galega de Fibromialxia (AGAFI). O evento terá lugar este xoves, día 17 de setembro, ás 20:00 horas a carón do Concello, nas escolas unitarias de San Cosme de Barreiros.
“A creación desta delegación supón un paso importante para achegar á comarca o labor de AGAFI. Esta entidade traballa desde o ano 2000 na información, defensa e acompañamento das persoas afectadas por fibromialxia, dor e fatiga crónica, co obxectivo de ser unha ponte útil entre os afectados, as súas familias e o sistema sociosanitario”, explica o Concello de Barreiros, que engade: “durante o acto, a terapeuta ocupacional Lucía Moreda; especialista en afrontamento activo do dolor, insomnio...
leer más